ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 الأخطاء الشائعة 08:49
2 التنفس السليم للغناء 12:31
3.1 ما هو الفوكاليز؟ 07:18
3.2 الفوكاليز و الصوت المستعار 07:50
4.1 مخارج الحروف العربية 04:54
4.2 علاقة الطعام بالغناء 06:11
4.3 تمارين فوكاليز 06:21
5.1 مخارج الحروف و القرآن الكريم 03:35
5.2 تمارين فوكاليز باستخدام حرفين 05:43
5.3 تمارين فوكاليز و أخطاء شائعة 07:54
6.1 الصولفيج 05:20
6.2 النوتة الموسيقية 05:52
6.3 الزمن في الصولفيج 04:42
6.4 تمارين صولفيج 04:55
7.1 علم المقام العربي 07:29
7.2 متابعة علم المقام العربي 04:50
7.3 السلم الموسيقي على المقامات العربية 04:53
8.1 قوالب الغناء العربي : الموشح 05:05
8.2 قوالب الغناء العربي : الدور 05:54
8.3 قوالب الغناء العربي : القصيدة 05:39
الأخطاء الشائعة

تتعّرف في الدرس الأول من دورة تعلم الغناء العربي 1 على الأستاذ ريبال الخضري الحائز على جوائز عديدة للغناء, ينتقل بعد ذلك ريبال ليتحدث عن الدورة بشكل عام ثم طريقة التنفس السليمة للغناء و أنواع الأصوات المختلفة التي يمكن للمغني أن يصدرها عن طريق الأجزاء المختلفة للجسم و علاقة الصوت البشري بالحنجرة, أيضا ينتقل , ريبال ليتكلم عن بعض الأخطاء الشائعة و المعلومات غير الصحيحة المنتشرة و المتعلقة بالغناء.


ريبال خضري:


"مرحبا ,انا ريبال خضري من إعزف دوت كم.


أنا معي بكالوريس بالغناء العربي من المعهد العالي للموسيقى بسوريا و حائز على الجائزة الأولى بمهرجان الأصوات الجميلة بالكسليك, كلية الكسليك ببيروت.


بهادا الكورس نحنا رح نبلش نتعلم الغناء العربي تفاصيليه أكيد رح نحاول نركز أكتر على الغناء العربي بس بنفس الوقت أهم اشي عنا انه أحنا نعرف كيف عم نغني, كيف اّلية الصوت , كتير دايما أول سؤال بنسأل عليه أنه أنا كيف عم غني , يعني أنا شو بفرق عن أي اّله موسيقية تانيه , دايما بنسأل أنه التنفس التنفس هوه نحنا لازم كيف نتنفس, هل أنا بتنفس من صدري أو بتنفس من بطني,.


شو يعني تنفس بطن, هدا كلياته لازم نعمله كلياته نمرق عليه من أول الكورس لاخره بالأضافة لهيك رح نتفصل او نفوت بتفاصيل المقامات العربية رح نفوت بالمقامات التمانه رح نفوت بمخارج الحروف كيف بقدر الفظ صح كل هدا رح يكون معنا بهدا الكورس من الكورس الغناء العربي. أول نقطة حابب أني احكي عنها اللي هيه نحنا كيف عم نغني , كيف اّلية خروج الصوت البشري. كل الالات الموسيقية العود البيانو في الها اّليه انه في أوتار هي الأوتار بتنشد بدرجة معينة فأنا لما بطرق على أي وتر رح يكون عندي اهتزاز هدا الأهتزاز أنا بسمعه بنوت موسيقي معين اللي هوه دو أو مي أو فا أو غيره. هلأ الصوت البشري مختلف عن كل هدول ايضا في عبارة عن سترنغنز بس اّلية خروج الصوت البشري اّلية خروج الصوت البشري ما بتكون عبر ريشة عم بتدق على هاي الأوتار. لو اجينا نشوف صورة الحنجرة حلاقي أنه الحنجره هيه جاي متل البصلة بقلب هاي البصلة أنا عم شوف وترين بيض ممتدين بشكل سبعة نافرين شوي لبره بحيث أنه يكونوا متل متل بتعرفوا شو متل البالون, أنا لما بكون عندي بالون اله من فوق بكون حز معين أو حد معين أنا لما بجي بدي أنفخ بقدر سكر هدا البالون.


