ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 تعريف عام بآلة القانون 07:11
2.1 استخدام اليد اليمنى و اليسرى 04:23
2.2 تمرين العزف باليد اليمنى و اليسرى 04:58
3.1 العزف بالقفزات 05:59
3.2 تمرينات مهمة 02:16
4.1 عزف السلم الموسيقي مع قفزات 04:46
4.2 عزف السلم الموسيقي مع قفزات | متابعة 04:09
5.1 تعريف عام بآلة القانون 04:15
5.2 تمارين لعزف السلم الموسيقي | متابعة 04:38
6.1 مكونات آلة القانون و العرب الموسيقية 05:38
6.2 مكونات آلة القانون و العرب الموسيقية | متابعة 03:28
7 عزف مقطوعة صوت الموسيقى 05:31
8 مقام النهاوند 06:28
9 الأصوات المتصلة 05:40
10 عزف أغنية نسم علينا الهوا للسيدة فيروز 04:13
11 تغيير العرب اثناء العزف 06:56
12 مقام الرست 05:45
13 تمرين على مقام الرست 04:30
14 عزف أغنية يا مال الشام 03:19
15 مقام البياتي 06:23
16 عزف أغنية جانا الهوا 05:27
17 مقام الكرد و عزف اهو ده اللي صار 04:46
18 عزف أهو ده اللي صار 04:38
19 عزف صولو أغنية انت عمري لكوكب الشرق 05:02
20 عزف أغنية انت عمري لكوكب الشرق أم كلثوم 05:57
تعريف عام بآلة القانون
يبدأ الأستاذ ماجد سرور دروس هذه الدورة بتوضيح طريقة استخدام ريشة القانون و يوضح في هذا الدرس طريقة وضع اليد اليمنى على آلة القانون و من ثم يعطي تمرين تا فا تي في على نوتة الري كمثال و ينوه على التمرن بشكل جيد و الصبر قبل الإنتقال الى الدرس القادم.


ماجد سرور:


"أهلا وسهلا بيكو في اعزف دوت كوم أنا ماجد سرور مدرس القانون.


إن شاء الله هنبتدي مع بعض نتعلم إزاي نحط إيديناعلى آلة الفانون إن شاء الله عشان نبقى عازفين كبار جدا قد الدنيا اول حاجة أحب أعرفكو بإن إحنا بنعزف القانون من خلال الريشتين الريشة دي معمولة من قرن الجاموس بنوضبها بتبقى بالشكل ده وفيه الكوستبان ده ده بيتعمل من معدن فيه حد بيعمله فضة فيه حد بيعمله دهب يعني حسب إمكانيات وحسب الراحة يعني الكوستبان ده وضعه في الصوباع ما بين العقلة دي والعقلة دي لا بيزود يطلع فوق هنا ولا بيزود هنا ولا بيبقى أصلا كده هو بالظبط على مقاس العقلة دي وهو الفايدة الأساسية إنه يكون بيعمل على تثبيت الريشة ف بندخل الريشة بينها وبين الصوباع يعني بينها وبين الصوباع وبين الكوستبان عشان بس إن الكوستبان يبقى مثبتها بالشكل ده و طول الريشة مابيزدش على الطول ده بالنسبة للصوباع زي ما باين بالنسبة لكو في الشكل وطبعا اليمين زي الشمال أول ما هنحط إيدينا على آلة القانون انا باحط إيديا بطبيعتها خالص خالص و أشدها كده عشان ترجع بطبيعتها خالص إحنا مش بنعمل شكل معين ولا بشكل إيديا ولا باعوجها ولا أي حاجة هي بنفس طبيعة الإيد عادي خالص بس كإن أنا حاطط جوه إيدي هنا متخيل إن جوة إيدي هنا كورة تنس ف بيبقى شكل الإيد زي ما إنتو شايفينه كده كل الصوابع واخده شكل قوس من كل الإتجاهات في بداية العزف أنا باعرف إن الحركة بتبقى من الصوباع ده بارفعه من هنا بيأتمر من العقلة دي ويطلع وينزل هو واخد بردو شكل القوس كده بيطلع وينزل يصد في الصوباع التحتاني بسنه كده يبقى الشكل الأخير كده نسمع هنعزف إزاي (يعزف الاستاذ ماجد التمرين) طبعا هو بيطلع فوق بكل قوة وينزل يخبط الوتر بكل قوة لما أتعلمت القانون في بدايتي استاذي كان بيقولي الوتر اللي هتقطعه بالعزف وبخبطة صوباع هتاخد فيه عشرة جنيه طبعا كان زمان أوي ف هو ده كنوع من التحفيز إن أنا أرفع صوباعي وأنزله بقوة كده (يعزف الاستاذ ماجد التمرين) وبنفس البطء ده يعني مش عايزين أسرع من كده ومش عايزين نستعجل إحنا يعني أتكلمنا قبل كده على إن القانون أو عازف القانون لازم يكون أهم خواصه الصبر لكن نمرة واحد دراسة القانون مظبوط (يعزف الاستاذ ماجد التمرين).


بنعد بقى نعزف كده عني يفترة وبعد كده ناخد أول تمرين بالشكل الإيقاعي اسمه التا فا تي في التا فا تي في ده من إسمها تا فا تي في يعني أربع خبطات تا فا تي في يعني (يعزف الاستاذ ماجد التمرين) يبقى تا فا تي في أربع نغمات بنقولهم أربع مرات عشان يبقو ستاشر مرة عشان نعمل خبطات عدد خبطات كتيرة جدا بنفس الشكل اللي إحنا ثبتناه (يعزف الاستاذ ماجد التمرين).


ده في بداية إننا نحط إيدينا على آلة القانون نحط إيدينا اليمين طبعا إحنا بنكرر نفس الموضوع في نفس إيدينا الشمال هو هو بس بناخد الأول اليمين على حدة ثم الشمال على حدة والقاعدة في التمرين لما بلاقي أنا كنت طبيعتي إن أنا عادي مش أشول يعني ف دايما الشمال ضعيفة ف بزاكر الشمال أكتر من اليمين عشان تبقى بنفس قوة اليمين وطبعا إحنا بنحافظ على مكان الإيد هو في شكل البرواز اللي معمول حوالين رقبة آلة القانون بيبقى فيه خط هو ده اللي أنا بمشي عليه بابقى ماشي (يعزف الاستاذ ماجد التمرين) يعني مابعزفش جوة (يعزف الاستاذ ماجد التمرين)ولا هنا (يعزف الاستاذ ماجد التمرين) ده في الأول طبعا عشان ده مكنا العزف الطبيعي وده اللي أنا بتعلمه (يعزف الاستاذ ماجد التمرين) وطبعا إحنا في الأول خالص بنبقى صبورين على إيدينا وبنعد نعزف حرف واحد بس لسه مابنتعلمش ننقل للتاني إلا لما تبقى إيدينا خلاص بقيت مظبوطة جدا على الحرف اللي إحنا إتعلمنا عليه وليكن مثلا حرف الري (يعزف الاستاذ ماجد التمرين). في الدرس التاني هنتعلم إزاي ننقل وبردو هوريكو نموذج إحنا إزاي بنحط إيدينا الشمال ونعمل نفس اللي عملناه في إيدينا اليمين بس هوريكو بردو الشكل بيتعمل إزاي شكرا."