في الدرس السادس عشر نتعرف على علامة جديدة من علامات تأخير النبر و هي (إس – تا – تي). يبدأ طارق بتحليلها زمنياً و إيقاعياً و كيفية الوصول لها ثم يبدأ بالتمرين الأول كتطبيق على هذه العلامة و يقرأه إيقاعيا ثم يعزفه كاملاً و يركز على اتجاه الريشة أثناء تطبيق التمرين في التمرين الثاني على العلامة الجديدة في تأخير النبر و هو على سلم الدو. يقرأ طارق التمرين إيقاعياً و يبدأ بعزفه مع التركيز على اتجاه الريشة و على توضيح قراءة التمرين إيقاعياً عن طريق التصفيق لفهم مبدأ تأخير النبر لأهمية هذا المفهوم و تطبيقاته في الموسيقى الشرقية.
طارق الجندي:
"مرحبا، أنا طارق الجندي من إعزف دوت كوم، اليوم بدرسنا سطعش راح نرجع ندرس العلامه اللي هي إس تا تي اللي إحنا كنا تعرفنا عليها, و حكينا عنها إن إحنا كنا نعملها إس تا تي (يعزف الأستاذ طارق التمرين)، بهالشكل كانت هاي الريشه أب، إس تا تي (يعزف الأستاذ طارق التمرين).
بس اليوم راح نكسر القاعده لإني أنا زي ما أشرت في الدرس السابق اللي حكينا عنها إن ممكن هاي القاعده تتسكر و ممكن بعض أشكال الريشه تختلف حسب النبر و كيف لازم يكون الضغط على أي نبر.
نيجي نتطلع على هاي العلامه اللي حكينا عنها اللي هي أصلاً مشتقه من الإس تي تتي، فهي لو كانت إس تي تتي بدها تكون بهالشكل، إس تي تتي (يعزف الأستاذ طارق التمرين)، و لما إحنا كنا نربط هاي العلامه و نعمل تاي بين علامة التي و أول ضلع من علامة التتي كانت تصير بهالشكل، إس تا تي (يعزف الأستاذ طارق التمرين)، إس تا تي (يعزف الأستاذ طارق التمرين)، إس تا تي (يعزف الأستاذ طارق التمرين)، بهالشكل، هي كإنها إس تي تي (يعزف الأستاذ طارق التمرين)، إس تي تي (يعزف الأستاذ طارق التمرين)، إس تي تي (يعزف الأستاذ طارق التمرين)، الشكل اللي أنا بقترحه.
عملية عزف الريشه لإلها راح تكون، إس داون أب (يعزف الأستاذ طارق التمرين)، إس داون أب (يعزف الأستاذ طارق التمرين)، و هون إنتوا ملاحظين إن إحنا عم بنعمل عكس اللي كنا عم بنعمله، ليش هادا الحكي؟
هلأ راح يبين معاي في التطبيقات لإن عادةً المؤلف لما بجيب النبر الضعيف بالنص و بيعمل عمليه السينكوبيشن أو تأخير النبر، بيكون بحاجه لهادا الآكسنت لهاي الشده بالنوته بشكل تكون على الأوف بيت يعني مش على السترونغ بيت ما تكون على النبر القوي اللي هو في بداية المازورا، فهلأ راح نيجي نتطلع على هادا التمرين اللي مكتوب عندي و بدي أحاول أقرأه مع المترونوم، بحب إن نكتب أشكال الريش زي ما هي مكتوبه عشان ما نخربط فيها.
ون تو (يقرأ الأستاذ طارق التمرين قراءة ايقاعية)، إس تي تتي تتي تتي إس تي تتي تافا تيفي تا إس تي إس تي إس تي تا إس تي تتي إس تا تي تتي تتي إس تا تي إس تي تا تافا تيفي تا إس تا تي إس تا تي إس تي إس تي إس تا تي تيتا تي تتي إس تي تيتا تي تافا تيفي تا، نحاول نعزف، ون تو (يعزف الأستاذ طارق التمرين) إس تي تتي تتي تتي إس تي تتي تافا تيفي تا إس تي إس تي إس تي تا إس تي تتي إس تا تي تتي تتي إس تا تي إس تي تا تافا تيفي تا إس تا تي إس تا تي إس تي إس تي إس تا تي تيتا تي تتي إس تي تيتا تي تافا تيفي تا،زي ما إحنا شايفين، هادا كان الجزء الأول من الدرس، و اللي إنتوا شفتوه إنا عملنا تمرين إيقاعي على نغمة الإس تا تي و كانت عندي إس تا تي (يعزف الأستاذ طارق التمرين)، و صارت داون أب، بهاي المرحه بفضل إن نكتب الريش عشان ما يصير عندي أي خربطه، راح تحسوها صعبه شوي لإن صار في أكتر من شكل ريشه.
بس بعدين راح يمشي موضوعه، لإن راح نعمل عليه كتير تطبيقات و راح تشوفوا كيف إن راح تصير العمليه سهله، هلأ في الجزء التاني من التمرين راح نيجي نتطلع على تمرين رقم تنين و اللي هو كله تطبيق على علامة الإس تا تي زي ما إحنا شايفين إلا بآخر سطر بالمازورا التانيه صار في عندي إس تي إس تي، بنعرف إن الإس تي إس تي، إس أب إس أب بدها تكون بهالشكل، بعدين في عندي المازورا التالته من السطر الأخير ما فيها سينكوبيشن، إس تي تتي، بعدين إس تي إس تي، بعدين دو دو دو، نحاول نقرأه مع المترونوم بشكل بطيء، ون تو (يقرأ الأستاذ طارق التمرين قراءة ايقاعية).
دو دو راي راي مي مي فا فا صول صول صول تا تا إس تا تي إس تا تي إس تي تتي تي تتي لا لا صول صول فا فا مي مي مي راي راي دو دو دو، كلها عمليات تأخير نبر، خلينا نحاول نعزف، ون تو (يعزف الأستاذ طارق التمرين)، زي ما إحنا شفنا نراجع الموازير كيف حاطينا الريش، أول مازورا كانت إس داون أب، المازورا التانيه نفس العمليه إس داون أب، التالته و الرابعه نفس الشي، المازورا الخامسه كانت إس تي تتي، إس أب داون أب، أول صول أب بعدين الصول التاني داون بعدين صولة التالته أب، آخر مازورا بالسطر الأول نفس الشكل كانت داون بعدين أب، السطر التاني أول مازورتين نفس العمليه إس داون أب، بعدين عندي المازورا التالته كانت إس أب داون أب، و الرابعه إس أب داون أب، آخر مازورا كانت إس داون أب، المازورا الأولى بالسطر التالت نفس العمليه إس داون أب، بعدين إس أب إس أب.
المازورا اللي بعدها اللي هي المازورا التالته بالسطر الأخير إس أب داون أب، بعدين إس أب إس أب، تتي تا اللي هي داون أب داون.
نتمرن عليهم كتير منيح، لإن هلأ راح ييجينا عليهم تطبيقات بدرس رقم سبعطعش."
