ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
مكونات آلة القانون و العرب الموسيقية

في هذا الدرس يذكر الأستاذ ماجد معلومات عن آلة القانون و عن عدد أوتارها و عن المساحة الصوتية لهذه الآلة .كما يتكلم عن مكانة القانون كآلة مهمة في التخت الشرقي.


ماجد سرور:


"أهلا وسهلا بيكم في اعزف دوت كوم معاكم ماجد سرور وهنبتدي الدرس السادس.


النهاردة هنتكلم عن القانون ومكوناته مساحته الصوتية وعدد أوتاره والعرب الحاجات اللي احنا ماتكلمناش فيها في الأول عشان كنا مهتمين إن احنا نحط إيدينا ع القانون بالشكل الصحيح عدد أوتار القانون هو تمانية وسبعين وتر هو عبارة عن ستة وعشرين حرف أو مقام مش مقام بمعنى سلم إحنا بنقول عليه مقام يعني الصول مقام اللا السي كده هو ستة وعشرين حرف كل حرف مفروض يكون فيه تلات أوتار بردو دو بيرجع لراحة العازف ممكن يخلي في المنطقة الفلانية الوتر اتنين بس بيبقى صوتهم أريح بالنسباله بس هو المفروض يكون كل الأوتار تلاتات ف يبقى مجموعهم تمانية وسبعين وتر بيبتدو من الصول وبينتهو بحرف الري إحنا اتفقنا إن الأوكتاف هو سبع نغمات والتامنة تكرار يعني صول لا سي دو ري مي فا صول من الصول اللي تحت للصول اللي فوق دي مسافة اسمها أوكتاف ف عندنا بهذا الشكل تلاتة أوكتاف وخمسة وخمس نغمات يعني من الصول للصول (يعزف الاستاذ ماجد التمرين) ومن الصول للصول اللي أعلى منها (يعزف الاستاذ ماجد التمرين) ومن الصول للصول الأعلى منها (يعزف الاستاذ ماجد التمرين)وخمس نغمات (يعزف الاستاذ ماجد التمرين) صول لا سي دو ري صول لا سي دو ري يعني هو دي المساحة الصوتية للقانون المساحة الصوتية للقانون خليته يعني الملك في وسط التخت يعني هو بيقول كل حاجة عنده كل المساحات معندوش أي مشكلة في أي حاجة طبعا الظبط مظبوط والدوزان مظبوط بيقدر يقول عازف القانون ده كل الحاجات وهو القانون متسمى قانون لإنه هو بيعد بالنسبة للتخت الشرقي أو الفرقة الموسيقية يعني هو دستور النغم وكان الكلام ده بيبان أوى لما تلاقي إيه مطرب بيقول موال موال ده بيبقى مختلف عن الأغنية اللي هما حفظوها في البروفا الموال ده بيبقى حاجة وليدة اللحظة ف أول حد هيتعرض للموضوع ده ويسلطنه ويخش معاه مبارة فنية جميلة كده هو هيبقى القانون ممكن بعد كده يشترك أي آلة تانية لكن في المقدمة القانون بصفته القاضي أو اللي بيحكم اللي هو الآمر الناهي في التخت هو القانون دستور النغم ده إحنا كده اتكلمنا عن المساحة الصوتية تعالو نتكلم بقى عن العرب هنبتدي بشكل مبسط نتكلم عن أول سلم المعروف جدا في البيانو أو في الموسيقى العربية سلم دو ماجير أو الدو الكبير إحنا لو خدنا بالنا في البيانو هنلاقي أصابع بيضا وأصابع سودا الأصابع السودا هتلاقيهم اتنين ثم تلاتة اتنين ثم تلاتة اتنين ثم تلاتة ده الصباع الأسود هو المسافة الوسط ما بين الحرف اللي البعد بينه كامل واحد تون كامل يعني مثلا الدو والري ما بين الدو والري تون كامل ف نلاقي في النص فيه صوباع إسود ده المسافة الوسط مابينهم كذلك بين الري والمي فيه تون كامل ف هنلاقي الصوباع الإسود التاني هو ده المسافة الوسط ما بينهم نيجي بقى نطلع بين المي والفا هي السلم ده أبعاده كده ما بين الدو والري تون كامل ما بين الري والمي تون كامل ما بين المي والفا نص ف السلم كله الحروف ما بينها تون كامل فيما عدا المي والفا والسي والدو خلينا نحفظ ده كحاجات أساسية نحفظها في الدرس ده إن إحنا السلم الدو ماجير اللي هو صوابعه بيضا كلها هنلاقي ما بين المي والفا مفيش صوباع أسود في النص لو هما المسافة بينهم أصلا نص وبين السي والدو بردو مفيش صوباع إسود عشان كده يعني هما دول الحرفين اللي ما بينهم المسافة اللي بينهم نص تون لكن الدو والري مسافة كاملة تون كامل عشان كده هنلاقي ما بينهم صوباع إسود بين الري والمي كذلك بين الفا والصول كذلك بين الصل واللا كذلك بين اللا والسي كذلك لكن عندنا المي والفا مفيش مابينهم صوباع أسود لإن هما أصلا المسافة اللي بينهم نص ف عايزين نطبق ده على آلة القانون."