تتحدث مدربة فريق صابر الرباعي الدكتورة أمل ابراهيم عن أحد أهم أساسيات الأداء في هذا الدرس , و تؤكد الدكتورة ضرورة استخدام تعابير الوجه و العينين الملائمة مع الكلمات المغناة ثم تنتقل لحركات اليدين و أخيرًا الى درجة الانفعال الملائمة أثناء الغناء على المسرح مواضيع الدرس - الإهتمام بحركة اليد و الجسم أثناء الوقوف على خشبة المسرح - الإهتمام بتعابير الوجه أثناء الغناء على المسرح - الإهتمام بتعابير العينين أثناء الغناء على المسرح - التعبير بالصوت من ناحية الضعف و القوة و درجة الإنفعال أثناء الغناء.

أمل ابراهيم:

"أهلا بيكم معاكم الدكتورة أمل ابراهيم من اعزف دوت كوم.

دلوقتي هنتكلم عن الاهتمام بحركة اليد والجسم أثناء الوقوف على المسرح الاهتمام بتعبيرات الوجه أثناء الغناء على المسرح الاهتمام بتعبيرات العين أثناء الغناء على المسرح التعبير بالصوت من حيث القوي والضعيف أو الانفعال أو عدمه أثناء الغناء بالنسبة للاهتمام بتعبيرات الوجه أثناء الغناء على المسرح ضروري جدا المغني يكون عنده شخصية وهو بيغني الشخصية دي بتيجي منين في تعبيرات وشه مهم أوي إن أنا آخد بالي إنه وأنا بغني لازم أكشر وقت أو أنفعل مع الكلام علشان خاطر يبقى الكلام مؤثر بالنسبة للي شايفني ماينفعش أقول مثلا كلمة زي بحبك وأنا وشي فلات لأ مهم أوي إن أنا مثلا لو حد بيحب حد أكيد هيعبرله إن أنا مبسوط بالحب ده مثلا أو حد زعلان ف يكشر شوية وهو بيغني أو كذا مهم أوي أهتم بحركة الوجه (تقوم د. أمل بالغناء) طبعا بصرف النظر إنه الغنا أنا بتكلم دلوقتي عن تعبيرات الوش ماينفعش وشي يبقى فلات وأنا إزاي هاقول إزاي هأثر في المشاهد والمستمع بكلامي وأنا أصلا مش معبرة عن كلامي مهم أوي أعبر عن كلامي بوشي (تقوم د. أمل بالغناء) بالنسبة بالاهتمام بتعبيرات العين دلوقتي وأنا باقول (تقوم د. أمل بالغناء) لازم إن أنا يبقى عندي تعبير بوشي وبعيني سليم جدا وأنا باقول مثلا الجملة دي أو جملة مثلا زي (تقوم د. أمل بالغناء) ماينفعش إن أنا أقول بتوحشني وأنا عامل كده (تقوم د. أمل بالغناء).

طب ما هو أنا أنا صوتي بيعير ولكن إنه ولا وشي بيعبر ولا عيني بتعبر مهم أوي إن الوجه يعبر عن كلامك علشان يوصل صح مهم أوي عينك تعبر على الكلام اللي انت بتقوله عشان أكون بعبر بصدق (تقوم د. أمل بالغناء) بالنسبة لتعبيرات اليد مهم أوي إن أنا كمان إيدي تكون تعبر عن كلام ماينفعش أقول إن أنا يا ريت أنا اقدر اختار وإيدي عاملة كده أو إيدي عاملة كده أو عاملة شكل مابتعبرش عن كلامي (تقوم د. أمل بالغناء) يعني بردو مهم أي إن أنا أكون وجهي وعيني وإيدي وكمان جسمي يكون بيعبر عن كلامي ماينفعش إن هو أبقى عامل كده وأنا باغني وأقول (تقوم د. أمل بالغناء) لأ ماينفعش خالص اللي ينفع إن أنا أكون باعبر ممكن أطلع قدام شوية ممكن أقول الجملة لو هي فيها مثلا قوة لو الجملة فيها مثلا ضعف كل ده بينطبق على الوش والإيد والعين والجسم كله (تقوم د. أمل بالغناء) بالنسبة للتعبير بالصوت من حيث القوي والضعيف يعني أنا ماينفعش أغنية تكون وطنية أقول مثلا (تقوم د. أمل بالغناء) ماينفعش إن أنا أقول أغنية زي كده (تقوم د. أمل بالغناء) ده أداء ليه علاقة بحاجة تانية مش إنفعالية ومفهاش قوة لازم إن أنا صوتي يعبر عن الكلام وعن الموضوع اللي معمول فيه الغنوة صوتي لازم يكون لو الأغنية قوية و وطنية وهادفة وكذا وبتشجع على حاجة معينة ليها علاقة بالقوة لازم تكون قوي يعني صوتك لازم يعبر عن القوي يبقى لازم تكون مطلع كل صوتك يعني (تقوم د. أمل بالغناء) ضروري أعبر بصوتي اللي هو الخافت عن أغنية مثلا تكون عاطفية أو كذا (تقوم د. أمل بالغناء) يعني ماينفعش أقول (تقوم د. أمل بالغناء).

كده ابقى أنا مش معبرة خالص على الكلام كده باقول بصوت قوي جدا الحاجة اللي تستاهل خفة الصوت ونعومته و الإحساس كله اللي هو اللي هو بصوت خافت يعني يتقال الأداء فيه أحيانا في نفس الأغنية بتستدعي إن أنا أقول بين القوي والضعيف يعني الأغنية الواحدة بتقول قوي وضعيف لازم التنويع من ده إزاي وليكن (تقوم د. أمل بالغناء) ده ما بين القوي أوي في الأول وروحت بعد كده منزله صوتي شوية لأقل ف مفترض إنه مهم أوي أمشي مع الكلام أمشي مع سياق اللحن ماشي إزاي علشان اقدر أوجه صوتي الاتجاه السليم علشان أبقى واصل كويس أوي للجمهور ماينفعش أبقى أنا صوتي مش صادق مع الكلام ومع نفسي علشان أقدر أوصله لأ لازم يكون صوتي صادق وتمام ومظبوط أوي علشان خاطر أقدر يوصل أقدر أوصل صوتي للجمهور سليم وشخصيتي كلها توصل بشكل سليم. 

أشكركم."