تبدأ الدكتورة أمل هذا الدرس بنصائح التنفس السليم للغناء و تشرح ذلك بالتفصيل مع إعطاء تمرينات تنظيم النفس و بعد ذلك تنتقل لتعطي تمرينات للفك و تمرينات مشتركة للفك و التنفس مواضيع الدرس - تمرينات التنفس السليم للغناء - تمرينات الفك.

أمل ابراهيم:

"أهلا بيكم معاكم الدكتورة أمل ابراهيم من اعزف دوت كوم النهاردة حناخد تدريبات يومية هامة للغناء زي تدريبات التنفس تدريبات الفك بس المرة دي بقى انتو هتعملو التدريبات دي معايا بس خلينا نتكلم شوية عن إنه كتير من الناس بتستخدم النفس بطريقة مش سليمة بالنغمات الطويلة أو القصيرة ف تنظيم النفس أو التعود على أخد النفس من أهم العناصر اللي بتوصل الغناء بشكل جيد وفي أحسن صورة يعني فيه ناس مثلا تطول في نغمة وهي مش عارفة التطويلة ده هل صح ولا غلط أو تقصر في نغمة ممكن أوي وهي النغمة طويلة أنا مش قادر خالص آخد نفس حلو علشان خاطر أوصل للنغمة الطويلة دي تبقى مسترسلة لأ أنا لازم أتعود لى طريقة أخد النفس السليمة الأول عشان أعرف أقول سواء نغمة طويلة سواء أجزاء فيها حليات كتير أو مثلا حليات كتير ورا بعضها وبعدين ما بينهم نفس صغير وبعدين وهكذا يعني فيه شوية حاجات كده تركات كده لازم ناخد بالنا كويس أوي منها أثناء الغنا بيتحكم فيها التنفس مبدأيا احنا بناخد النفس من الأنف وتخزين النفس في البطن ثم تخريج الهوا بشكل بطيء جدا من الشفتين ويجب أن يكون منتظم ومستوي ومتعادل تعالو نجرب كده مع بعض هناخد النفس من الأنف مبدأيا هنملى القفص الصدري هوا يعني نفضل ناخد هوا هوا لغايط ما نحس إنه القفص الصدري فيه سنة ألم كده هنا في الأول هنحس بشوية ألم بس بعد كده لو أتمرنا على النفس بشكل سليم هنلاقي إن مفيش آلام في صدرنا خالص ولا فيه اي مشاكل خالص يلا هناخد النفس مع بعض نملى القفص الصدري كله هوا ونكتمه ونخزنه في البطن وبعدين نخرجه من خلال الشفتين وليكن كده وبعدين نخرجه ببطء شديد جدا يبقى معانا بقى حاجة بتعدلنا الوقت علشان خاطر نحسب احنا قد إيه سواني خدنا في تخريج النفس ده لغايط آخر نقطة عندنا تعالو نجرب (تقوم د.أمل بالتمرين) مهم أوي يبقى تخريج النفس ببطء إن شالله تعد ساعة يارب تعد ساعة بس المهم خد بالك كويس جدا خد النفس من غير ما ترفع كتفك من غير ما تعمل أي حركة في جسمك خالص مهم تاخد النفس تملى هوا كتير جدا جدا جدا وبعدين تفرغه من الشفتين وهي يعني المساحة ضيقة جدا جدا اللي بيخرج منها وكأن فيه إبرة قدامك وحاول بانتظام يعني ماينفعش تروح عامل إزاي (تقوم د.أمل بالتمرين) لأ ماينفعش مهم تبقى الهوا اللي خارج ده منتظم ومستوى ومتعادل عود نفسك على كده كمان مرة هناخد نفس حلو (تقوم د.أمل بالتمرين) وبطيء لآخره لغايط ما يا رب يا رب تبقى دقيقة تبقى حاجة كويسة جدا بعد كده ناخد نفس بشكل قوي جدا جدا جدا وبردو نخزن النفس ده أو الهوا ده في البطن وبعدين نخرجه من خلال الأسنان يعني إيه يعني هنقول حرف س (تقوم د.أمل بالتمرين) تمام ده بردو بيجرب قدرتنا إلى حد ما على النفس المنتظم تعالو نجرب مع بعض (تقوم د.أمل بالتمرين) وبطيء دا بردو ونحسب لنفسنا ممكن تبقى المرة الأولانية عشرين ثانية عشر ثواني مش مهم جرب تاني وتالت ورابع وألف لإنه تمرينات التنفس دي من أهم التمرينات اللي بتهم المطرب الجيد اللي بيحرص إن هو يكون مطرب كويس أوي تمارين الفك عبارة عن طأطأة الفك يعني إيه بنطأطأ الفك يعني الفك عندنا هنا احنا عندنا الحركة دي الفك الأسفل ده هو المتحرك ف نعمل كده (تقوم د.أمل بالتمرين) يمين وشمال لغايط ما نحس الجزء ده هنا من الجنب ده بيطأطأ واستنى شوية واهدى لإنه ممكن أوي يعني إيه الحركة دي توجعنا شوية في الأول بعد كده مرة على التانية مفيش آلام بس هو مفضل إن انت تعمل التمرين ده مرتين في اليوم طيب أنا ليه بديلك تمارين الفك دي وليه بديلك تمارين التنفس ده علشان خاطر أولا التنفس علشان اقدر اقول نغمات طويلة جدا من غير آلام ومن غير ما اشحت نفس أو من غير ما اقول النفس راح خلاص لأ أنا مش عايز أحس بده خالص انا عايز ابقى بتنفس بطريقة سليمة علشان خاطر النغمات تتطلع سليمة من غير أي مشاكل خالص طيب تعالو نشوف بقى تمرين بيجمع ما بين الفك والتنفس إزاي هاخد بردو نفس من الأنف وبعدين أعمل بالونة كبيرة جدا في خدي أو في بوءي وبعدين أخرج الهوا بشكل بطيء جدا جدا من شفتين يعني أنا ليه باعمل كده أنا ليه بانفخ بوءي أوي كده باعمله زي البالونة المنفوخة أوي المليانة أوي دي أنا عايزة أمرن خدودك أو التجويف بتاع الفم إن هو يبقى فيه مرونة يبقى فيه عامل زي الصندوق المصوت بتاع أي آلة علشان يديلي شوية رنين وانت بتطلع الصوت الحاجة دي بتساعد جدا جدا على رنين الصوت تمام يبقى ناخد نفسنا كويس جدا ونطلع النفس في الفم ونخرج النفس من خلال الشفتين مضمومين أوي أوي أوي مضمومين جدا بحيث بردو كأنه فيه إبرة والهوا طالع بطيء جدا ونشوف بعد فترة إيه اللي هيحصل في خدودنا هنلاقيها بتئلمنا شوية اول مرة هتئلمنا مش مهم تاني مرة تالت مرة بعدين هتبص تلاقي فيه مرونة وفيه إن صوتك وانت بتقول الآه كده فيه لمعان وفيه تجويف حلو طالع في أي نغمة بنقولها. 

شكرا.