ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 عرب صوتية على حرف آه 04:34
2 عرب بسيطة و مراجعة تعريف العرب 05:24
3 مقام الكرد 05:31
4 تطبيق على مقام الكرد 04:24
5 تعلم غناء موشح يمر عجبا 07:54
6 متابعة غناء مقام الكرد 07:21
7 تعلم غناء أغنية إنت عمري 07:44
8 تعلم غناء أغنية مشغول عليك مشغول 03:53
9 فروع مقام الكرد 08:08
10 الصوت المستعار 05:10
11 تطبيقات على الصوت المستعار 05:14
12 الأحرف الأنفية ميم و نون 05:30
13 تعلم غناء مقام الحجاز 05:01
14 تطبيقات أخرى على مقام الحجاز 04:18
15 موشح لسّيد درويش على حجاز ري 06:51
16 التنويع بمقام الحجاز 04:28
17 تعلم أغنية بحلم بيك 05:56
18 تراث دمشقي على الحجاز 05:39
19 تعلم مقام الشهناز في الغناء العربي 04:18
20 الطريقة السليمة لتعلم غناء الأغاني 08:36
عرب صوتية على حرف آه

بعد التعريف بأهداف الدورة يبدأ الفنان ريبال الخضري بإعطاء النصائح و التمارين اللازمة للعرب الصوتية في الغناء العربي على حرف "آه".


ريبال خضري:


"مرحبا، أنا ريبال من إعزف دوت كوم.


بعد سلسلة تعليم الغناء العربي الجزء الأول و الجزء التاني، راح نبتدي هلأ بالجزء التالت من سلسلة الغناء العربي، الجديد بالسلسله هلأ إن نحنا ابتدينا الأجزاء الماضيه بطريقة الفوكاليز، كيف نحنا بدنا نمرن أصواتنا بشكل أفضل، كانت تمارين مبتدئه بسيطه علامات قريبه من بعضها أكتر، كنا عم بنحكي عالبوزيسيون كنا عم بنحكي عاللفظ الصح كنا عم بنحكي على أشيا كتير بسيطه يمكن مغنين كتار ما بينتبهولها، هلأ بهاي السلسله راح نرجع نبتدي بتمارين أكتر تعقيد، حنشتغل على في إشي إجاني من الفيد باك كتير من الكوس الماضي و اللي قبله، اللي هو إن نحنا بدنا نتعلم كيف ممكن نعمل عرب صوتيه، هلأ العرب الصوتيه صراحةً تختلف من مغني لمغني، بس نحنا بهادا الكورس راح نحاول نشتغل على أكثر العرب شيوعاً و راح نشتغل كيف ممكن نفرق أو كيف ممكن الفروقات بين الغناء العربي مثلاً بمنطقة بلاد الشام ممكن يكون بمنطقة الخليج العربي ممكن يكون بمنطقة المغرب العربي بمصر، نحاول نميز سواءً بوزيشن الصوت كيف بده يكون سواءً نحنا كيف أسلوبنا باللفظ أو بالغناء.


إضافةً لهيك راح نستكمل المقامات العربيه اللي ابتدينا فيها، حنحاول بهادا الكورس و الكوس القادم ننهي كل المقامات، نحنا بالكورس الماضي تعرفنا على مقام العجم و تعرفنا كمان على مقام النهاوند و مقام الرست، بهادا الكوس نحنا راح ناخد راح نبتدي بمقام الكرد و من بعدن منها راح نكفي على مقام البيات و مقام الحجاز مقام الصبا و ليكون مسك الختام مع أكثر المقامات العربيه زخماً اللي هو مقام السيغا أو مقام الهزام، أول تمرين راح نبتدي فيه هو تمرين على حرف الآ، حنبلش بتمرين صغير بعدن منها حنشوف كيف ممكن نحنا نطبق عرب صوتيهه على حرف الآ، حنقول (يقرأ الأستاذ ريبال التمرين قراءة ايقاعية)، ما بدي إنسى إن أنا دائماً عم بحس إن عندي دائره أو عندي تثائب بسيط بصوتي أو بحنجرتي، إضافةً لهيك الصوت دائماً عم بقذفه باتجاه الأسنان (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية)، مش عم ببلع الصوت و لا عم بخليه (يقرأ الأستاذ ريبال التمرين قراءة ايقاعية)، عم بخليه لبرا، تمام (يقرأ الأستاذ ريبال التمرين قراءة ايقاعية)، كل ما أنا عم بخلي صوتي أكتر باتجاه العين (يقرأ الأستاذ ريبال التمرين قراءة ايقاعية)، هلأ الأصوات العاليه ممكن تقدر تكفي معي (يقرأ الأستاذ ريبال التمرين قراءة ايقاعية)، و عين أكتر (يقرأ الأستاذ ريبال التمرين قراءة ايقاعية)، هلأ فيني إرجع برجوع و أنا عم بسرع أكتر لحتى أقوي الإيقاع عندي (يقرأ الأستاذ ريبال التمرين قراءة ايقاعية)، كل ما نزلت كل ما خليت صوتي لقدام أكتر (يقرأ الأستاذ ريبال التمرين قراءة ايقاعية)، مش ببلعه مش (يقرأ الأستاذ ريبال التمرين قراءة ايقاعية)، لأ، بالعكس تماماً، كل ما نزلت كل ما بخلي صوتي لقدام (يقرأ الأستاذ ريبال التمرين قراءة ايقاعية)، هيك بيكون صوتي واضح أكتر، يمكن أنا بحسه مسكر بحاله وحده إني أنا عم بكون بسكر تمي، يعني عم بقوله لقدام بس عم بيكون الفم مغلق، يعني (يقرأ الأستاذ ريبال التمرين قراءة ايقاعية).


و ما بقدر ألقط الصوت بشكل صحيح شكراً."