هلأ اّلية الخروج مشابهه لاّلية أنه أنا عم بفضي هدا البالون وعم بمسك من فوق البالون عم سكره فهدول الحرفين عم بقربوا على بعض أنا شو بصير عم أسمع أنا بصير عم أسمع صوت , نفس صوت تماما نفس الاّليه تماما هيه اّلية خروج الصوت البشري. هلأ نيجي نشوف بعض ما طلع الصوت طبعا نحنا هاي الاّه هيه جايه بهاي الطريقة أنه الحبلين الصوتين عم يحاولوا يسكروا بكونوا بهدا الشكل بحاولوا انهن يسفقوا على مخرج الصوت فبيطلع عندنا هدا الصوت اللي احنا عم نشوفه. هلأ بعد ما طلع الصوت أنا ممكن أني اخلي الصوت يطلع بشكل مباشر لعند أسناني أو للخارج يكون () بهيك حالة مباشرة الصوت من المصدر لأذن المستمع مارا بجسمي أو في عندي الحل الأفضل اللي هوه بستخدموا كل المغنيين المحترفين أني أنا خلي صوتي يرن يعبي أكتر كيف بمناطق الفراغات الموجودة بجسمي هاي بنسميها مناطق الرنين الصوتي لو اجينا نقسمها حنلاقي أنه عنا منطقة الرنين الصدرية و منطقة الرنين الرقبية أو منطقة الرنين الحنجرية أكتر منطقة مركز فيها الصوت.


بالأضافة لهيك منطقة الرنين الرأسية. هلأ لو جربناهن على البيانو لو جربنا نحنا نسمعكن اياهن لاحظ مثلا أنا لو اجيت كنت بالقرار اللي هوه أدنى مناطق الصوت (يعزف الاستاذ ريبال التمرين).


هلأ لو جربت حط ايدي هون رح لاحظ أنه رنين عم يكون هون (يعزف الاستاذ ريبال التمرين). تمام هلأ لو أنا عدت نفس الجملة من الجواب اللي هوه المناطق الحادة من الصوت أو مناطق اللي شوي عالية جربتها من هون (يعزف الاستاذ ريبال التمرين ).أيدي هون لو حطيتها ما رح حس برنين بينما لو حطيتها مثلا بهاي المنطقة (يعزف الاستاذ ريبال التمرين) رح حس أكتر بالرنين, ليه لانه هون كنا بمنطقة الرنين الصدرية اللي هيه مناطق اللي هيه المنطقة اللي نحنا بنغني فيها القرارأو منطقة الدنيا من الصوت أما المناطق العليا فغالبا بتتجه باتجاه صوت الرأس. هلأ لو اجينا نقسمها كصوت حنلاقي أنه أنا تحت عم بكون صوتي صدري بعدين بنتقل لصوت الرقبة (يعزف الاستاذ ريبال التمرين)بعدين ببلش يطلع لفوق (يعزف الاستاذ ريبال التمرين) ببلش يطلع كلماله لفوق أكتر فاذن الصوت الصدري بالقرار بالوسط صوت الرقبة بالأعلى بكون عندي صوت الرأس.


