ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
5 - تجنب الضغوط النفسية قبل الغناء

تعطي الدكتورة أمل نصائح مهمة للأداء تتعلق بالنوم و الراحة وأمور أخرى تؤثر على الصوت عند الغناء.


أمل ابراهيم:


"أهلا بيكم معاكم الدكتورة أمل ابراهيم من اعزف دوت كوم.


عندنا النهاردة هنتكلم عن العادات السيئة التي يجب الابتعاد عنها قبل الغناء كثرة الضغوط النفسية يعني إحنا دلوقتي عندنا ضغوط كتيرة جدا كل الناس عندها ضغوط ولكن مفترض إن احنا نهدي نفسنا شوية علشان خاطر نقدر ميأثرش الضغط النفسي ده على صوتنا ف يبقى كثرة الضغوط النفسية بتأثر على صوتنا بتأثر حقيقي ع الأحبال الصوتية التدخين أو التعرض للدخان عموما لما احنا نكون قاعدين في أوضة مغلقة أو حتى أوضة مفتوحة وحد بيدخن أو انت بتدخن ف بيأثر على الجهاز التنفسي عندك وبالتالي مش هتقدر تدي نفس حلو وانت بتغني ف يبقى التدخين أو التعرض للدخان عموما ضار جدا جدا بالأحبال الصوتية كثرة السهر معظمنا مابننامش بدري ودي حاجة سيئة جدا لأ لازم إن احنا نبعد عن السهر الكتير ده لإن هو بيضرنا جدا جدا وبيضر صوتنا وكفاءة حتى جسمنا كله يعني عامة السهر مش مستحب خالص للغنا النوم عدد سعاعات قليلة إحنا دايما بننام قليل علشان خاطر مش عارفة عايزين نلحق إيه بالليل ولا بالنهار ولا كذا لأ احنا المطرب اللي بيحافظ على صوته مفترض إنه هو ينام عدد ساعات كتيرة شوية مفترض إن أنا أنام يعني ليلا دي يعني لازم تاخد سواد الليل وانت نايم مهم أوي لإنه فيه ناس تقولك إيه أنام تمن ساعات ابدأ أنام من الساعة تمانية الصبح ماينفعش لأ لازم تاخد سواد الليل وانت نايم مهم وتنام تمن ساعات ع الأقل لو كانو اتناشر ساعة يا سلام حتقوم كويس جدا جدا ونشيط جدا جدا وجسمك مرتاح وصوتك كمان مرتاح كثرة الكلام بصوت مرتفع إحنا مابناخدش بالنا خالص واحنا بنتكلم للأسف علطول طول الوقت إزاي يا فلان تعمل كذا طب مش عارفة إيه بصوت عالي لأ الصوت عالي ده بيجهد الأحبال الصوتية حتى ولو في الكلام.


