ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1 تعريف عام بآلة القانون 07:11
2.1 استخدام اليد اليمنى و اليسرى 04:23
2.2 تمرين العزف باليد اليمنى و اليسرى 04:58
3.1 العزف بالقفزات 05:59
3.2 تمرينات مهمة 02:16
4.1 عزف السلم الموسيقي مع قفزات 04:46
4.2 عزف السلم الموسيقي مع قفزات | متابعة 04:09
5.1 تعريف عام بآلة القانون 04:15
5.2 تمارين لعزف السلم الموسيقي | متابعة 04:38
6.1 مكونات آلة القانون و العرب الموسيقية 05:38
6.2 مكونات آلة القانون و العرب الموسيقية | متابعة 03:28
7 عزف مقطوعة صوت الموسيقى 05:31
8 مقام النهاوند 06:28
9 الأصوات المتصلة 05:40
10 عزف أغنية نسم علينا الهوا للسيدة فيروز 04:13
11 تغيير العرب اثناء العزف 06:56
12 مقام الرست 05:45
13 تمرين على مقام الرست 04:30
14 عزف أغنية يا مال الشام 03:19
15 مقام البياتي 06:23
16 عزف أغنية جانا الهوا 05:27
17 مقام الكرد و عزف اهو ده اللي صار 04:46
18 عزف أهو ده اللي صار 04:38
19 عزف صولو أغنية انت عمري لكوكب الشرق 05:02
20 عزف أغنية انت عمري لكوكب الشرق أم كلثوم 05:57
مقام الكرد و عزف اهو ده اللي صار

يشرح الأستاذ ماجد سرور أبعاد مقام الكرد و يعزف هذا المقام على القانون , ثم يعزف الأستاذ ماجد أهو ده اللي صار.


ماجد سرور:


"أهلا وسهلا بيكم في إعزف دوت كوم معاكم ماجد سرور واحنا دلوقتي وصلنا للحلقة السبعتاشر ف تابعونا وماتنسوش إن احنا هنعزف يعني هنعزف.


هو ده مبدأنا النهاردة هنتعرف على مقام جديد خالص مقام الكرد هو جديد خالص علينا في التعليم كقانون لكن هو طبعا مالي الدنيا ألحان أغلبية المقام اللي بتتلحن منه الأغاني اللي بنسمعها من مقام الكرد وأحلاهم يعني لإنه معروض بالشجن شوية المقام ده السلم بتاعه من الري للري قريب أوي أوي لمقام البياتي اختلاف بسيط بينه وبين المقام البياتي في المي المي مش نص بيمول المي بيمول كامل يعني الدليل فيه سي بيمول مي بيمول يعني المي نازلة عربتين عن لما كنا عاملينا في الدو ماجير كانت بنرفعها كلها ف بننزل عربتين كل عربة بربع تون ف هيبقى المي نازلة نص تون والسي كذلك نسمع المقام دلوقتي (يعزف الاستاذ ماجد التمرين).


ده المقام أشبه ما يكون بالبياتي بس الفرق في المي بس يعني (يعزف الاستاذ ماجد التمرين) بردو زي ما اتعودنا إن احنا بنحضر المقام بجملة كده فيها سلطنة حنقول النهاردة مقطوعة بسيطة من المقام هنتعلمها النهاردة وده موضوع درسنا اعتقد الناس إنتو عارفينه لحن أهو ده اللي صار تعالو نسمعه مع بعض (يعزف الاستاذ ماجد التمرين) النهاردة فيه تقنية جديدة وتمرين جديد في الغنا ده حاجة احنا بنسميها في العزف الكونتر اللي هو إيه إن الشمال تسبق اليمين في نفس الحرف يعني هنعمل مثلا كده (يعزف الاستاذ ماجد التمرين) يعني أهو ده اللي صار وآدي اللي كان (يعزف الاستاذ ماجد التمرين).


دي النهاردة دي التقنية الجديدة علينا إحنا طبعا اتعلمنا الفرداش واتعلمنا السلالم والقفزات ف دي اللي هتبقى جديدة علينا في عزف المقطوعة دي ناخد بالنا أكتر وهنعزفها بالبطيء عشان نركز (يعزف الاستاذ ماجد التمرين) فيها مقام الكرد جميل المشبع الشجي إحنا اتعلمنا أهو ده الجزء الأول في الأغنية وبردو زي ما اتعودنا إحنا هنكملها بمهارتنا اللي اتعلمناها من الدروس السابقة ف دي البداية وانتو هتطلعو بقية الأغنية حسب ما احنا اتعلمنا.


تابعونا نلتقي في الدرس القادم إن شاء الله."