في الدرس الرابع من سلسلة فيديوهات التحضير لمسابقات الغناء تتحدث الدكتورة أمل عن موضوع مهم جداً لأي شخص يهتم بالأداء الغنائي السليم و ذلك هو نوعية المأكولات و المشروبات التي يجب تجنبها لما لها من تأثير على الأحبال الصوتية.

أمل ابراهيم:

"أهلا بيكم معاكم دكتورة أمل ابراهيم من اعزف دوت كوم.

أهم التعليمات التي يجب مراعتها قبل الغناء أو عند الاستعداد للغناء المشروبات والمأكولات التي يمكن أن تفيد أو تضر المطرب قبل الغناء هنبدأ بالمأكولات التي يجب تجنبها جميع الأطعمة المشبعة بالزيوت والدهون مثل جميع الأطعمة المقلية مفترض إن احنا نبعد عن جميع الأطعمة اللي بتتقلي في الزيت لإن دي ضارة جدا جدا جدا بالأحبال الصوتية حتى بتسبب شوية من الحشرجة بتاعت الصوت أو غشلقة صوته إحنا مش عايزين نبقى كده عايزين يبقى صوتنا إلى حد ما طالع بيلمع وطالع يعني أحسن من إنه هو يطلع فيه حشرجة أو صريح يعني جميع الأطعمة المسبكة والساخنة جدا يعني يعني إيه أطعمة مسبكة يعني فيه عندنا العادات اللي هي بنروح جايين نحط زيت وبعدين نحط بصل وبعدين نخلي البصل يحمر أوي وبعدين نروح حاطين عليه الطماطم والطماطم تروح جاية واخدة وقت لغايط ما كل ده يندمج مع بعضه لأ العادة دي سيئة جدا للصوت طيب بالنسبة للأطعمة لو كانت ساخنة كمان مضرة للصوت يبقى الأطعمة المسبكة والأطعمة الساخنة مضرة للصوت جدا بعد كده الأطعمة التي تحتوي على الكثير من التوابل والبهارات الحارة والملح الزائد إحنا عندنا دايما إحنا عادتنا اللي هو بنتنوع ما بين التوابل مش عارفة بتاعت كذا والتوابل بتاعت كذا ونحط توابل كتير ونزود الشطة ونزود الفلفل والكلام ده طبعا كل ده بيسبب زي حشرجة في الأحبال الصوتية أو بيخلي كل شوية تعمل كده ودي عادة سيئة جدا جدا للغنا بعد كده المأكولات كاملة الدسم مثل منتجات الألبان وحتى لو كان حليب خالي الدسم لا يجب شربه قبل الغناء مباشرة على الأقل بتلات ساعات يعني إيه يعني إحنا دلوقتي المأكولات كاملة الدسم بردو لما بنلاقي إحنا عايزين ناكل مثلا جبنة بناكل مثلا جبنة كاملة الدسم بناكل مثلا حاجات بالزبدة بنعمل مش عارفة كل حاجة معظم الحاجات اللي هي كاملة الدسم دي بتعمل بردو نفس الحاجة التأثير بتاع المأكولات المسبكة وتأثير المأكولات اللي هي فيها بهارات بردو بتعمل حشرجة في الصوت وبتخلينا دايما نعمل الحركة دي اللي هي مضرة جدا بصوتنا أو بأحبالنا الصوتية بعد كده المشروبات الغازية المتلجة وغير المتلجة يعني كل الحاجات بقى إحنا عارفين المشروبات الغازية مش محتاجة تفسير معظمنا بنجري مع الأكل نروح جايين شاربين حاجات يعني مش هقول إيه أسمائها ولكن كلنا عارفنها يعني بعد كده المحمصات زي اللب والسوداني والمكسرات طبعا ده غلط جدا لإنه بردو فيه نسبة دهون ممكن تكون تكاد تكون معقدة يعني ممكن ماتبنش في ساعتها تبان بعد شوية تبص تلاقي حاجات كده بتترسب على الأحبال الصوتية ودي مضرة جدا وانت