هلأ في اشي ضروري أنه نويه عليه أنه الوترين بالعموم بسفقوا على بعض فبيطلع عندي هدا لصوت هلأ لو هدول الوترين ما سفقوا بالكامل يعني ما عملوا ما سكروا هيك سكروا هيك تركوا مكان فراغ صغير فانا بسمع صوت بنسميه بالغناء بنسميه صوت الفالسية أو الصوت المستعار ليش الصوت المستعار لانه ما بكون صوت ما بكون صوت كامل بكون صوت أقل من الصوت الطبيعي كفوليوم كصوت بكون اوطى شوي وما بحمل كل تعابير الصوت ليه لانه مو وترين ما دقوا ببعضن كامل فبكون عم أسمع كأني نصف صوت هدا الصوت بكون أسهل للمغني بكون أسهل للأطفال بكون بستعملوا كتير مغنيين الأوبرا اللي هوه نفس الصوت اللي أنا بقولوا () كل هاي المناطق بكون الصوت عم أسهل اله ليه لانه ما عم بكون استخدم كل العضلات لحرك الوترين وانما عم بكون بستخدم بس منطقة معينة من الوترين .


هاي بنسبه لمناطق الرنين الصوتي بسوا أني نبه أنه المغني المحترف بيفرق عن المغني الطبيعي بأنه هوه لما بده يغني هاي مناطق الصوتية بحاول أنه ما يحسس المستمع بهاد بهاد الفارق متل كتير مغنيين متل أكتر خطىء شائع أنه أكتر الأشخاص اللي بغنوا أنه بدل مثلا ()فشخص اللي عم يسمع بحس أنه ليش هدا الديسمونس ليش هدا الاختلاف فالأفضل أني أنا لما بكون تحت حاول قرب صوتي أكتر على رقبتي لما كون فوق احاول خلي صوتي كمان أقرب لرقبتي ما خلي بالحدة تاع صوت الراس ولا خلي بالضخامة تبع صوت الصدر كل ما قربوا على بعض كل ما قدر الشخص يحس أنه الصوت متجانس أكتر. أخر اشي بدي أحكي قبل بهاد الدرس التمهيدي اللي أنا عم بحكي نحنا كيف تفاصيل الصوت بدي أحكي بأنه أنا أهم نقطة عندي بهاد الكورس أنو أنا أتعلم أفتح تمي بالشكل السليم ما بجوز أنا بس أفتح تمي لمجرد أنه أنا سمع حالي أو خلي الحرف يطلع و بس لأ لما انا بدي قول () أنا هون عم بعمل وظيفة أنا من أنا عم بغني فما بجوز أني انا قول () بهيك حالة أنا ما بكون ستفدت. خطئ شائع عند اكتر المغنيين العرب أنه هنن لما بغنوا بغنوا أنه مثلا () شوفوا لو انا عدت نفس الجملة بتم مفتوح صوت أجمل ممتع أكتر فيه رنين أكتر بهاد الصوت . بالكورس بالدروس القادمة رح فصل هاي المواضيع أكتر بصفى أني قول شي واحد ضروري دائما أني قولوا ودائما هاد بكون سؤال الطلاب لما بيجوا لعندي بأول درس أنه أنا بينفع أنا مثلا أكل سكر أوأنا بينفع سكر النبات او أنا مثلا الماء أنا بس بدي قول نقطة وحدة أنه علميا الحنجرة بتكون مغلقة الحنجرة مفتوحة فقط وقت الغناء وقت انا بدي أكل الحنجرة في الها شي اسموا لسان المزمار بيغلق الحنجرة تماما لحتى ما يدخل عليها أيا شي فبليز ما تخلو ايا شي يوتركم من نمط أنه أنا أكلت أنا أكلت اليوم اشي أساء لصوتي أو هيك الاشياء الوحيدة اللي ممكن تسيئ للصوت اللي هيه ممكن احيانا تكون الحموض احيانا التوابل احيانا في اشيا رح نطرق لها فيما بعد بس هاي الاشيا ما بتسيئ ببصوت بشكل مباشر وانما بتسيئ أنه هيه عم بتسيئ للجسم بشكل عام فكونه الحنجرة عضو بالجسم البشري فبتتأثر مثلا مثل باقي الأعضاء.

 بالدروس القادمة رح أحكي عن التفاصيل التانية وكمان الدرس القادم رح ركز كتير على كيف يكون تنفسنا صحيح لنقدر نغني كتير منيح."