تطبيق للأصابع عند التنقل بين الأوتار باستخدام سلم الكروماتيك.
طارق حرب:
"(يعزف الأستاذ طارق التمرين)مرحبا انا طارق حرب من اعزف دوت كوم واليوم بهذا الدرس زي ماسمعتو راح نتعلم بس كروماتك سكيل طالع من أول نوته فالبوزشن لاهون وراجع.
طيب ليش بنسويه هادا التمرين عشان نركز علي فريستروك و ريستروك ونركز علي التحويل هون احنا دايما بنبلش فريستروك وبعدين لما نوصل هون بيكون ريستروك وهون برضو بيكون ريستروك وبدنا ننزل الإبهام شويه (يوضح الأستاذ طارق علي الجيتار)وهكذا لكل وتر حس معين فاكتير منيح هادا التمرين عشان الواحد يركز علي راحة اليد وهو عم بينقل من ستريم كروسينج زي ماعم نسميها او وهو بينقل بين الأوتار هادا هو فائدة التمرين وبردو الواحد ممكن يزيد سرعه او يقلل سرعه بس المهم يحسن الستريم كروسينج تبعه للسلالم عشان لما تيجي مقطوعه فيها سلالم يعزفها بكل راحه وبكل اتقان فاخلينا نبلش علي ستين اربع نبضات سكستين نوت وهو التمرين هادا بس طالع منيح نركز علي الليفت هاند عشان الليفت هاند مرات في عند الشباب هيك بيسوو(يوضح الأستاذ طارق علي الجيتار) وهادا الشي مو منيح علي الكلاسيك جيتار دايما بيكون الليفت هاند زي هيك حتي وهو عم يلعب هالتمرين (يعزف الأستاذ طارق التمرين).
يتأكد انه الأصبع الرابع مايكون عامل كولابس او عامل ضغط لتحت زي هيك يكون فيه تقويس بس هادا التمرين بيخلي العقل يركز علي اكتر من شغله اول شغله الرستروك شغلة التقويس الاصابع وشغلة الستريم كروسنج مع بعض فلازم نسويها ونركز علي هالتلات شغلات (يعزف الأستاذ طارق التمرين)شوفتو الواحد اولها راح يستصعب في شغله معينه بالتمرين يااما ليفت هاند او رايت هاند بس دائما ثابرو علي هالشي وانا بنصح تبلشو علي اربعين صراحه كتير بيكون احسن الواحد يبلش علي سرعه بطيئه عالميترنوم تبعه ابطئ سرعه ممكنه وفي ميترنوم بينزل عالعشرين كمان او تلاتين كتير منيح الواحد يبلش علي سرعه بطيئه ويركز علي هالشغلات ويكون كتير مرتاح في الأكتاف وفي القعده تبعته ليش عشان بيلقط المعلومه بطريقه اسهل لما يكون الجسم مرتاح هلأ اذا انا قاعد ومش مرتاح وبسوي هادا الترين ماراح يكون عندي تركيز كفايه علي اللي بحتاجه علي تنظيف الصوت مثلا وتحسين اليد الشمال بكون عم حاول احسن بس جسديا مش مرتاح فلازم الواحد يحاول يتفادي هالشغلات خصوصا بتمارين زي هيك اللي فيها اعادات كتير وانت عم بتعيد ركز دايما عاللي عم تسويه حاولوا انه عقلقو مايتشتت بأفكار تانيه عشان يحسن عزفه فاهاي التمارين اللي زي هيك هي تيست للواحد هل فعلا الواحد بيضل حاضر ومركز علي عزفه مع كل هذي الشغلات اللي لازم يدير باله عليها اذا بتلاحظ انه صار في اعاقه يا باليد الشمال يا باليد اليمين معناته عم تعزف كتير بسرعه ومش مركز علي كل شئ فالأفضل الواحد يبطئ السرعه ويركز ويضله مع التركيز هادا هادا كتير مهم خصوصا بتمارين الأساسيات اللي احنا عم نسويها هلأ ان شاء الله يعجبكو هاد التمرين وخدو ستيب باي ستيب ما يستعجل الواحد بالأمور هاي.
شكرا الكم ونشوكم المره الجايه."