بتغني بعد كده الشوكولاتة بأنوعها والسكر الزيادة والحلويات عموما بردو يجب الابتعاد عنها الليمون سواء كان عصير أو صحيح بردو لإن الحامض اللي فيه بيخلي بقى مش غشلقة بيخليك حاسس إنه ريئك ناشف لأ ماينفعش تبقى ريئك ناشف وانت بتغني لأ ده بالعكس ده طول الوقت لازم يبقى عندك ريء علشان خاطر تقدر تغني كويس وتقدر يبقى عندك استرسال في الغنا من غير ما فجأة يعني الريء اللي هو الناشف ده ممكن يخليك تقطع أثناء الغنا وده مش حلو بعد كده الشطة والفلفل ضار جدا جدا فيه ناس بتحب الشطة كتير والفلفل كتير وده يجب أن نبتعد عنه تماما عامة جميع المأكولات والمشروبات الساخنة ممنوعة خلينا بقى نتكلم على المأكولات المحببة أو المفضلة الخضروات دائما مفيدة للجسم عامة وبالتالي تفيد الأحبال الصوتية إحنا دايما ضروري جدا ناكل خضروات سواء اللي هي مسلوقة سواء اللي هي الطازجة اللي هي زي الخيار زي الطماطم زي الجزر لو كلناهم كده حتى والخس والحاجات دي دي مفيدة جدا جدا لينا عموما للجسم ومفيدة دايما للأحبال الصوتية طالما بتفيد الجسم كله يبقى بتفيد الأحبال الصوتية وصوتنا الفواكه من المأكولات المفيدة للجسم وبالتالي للصوت بجميع أنواعها بدون التركيز على نوع معين يعني واحنا بناكل الفواكه ماينفعش نمسك فاكهة واحدة ونفضل طول الوقت مركزين عليها لأ نعمل خليط ما بين الفواكه دي وناكلها بتبقى حاجة كويسة جدا لجسمنا وفي نفس الوقت لصوتنا ونكثر منها مفيش مشكلة شرب الماء من العادات الهامة جدا جدا للأحبال الصوتية و للغناء عامة هو شرب المياه بيأثر في بشرتك وبيأثر في جسمك كله وبالتالب بيأثر على صوتك كمان بيخلي عندك ريء وده مهم أوي يبقى عندك ريء وده مهم أوي يبقى عندك ريء ماينفعش يبقىمعندكش ريء خالص أو ريئك ناشف وانت بتغني صعب جدا مهم أوي تبقى بتشرب مياه طول الوقت يجب تناول المشروبات دافئة وقليل من السكر يعني إحنا دلوقتي معظمنا نروح جايين نعمل مشروبات ونروح واخدنها علطول نشربها وهي سخنة ماينفعش نستنى لغايط ما تبقى معقولة يعني يعني تقدر حتى تشربها بهدوء كده ومن غير أي ما تلسعك في بوءك ماينفعش لإن بردو وانت مدخل الحاجة دي هتضر الأحبال الصوتية وتضر حلقك طب وليه إحنا نشربها دافية تبقى معقولة نقدر نقبلها ونشرب حتى أسرع سنة مش مشكلة بالنسبة بقى للنعناع ممنوع بالنسبة للينسون ممنوع لإن كل ده بيساعد على تهدئة الجسم عموما وبالتالي بيهدي الأحبال الصوتية أو بيرخيها يعني بيساعد إن انت عندك هدوء كده ف مش قادر لا تعمل حاجة ولا تغني ف ماينفعش إنت لازم تاخد حاجة تشدلك الأحبال الصوتية علينا من تناول الكثير من الأسماك المشوية واللحوم والفراخ مع قليل من البهارات وقليل من الملح فقط ومتهيألي ده واضح جدا النقطة دي بعد كده تناول منتجات الألبان معدومة الدسم يعني حتى واحنا بنعمل شاي بلبن لازم معدوم الدسم لو بنعمل حاجة باللبن بنطبخها بنعمل أي حاجة بنشرب بناكل لازم تبقى خالية الدسم. 

شكرا."