تبدأ الدكتورة أمل بتعريف خامة الصوت و تنتقل للحديث عن اختيار الأغنية المناسبة من ناحية المقام و الطبقة لكل صوت . تعطي بعد ذلك الدكتورة أمل ابراهيم أمثلة على أغاني معروفة مناسبة لكل من خامات الصوت الحادة و الجهورة و غيرها لكل من الذكور و الإناث. مواضيع الدرس - الإهتمام بإختيار الأغنية المناسبة لكل صوت - الإهتمام بإختيار الطبقة المناسبة لكل صوت - الإهتمام بإختيار المقام المناسب لكل صوت.

أمل ابراهيم:

"أهلا بيكم معاكم الدكتورة أمل إبراهيم من عزف دوت كوم.

دلوقتي هنتكلم عن الاهتمام باختيار الأغنية لكل صوت والاهتمام باختيار الطبقة الصوتية والاهتمام باختيار المقام المناسب لكل صوت بالنسبة لاختيار الأغنية لكل صوت مفترض كل صوت ليه خامة معينة خامة الصوت بتختلف من كل إنسان للتاني وليكن هتلاقي حد صوته مثلا جهوري جدا ف مفترض إنه صوتي جهوري يعني صوته قوي جدا وصوته بيلمع أوي ف ده مثلا ليه أغاني بتناسبه حد صوته مدور شوية وبالتالي بردو الصوت المدور اللي هو مش لامع بقى عكس لامع يعني أقل شوية لمعانا ولكن بيناسبه الأغاني اللي فيها حنية اكتر وفيها رومانسية أكتر في أصوات تانية رفيعة جدا جدا جدا جدا مابينسبهاش غير مثلا أغاني معينة بردو لمطربين معينين يعني مفترض إن احنا نختار كويس الأغنية الجيدة مثلا وليكن حد اختار أهو صوته جهوري جدا واختار أغنية من الأغاني اللي هي الحادة مثلا وليكن واحدة اختارت أغنية هي صوتها جهوري جدا واختارت مثلا أغنية لشادية وليكن مثلا (تقوم د. أمل بالغناء) مثلا طيب هي لو صوتها جهوري هيتغنى إزاي بالمنظر ده صوتها قوي جدا (تقوم د. أمل بالغناء.)

 مش مناسب يعني احنا كده روحنا في حتة مش مظبوطة وليكن لو أنا صوتي جهوري يبقى مفترض إن أنا أو صوتي قوي مفترض إن أنا اختار الأغاني اللي فيها قوة صوت ممكن يبقى صوت حاد من الأصوات الرفيعة أوي ويختار أغنية لذكرى مثلا ف هيبقى صعب جدا إنه هو اختار أغنية صوت حاد وفي نفس الوقت ممكن مايكونش فيه حليات كتير يختار أغنية مثلا لذكرى وليكن مثلا هتبقى (تقوم د. أمل بالغناء) مثلا مفترض إنه هو يقول شبه عرب ذكرى وليكن (تقوم د. أمل بالغناء) مثلا ف يبقى أنا اختار حاجة مناسبة لصوتي أو أغنية مناسبة لصوتي عشان اقدر أقولها يبقى الصوت اللي هو حاد شوية أو من غير مفهوش عرب كتير مفترض يقول مثلا حاجات فيها فلات مثلا مش فيها غنا كتير على قد ما فيها إحساس أكتر أو كذا بالنسبة للنساء اللي صوتها حاد تختار أغاني اللي شبه شادية أو ما شابه شادية بالنسبة للرجال اللي أصواتهم حادة تختار أغاني ممكن تبقى من هشام عباس أو ما شابه صوت هشام عباس بالنسبة للي أصواتهم غليظة للنساء ممكن يختارو أغاني لأم كلثوم أو ما شابه صوت عرض أم كلثوم بالنسبة للأصوات الرجالي الغليظة ممكن تختار أغاني لوديع الصافي أو ما شابه صوت وديع الصافي بالنسبة للنقطة التانية الإهتمام باختيار الطلبقة الصوتية مهم قبل أي حاجة إن أنا اعرف أنا طبقة صوتي إيه لإن فيه كذا يعني الرجال ليهم طبقات صوت لوحدهم والنساء ليهم طبقات صوت مختلفة ف مفترض الأول اروح لمتخصص اقوله طبقة صوتي إيه وبعدين هو يقولي طبقة صوتي كذا طيب هل يا ترى الأغنية اللي اختارتها دي اخبارها إيه مع صوتي ممكن جدا تكون متسجلة على أساس إن طبقة الصوت دي حادة جدا طيب هل يا ترى هاجرب وانا باغنيها دلوقتي هتتعب صوتي في الحاد آه هتتعب صوتي يبقى أنا إيه لازم أنزل الطبقة ده من خلال متخصص ولو هي في الطبقات الغليظة ممكن أوي أعلى الطبقة علشان خاطر تناسب صوتي وده ضروري جدا يكون من خلال متخصص طيب هندي مثال كده بنفترض (تقوم د. أمل بالغناء).

طيب هل يا ترى دي مالها في طبقة تعتبر متوسطة شوية بالنسبة لصوتي أو قرار شوية لأ دي عايزة إيه عايزة تعلى علشان خاطر تبقى بتلمع شوية طبقة الصوت مهم جدا اختيار الطبقى بنشوف أحسن حاجة في صوتي أحسن طبقة في صوتي بتلمع فين يعني الغنوة وأنا باغنيها كده أجرب أنا معجبة جدا بصوتي فيها علشان خاطر صوتي بيلمع فيها هي دي فعلا اختيار الطبقة الصوتية المناسبة تعالو نعلي الطبقة شوية اللي كنا فيها (تقوم د. أمل بالغناء) يبقى أنا كده عليت الطبقة تبقى مناسبة لصوتي وتبقى تمام وصوتي يلمع فيها وده بردو ضروري احكم على نفسي من خلال متخصص وبردو أنا بتكلم دلوقتي من الغليظ للحاد طب وبنفترض كانت حادة جدا مثلا (تقوم د. أمل بالغناء) بنفترض دي عالية شوية عليا يعني مثلا يبقى عايزة تنزل شوية يبقى أنا مثلا تبقى هنا (تقوم د. أمل بالغناء) يبقى انا كده نزلت الطبقة تكون مناسبة إلى حد كبير لصوتي وصوتي بيلمع فيها مهم اختيار الطبقة من خلال متخصص الاهتمام باختيار المقام المناسب لكل صوت مفترض إنه كل صوت بيليق عليه مقام معين يعني ممكن جدا يبقى انت صوتك كويس جدا جدا وشاطر جدا في الغنا لكن فيه مقام معين مابتعفقوش كويس يعني مش لايق أوي مع صوتك تفاصيل المقام دي مابيلمعش صوتك حلو يبقى احنا نستبعد المقام اللي هو مابيلمعش صوتي كويس أو المقام بمعنى دارج يعني يعني السلم خلينا مبدئيا كده المعنى البسيط للمقام السلم تمام ممكن جدا يبقى مقام تاني كويس جدا وصوتي بيلمع فيه ف أنا أروح للمقام بتاع الأغنية اللي لايق جدا جدا مع صوتي لإن أنا مفترض إن أنا أبان بأفضل صورة ليا ده بالنسبة لصوتي طبعا وأنا عارفة كويس أوي إن فيه ناس كتيرة فعلا مابيعرفوش يعني إيه مقام ولكن في المرحلة دي مفيش مشكلة لكن لو كنت حابب تستمر في الغناء لحد الاحتراف لازم تتعلم يعني إيه مقام. 

شكراً."