ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
تدريبات لمخارج الحروف أثناء الغناء

تعطي الدكتورة أمل تدريبات مهمة جداً للحروف المختلفة المتعلقة بالفك و الحبال الصوتية و اللسان التي تهيء المغني للغناء بأريحية - تدريبات لتنظيف الحبال الصوتية - تدريبات التنفس المتدرج في السرعة - تدريبات اللسان - تدريبات الفك - تدريبات الشفتين.


أمل ابراهيم:


"أهلا بيكم معاكم الدكتورة طيب يلا بينا أهلا بيكم معاكم الدكتورة أمل ابراهيم من اعزف دوت كوم.


دلوقتي هناخد بعض التدريبات على مقاطع مختلفة كتمهيد للغناء أول حاجة تدريبات لتنضيف الأحبال الصوتية من أي شوائب على مقطع رررر تاني حاجة تدريب تنفس متدرج من البطيء للسريع ومن السريع للبطيء وبعدين تدريب اللسان بمقطع لا وبعدين تدريب الفك بمقطع يا واستخدام الشفة بمقطع وا هنبدأ أول حاجة تدريبات لتنضيف الأحبال الصوتية على مقطع رررر إيه هي الشوائب اللي هي الأتربة اللي موجودة في الهوا أو الجزيئات اللي موجودة في الهوا اللي بتدخل من خلال التنفس اللي هو الخاطئ يعني وليكن اتنفسنا من الفم و بيدخل الشوائب على الأحبال الصوتية وبنتضطر ساعتها إن احنا نعمل ف احنا بقى علشان نتلافي الحركة دي احنا بنعمل التدريب ده علشان مهيد للغنا علشان خاطر ننضف الأحبال الصوتية من أي حاجة فيها وبعدين نبدأ بعد كده في التدريبات الباقية مبدئيا هنقول مقطع (تقوم د. أمل بالتمرين) بنلاحظ في التمرين ده حاجة بحب أوصل من أكتر نقطة قرار بنقولها لأكتر نقطة جواب بنقولها أنا الحقيقة بابدأ بالطبقة المتوسطة يعني مابنزلش أوي علشان خاطر تكون الطبقة دي مناسبة لكل الطبقات الصوتية لو كان فيه راجل بيغني معايا أو سيدة بتغني معايا وبالتالي يبقى الموضوع مناسب إلى حدا ما لأصواتهم وبعدين بنلاحظ حاجة إن احنا بنطلع بشكل فيه تدرج بردو في التمرين يعني مهم أوي على إن احنا بناخد مقطع رررر ده معانا لكن بردو بناخد نغمات فيه ده بيديني أكتر إن أنا بفتح صوتي كمان بالمرة زائد إن أنا بنفض أحبالي الصوتية يعني أنا لو دلوقتي بعد التمرين قولت آه بلقي صوتي كويس كده وفيه لمعان ومفهوش أي شوائب اللي هي تخليني اعمل كده بعد كده بقى ركز معايا أو قول معايا التدريب التنفس اللي هو البطيء على تمبو بطيء الأول وبعدين تمبو أسرع أسرع أسرع وبعدين بنرجع تاني أو بنتدرج ما بين السريع والبطيء في التدريب ده يعني حناخد نفس من الأنف كويس ونفرغه بس إن تمبو في الزمن يعني (تقوم د. أمل بالتمرين) وهكذا أسرع شوية خليك معايا (تقوم د. أمل بالتمرين) وهكذل لغايط ما نوصل لمرحلة التنفس سريع سريع سريع بطيء بطيء بطيء أهم حاجة إن انت توصل معايا إن تبقى ماشي معايا في الزمن مظبوط جدا جدا جدا التدريب اللي بعده اللي هو تدريب اللسان بمقطع لا خليك معايا بردو وقلد النغمة أهم حاجة ما بين كل تمرين وتمرين تاخد نفس منين من الأنف (تقوم د. أمل بالتمرين) بنلاحظ في التمرين ده ناخد بالنا كويس أوي إن أنا بانزل بردو لآخر نقطة أو آخر درجة قرار اقدر أوصلها وآخر درجة جواب اقدر أوصلها زائد ناخد بالنا في كل التمارين إن وأنا باغني وأنا طالعة السلم أو النغمات بتتجه إلى الأحد ف أنزل رقبتي علشان ماجهدش الأحبال الصوتية وأنا بنزل للقرارات أطلع رقبتي علشان أفرد الأحبال الصوتية علشان كده كده هي بتنكمش في الطبقات الغليظة التدريب اللي بعده تدريب الفك بمقطع يا هنقول (تقوم د. أمل بالتمرين) حاول تفتح أكتر فكك (تقوم د. أمل بالتمرين) استخدام الشفة بمقطع وا أو وا أوكي هناخد بالنا إنه نضم أوي الشفايف يعني عموما في المقاطع كلها نخلي المقطع زايد عن اللزوم يعني لا لا نفتح بوئنا أوي يا نفتح الفك أوي وا احنا أنا قاصدة من ده ضم الشفايف أوي علشان أمرن الشفايف على الضم أوي ده اللي هو أو أو (تقوم د. أمل بالتمرين). 


شكرا."