في هذا الدرس يشرح الاستاذ بدير كيفية عزف مقام آخر و هو مقام البياتي و يشرح عن كيفية الارتجال او التقسيم بشكل بسيط على هذا المقام. يعطي الاستاذ رضا فكرة عن شدة التفس في العزف على الناي مع توضيح الفرق من خلال اعطاء امثلة على ذلك.
رضا بدير:
"اهلا بيكم ، رضا بدير عازف الناي المصري ، من اسرة اعزف دوت كوم.
الحلقة دي حنتكلم فيها عن مقام البياتي، مقام البياتي على درجة الري او الدوكا احنا قبل كده عملنا في الحلقة السابقة صبا ، حنعزف ده البياتي حنبدأ (يعزف الاستاذ رضا التمرين ).
احنا في الصبا اتكلمنا على الثقب ده ، استعملنا في الصبا ، في البياتي حنسد الثقب ده ، وحنعزف السلم زي الرصد ، احنا قلنا ، التاني كان بيعزف كده ، في البياتي ده حنخلي الثقب الي بعده هو الي يفتح ، (يعزف الاستاذ رضا التمرين ) ده مقام البياتي ، وده مقام سهل جدا ، احنا بنقول جزء من شبه التقسيم برده ، يعني احنا ، يعني حنعمل ، يعني كل الي بنقلها دي ، تشبيهات بسيطة للتقسيم ، بعد كده العازف نفسه حيلاقي نفسه الي بيخطر في باله بيقولو ، وهو ده الارتجال وهو ده التقسيم ، حنعمل كده ( يعزف الاستاذ رضا التمرين ).
احنا اعملنا السلم واعملنا متنوعات عليه طالع نازل ، حنبدأ برضو نعمل شكل تاني برضو ،(يعزف الاستاذ رضا التمرين ) دلوقتي احنا قلنا طالع نازل ( يقرأ الاستاذ رضا التمرين قراءة ايقاعية ).
ده مقام البياتي جزء منه ، عشان احنا مكملناش السلم كله ، في البدايات على كده في مراحل تانية حنقول بقية السلم بيتلعب عليه ايه ، لانه بياخد شكل تاني ونفس تاني ، طبعا زي محنا عارفين ، الناي له ست انفاس ، كل بوزيشن بيدي صوت من النفس ، يعني نفس ضعيف ، ده بسمي النفس الاول ، النفس القوي اقوى منه شوية ده بسمي النفس التاني ، اقوى يبقى التالت ، اقوى وهلم لحد نمرة ستة على سبيل المثال يعني ده نفس اهو ده نفس اول ، نفس تاني ، نفس تالت ، نفس رابع ( يعزف الاستاذ رضا التمرين).
يعني ده على سبيل المثال دي الانفاس ،يعني كل نفس بزود النفخة او شدة النفس ، فبيدي صوت تاني ، ده لسا وقتو ماجاش ، ده لو حلقات تانية مش دلوقتي ، بس احنا لما بتيجي الظروف بحاول اقول معلومة عشان الطلبة يبقو عارفين انو الاصوات دي حتبقى موجودة بعد كده، فناخد كل الي احنا بنعزفه ده عالنفس التاني ، كل الي بنعزفه ده عالنفس التاني ، الي هو وسط المعزوفات يعني."
