في الدرس الثالث يعطي طارق الجندي تمرينين جديدين لتطوير العزف بالريشة في اليد اليمنى ، الهدف من التمارين بشكل عام هو أن يعتاد العازف على الحركة الصحيحة للريشة من خلال تكرار هذه التمارين التي يجب على العازف المواظبة عليها بشكل يومي و البدء بسرعة بطيئة و زيادة سرعة العزف تدريجياً للوصول إلى سرعة عالية.
طارق الجندي:
"تمرين رقم ستة هو السداسية، والسداسية هي ست ضربات بزمن ضربة . السداسية بسموها الهنود تا كا دي مي تاكيه، تا كا دي مي اللي هي أربعة بعدين تاكيه، ف رح نلاحظ أنه السداسية هي مش مجموع ثلاثيتين يعني مش مجموع ترو يو لي ترو يو لي لأنه هيك بتختلف عندي النبر فيها فإحنا لو عملناها ترو يو لي، ترو يولي منشوف أنه الآكسنت تبعي على الأولى والرابعة، يعني ون تو ثري ون تو ثري (يقرأ الأستاذ طارق قراءة إيقاعية)، بس همه بعملوها (يقرأ الأستاذ طارق التمرين قراءة إيقاعية) فاختلفت صارت داون أب داون أب داون أب، فهي (يقرأ الأستاذ طارق التمرين قراءة إيقاعية). نجرب نعملها على وتر الصول سوا ون تو: (يقرأ الأستاذ طارق التمرين قراءة إيقاعية). في آكسنت بس لازم نحسس أنه هاي عبارة عن وحدة واحدة، ون تو: (يقرأ الأستاذ طارق التمرين قراءة إيقاعية). تمرنوا وانتو بتحكوا وما حدا يستحي وما حدا يضحك علي وانا بحكي. (يعد) ون تو: (يقرأ الأستاذ طارق التمرين قراءة إيقاعية) .نيجي نتطلع على التمرين ون تو: (يقرأ الأستاذ طارق التمرين قراءة ايقاعية). التمرين رقم سبعة وبلشت الأمور تحلو، عنا السباعية واللي هي سبع ضربات بزمن ضربة.
والهنود بحكولها تا كا دي مي أول أربعة تا كا تيه. إحنا منعرف أنه الرباعية اسمها تا كا دي مي والثلاثية اسمها تا كا تيه. فبتصير (يقرأ الأستاذ طارق التمرين قراءة إيقاعية). كأنه منحكي ون تو ثري فور ون تو ثري إحنا منعرف شكل الرباعية داون أب داون أب (يقرأ الأستاذ طارق التمرين قراءة إيقاعية). الثلاثية داون أب داون فصارت (يقرأ الأستاذ طارق التمرين قراءة إيقاعية). شوي شوي واطلعوا على ريشتي (يقرأ الأستاذ طارق التمرين قراءة إيقاعية). هلأ هاي أول احتمال لإلها خلينا نسجل التمرين ونشوف كيف ممكن نعمله ون تو: (يقرأ الأستاذ طارق التمرين قراءة إيقاعية). هذا التمرين ممكن كمان ينعمل بشكل تاني: أنه السبعة ممكن تكون زي ما كانت أربعة زائد ثلاثة ممكن تكون ثلاثة زائد أربعة. فممكن تكون تا كا تيه تا كا دي مي، فصارت داون أب داون داون أب داون أب (يقرأ الأستاذ طارق التمرين قراءة إيقاعية) منشوف الشكل التاني تبعها هي داون أب داون داون أب داون داون أب (يقرأ الأستاذ طارق التمرين قراءة إيقاعية) بهالشكل. فصار التمرين (يقرأ الأستاذ طارق التمرين قراءة إيقاعية) بختلف عن (يقرأ الأستاذ طارق التمرين قراءة إيقاعية) اسمعوها التنتين بدون ما أحكي.
خلينا نسمع الاحتمال الأول زي ما درسنا بدون ما أحكي. ون، تو: (يعزف الأستاذ طارق التمرين). الاحتمال الثاني اللي هو ثلاثة زائد أربعة (يعزف الأستاذ طارق التمرين) بختلفوا من ناحية النبر. خلينا نشوف التمرين نفسه لو سجلناه (يقرأ الأستاذ طارق التمرين قراءة إيقاعية) ون، تو: (يقرأ الأستاذ طارق التمرين قراءة إيقاعية)."
