ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
ما هو الإيقاع ؟
يبدأ نزار الدورة بتعريف عام و ينتقل للحديث عن مفهوم الإيقاع كبداية لدورة الطبلة هذه , و يتحدث عن مفاهيم مختلفة .


نزار الحمود:


"مرحبا أنا نزار من إعزف دوت كوم. واليوم رح بندا حصتنا الأولى في دورة تعلم الطبلة.


الطبلة هي آلة إيقاعية تستخدم لضبط الإيقاع، شوي يعني كلمة إيقاع؟ وهل هو موجود في حياتنا اليومية يعني موجود في الشارع، موجود في بيتنا، ولا بس موجود في الموسيقى.


إذا إجينا بدنا نعرف الإيقاع فتعريفه: هو ضبط النغمات في زمن محدود وثابت، شوي صعبة يمكن لو سهلناها على حالنا شوي، خلينا نتخيل الساعة مثلاً، الساعة لو اطلعنا عليها رح نلاقي عقرب الثواني ورح مثلاً نشبه صوت بكلمة تك رح نسمع تك تك تك يعني بين كل تك وتك في ثانية، هيك نحنا ضبطنا النغمة اللي هي تك بزمن معين اللي هو ثانية، برضه لو إجينا اطلعنا على الساعة رح نلاقي عنا عقرب الدقائق اللي هو مثلاً خلينا نسميه صوته تك رح نلاقي إنه كل ستين تك رح يصير عنا تك واحد وهيك إحنا ضبطنا نغمة التك بزمن ووقت محدد.


هلاء هذا هو مصطلح الإيقاع. الإيقاع في القطع الموسيقية رح نتعرف على كتير من الإيقاعات الشرقية خلال هاي الدورة رح يكون ممكن عنا يكون حسب القطعة الموسيقية اللي عم تنعزف أو الأغنية ممكن يكون إيقاع سريع، ممكن يكون إيقاع بطئ جداً، وسرعات تختلف.


هلاء في عنا أو الموسيقين بستخدموا جهاز اسمه المترونوم برضه رح نشوفه لبعدين، هذا الجهاز هو خلينا نحكي أو نشبهه بالساعة تبعت الموسيقي، بساعد الموسيقيين كلهم على معرفة الوقت المحدد لهاي القطعة الموسيقية وبالتالي كلهم بيعزفوا بنفس التوقيت ما في حدا بعزف أسرع من حدا أو حدا بعزف أبطئ من موسيقي آخر. هلاء في حال ما كان هذا الجهاز موجود أو المترونوم بنكون بنعزف مع فرقة موسيقية كبيرة بكون المترونوم تبع الفرقة هاي هو الإيقاععشان هيك بنسمي الآلآت الإيقاعية مثل الطبلة هي آلة لضبط الإيقاع فهيك اليوم بنكون نتعرفنا على مصطلح مهم جداً قبل ما نبدا بأي إشي اللي هو مصطلح الإيقاع وشكراً."