تطبيق آخر على العلامات و الأوزان من خلال مقطوعة هي مجرد افتتاحية على نوتة لا ماينور , يشرح الأستاذ أيضاً مفهوم الإصبع الدليل Prelude In A Minor , Guide Finger.
طارق حرب:
"مرحبا انا طارق حرب من اعزف دوت كوم واليوم بالدرس السادس بدنا نعزف مقطوعه بريلود إن اي ماينور اللي هي بس افتتحايه في مفتاح ال لاماينور او اي ماينور يعني بالأحري مالهاش اسم يعني ماخدين الهارموني ومسميينها علي الهارموني.
الإشي المهم بالمقطوعه هاي انه بنطبق التريبلت اللي حكينافيها في الدرس الخامس طوال الوقت في الحس تبع التريبلت هذا طول الوقت بس بنفس الوقت عم نحافظ علي الاربع نبضات في المازوره فا زي كده عم نطبق الكومباوندميتر علي السيمبل ميتر زي مانتو شايفين كل نبضه هي بتتلائم مع البيس نوت (يعزف الاستاذ طارق التمرين).
وهذا اللي عم نعبيه فوق هو بس مجرد تعبايه بي آي إم بي آي إم بس انا ماخدها شوي سريعه ماخدها تقريبا ضعف الستين ماخدها مائه وعشين لكل نبضه تعالو نشوف مع بعض كيف (يعزف الاستاذ طارق التمرين)طبعا انتو لما تبلشو فيها للمقطوعه نبلش فيها بي ستين ونحس التريبلت مره ثانيه بنسوي وان تو ثري فور وان اند ذا تو اند ذا ثري اند ذا فور اند ذا هاي مراجعه بس بنطبق بعدين المقطوعه عليها (يعزف الاستاذ طارق التمرين) المازوره الأولي .هلأ تكنيكيا المازوره التانيه انا حطيت اصبع واحد واتنين لقدام شوي ليش بدنا ندخل مفهوم جديد تكنيكيا في اليد الشمال اللي هو الأصابع اللي بتدل علي الأصابع اللي بعدها اللي بتساعد الأصابع اللي بعدها تنزل في المحل الصح بيسموها جايد فينجر بالانجليزي يعني بيعطينا دليل علي شو الأصبع اللي بعده من غير مانحط اصابع جداد مثلا زي مانتو شايفين بالمازوره الاولي كنا عندنا فريست فينجر علي ال C وسكند فينجر علي ال A اللي هو اول اصبع علي ال دو والأصبع التاني علي ال لا او A (يعزف الاستاذ طارق التمرين).
المازوره التانيه بدنا نروح علي ال ري و سي او D ,Bفبدال مانحط احنا ثري فور هون(يعزف الاستاذ طارق التمرين) ممكن نسويها هيك بس انا لقيت اسهل انه نعرف مفهوم الجايد فينجر ونطبقه علي المقطوعه هاي وبنفس الوقت بعطي شعور للسلايد وفيها حنيه شوي اسمعوا (يعزف الاستاذ طارق التمرين) صار فيه زي زحلقه شوي في النوته و سهله تكنيكيا وبتطلع موسيقيا حلوه وصار فيها نوع من الإخراج شوفو كيف الواحد لما يطبق تكنيك بيضرب عصفورين بحجر زي مابيقولو بيطبق تكنيك معين بيسهل عليه العزف وبنفس الوقت بيساعده علي اخراج النوتات الموسيقيه يعني هذا كله التوافق مع بعض مافي احلي منه صراحه (يعزف الاستاذ طارق التمرين)شوفتو كيف هذا السطرالأول الإشي المهم كمان في السطرالأول انه نتعلم كيف نطفي نوتات البيس اللي بيسموه بيس استيرنج دامبينج بالانجليزي اللي هو نكتم صوت البيس اللي خلصنا منه عشان مايصيرش في طينه بالنوته زي ماحكينا قبل (يعزف الاستاذ طارق التمرين).
لاحظتو هون ال A استرينج عم بيرن وال Eاستيرنج عم بيرن الاتنين مع بعض بس انا هون خشيت في الهارموني تبع ال اي ماينور هون فلازم لما ارجع للهارموني تبع ال Aماينور اطفي Eعالسريع والعب ال A (يعزف الاستاذ طارق التمرين) هاي بدها تركيز واذا ممكن تركزو عليها منيح وتطبقوها بسرعه بطيئه جدا عشان هذا هو الأساس تبع التكنيك واساس الموسيقار اللي هو بيساعده انه الناس تسمع موسيقاه وتحترم موسيقاه بيبلش بهذي الشغلات الصغيه اللي عم نحكي فيها هلأ."