الكلام عند المشي في الشارع أو في الهواء لما أنا آجي جالي تليفون واقعد اتكلم في الهوا طب ما هو أحنا دلوقتي وأنا بتكلم في الهوا هيحصل إيه هيدخل الهوا في الفم وبعدين هيدخل مش منقى ف طبعا هيدخل هيأثر هيخلي زي ميكروبات كده فين على الأحبال الصوتية واحنا مش عايزين نعمل كده إحنا عايزين نحافظ وبعدين في نفس الوقت الحركة دي اللي هي الهوا لما بيدخل صريح كده بتبص تلاقي نفسك عايز تكح والكحة عموما بتأثر جدا جدا على أحبالك الصوتية حتى وأنا باتكلم وأنا باغني وأنا باعمل أي حاجة ناخد بالنا اتنفس من الفم من الأنف علشان خاطر آخد بالي كويس جدا إنه الهوا بيصفى من خلال الشعيرات اللي في الأنف الضحك بصوت عالي دي عادة سيئة جدا جدا مش واخدين بالنا منها أفضل أضحك أضحك أضحك وآجي أغني أبص ألاقي نفسي صوتي رايح طب ما هو صوتي رايح من إيه من الضحك بصوت عالي عدم ممارسة رياضة أو المشي اليومي إحنا عندنا عادات اللي هو أفضل قاعد طول النهار على قدام الكمبيوتر أفضل طول النهار أعمل أي حاجة أسهر في أي حاجة الموضوع إن احنا مبتعدين تماما عن الرياضة وده شيء مش مفيد بالمرة لصوتنا لإنه بقى الرياضة بتجري الدورة الدموية وتساعد الجهاز التنفسي على الانتظام في الحركة بتاعته وبالنسبة للرئتين بتبقى تمام جدا جدا كفائتها بالنسبة لممارسة عموما أي رياضة بس هو المشي مهم أوي للغنا التعرض للغبار يعني أثناء السير مثلا أو لو احنا فتحنا شباك لقينا غبار ف في العادي إن احنا مثلا نفضل أو حد بينضف الشقة وبالتالي يروح جاي الغبار كله يجي عليه وبعد كده يحاول يغني مايعرفش ما هو طبيعي لإن الغبار ده كله جاي على وشك و جسمك وبالتالي بيأثر على صوتك لإنه بردو كل الغبار اللي داخل ده بيقف عند حلقك يأثر جدا جدا بشكل سلبي على صوتك طيب بنفترض إن احنا اضطرينا نمشي في الشارع وفيه غبار ومضطرين ننزل نعمل إيه نحط كوفية على منطقة الأنف والفم والحلق يعني نحاول بقدر الإمكان نبقى مغطيين المنطقة دي لغايط ما نوصل لأقرب مكان مقفول بعد كده تنبيهات يجب التوقف عن الغناء والضغط على الأحبال الصوتية في سن البلوغ لإن هذا يؤثر بشكل سلبي على الأحبال الصوتية على المدى الطويل إحنا عادة أولياء الأمور مابياخدوش بالهم خالص من ابنهم اللي بيبلغ وأحباله الصوتية كمان بتبلغ معاه لأ أنا فرحانة بإبني ف بيغني في أي حتة كبر شوية بردو يغني في أي حتة في مناسبة في عيد ميلاد في كذا لأ إحنا ناخد بالنا وهو بيبلغ نريح صوته خالص لإنه الغنا كده كده بيجهد الصوت أكتر من الكلام يعني بتضغط على أحبالك الصوتية أثناء الغنا أكتر من ضغطه على الكلام ف ناخد بالنا علشان خاطر صوته تبص تلاقي بعد كده تبقى خامته مش مظبوطة أو يطلع وحش لو هو ماخدش باله أولياء الأمور ماخدتش بالها إنه لازم نوقف الصوت هنا شوية مايغنيش في الفترة دي حوالي تلات سنين تقريبا وفيه ناس عندهم أربعة بعد كده إجهاد الجسم بشكل عام يؤثر على كفاءة الصوت أثناس الغناء ف يجب علينا الإسترخاء والراحة إحنا غالبا إنه بردو بنروح معمل شوبينج أو بنروح نعمل الحاجات اللي هي بنشيل حاجات وبنحط حاجات وبنعمل بنجهد جسمنا زيادة عن اللزوم وبعدين نقول إيه يلا نغني لأ ماينفعش مش بعد الإجهاد الجامد أوي ده نقول يلا نغني لأ ماينفعش أنا لازم أكون مرتاحة كويس جدا واكلة كويس جدا جدا علشان خاطر أقول يلا هغني دلوقتي يفضل تناول الطعام قبل الغناء بتلات ساعات على الأقل يعني آكل كويس وكل حاجة بس قبل الغنا بتلات ساعات ماينفعش آكل قبل الغنا واطلع أغني إحنا دايما بنتعرض للضغط النفسي الجامد أوي جوة يعني حد ضايقني وسكت بشكل تلقائي جدا بتلاقي صوتك بيتعب جدا لأ أنا حد ضايقني وأفضل آخد تنفس لو أنا عملت كده هلاقي نفسي تمام جدا وهادية جدا ومفيش مشاكل لو حد ضغط عليا نفسيا أعمل كام تمرين تنفس ببطء هبقى زي الفل إن شاء الله طريقة يوم المطرب إزاي بقى يومنا من أول لآخر اليوم طبعا وجبة الفطار أو عموما قبل الفطار خالص بنتناول العسل الأبيض الصافي قبل الأكل صباحا ويوضع عليه ربع ملعقة زنجبيل الحاجة دي بتصفي صوتك تماما يعني بتخلي صوتك رايق جدا جدا ومستعد للجهد اللي جاي بقى بعد كده وجبة الإفضار تناول الشاي بحليب أو القهوة بحليب أو حسب ما انت اتعودت بتشرب إيه بعد نص ساعة يعني بعد الجنزبيل والعسل ده بنص ساعة بتبدأ بقى تاخد الشاي أو القهوة بتاعتك طيب لازم أوي الحليب يكون خالي الدسم و بعدين العيش تاخد بقى عيش وجبنة خالي الدسم وسلطة بالليمون فقط بدون ملح كده وجبة الإفطار تكون معقولة جدا جدا ليك وتحس بنشاط طول اليوم بعدين وجبة الغدا تاخد بقى لحمة مطبوخة مع بصل خفيف طبعا البصل خفيف مش كتير قليل من الزيت غير مسبك وسبق إن احنا شرحنا غير مسبك يعني إيه أو فراخ أو سمك مشوي أو مسلوق مع خضروات مسلوقة بدون توابل بدون ملح مع طبق سلطة كبير وعيش بعد كده وجبة العشا أي كمية لبن زبادي خالي الدسم فواكه متنوعة أو جبنة خالي الدسم وعيش وكوب عصير طازج يتخلل اليوم تناول على الأقل تلاتة لتر ماء غير مثلج مع نصف ساعة على الأقل رياضة والنوم ليلا تمن ساعات خد بالك صحة جسمك من صحة صوتك مهم أوي تاخد بالك من جسمك عشان تعرف تحافظ على صوتك. 


شكرا."


1 التقدم الى خشبة المسرح Opened 04:08
2 تعبيرات الوجه و العينين أثناء الغناء Opened 07:04
3 الأغنية , المقام و الطبقة المناسبة لكل صوت Opened 07:36
4 المأكولات التي يجب تجنبها قبل الغناء Opened 07:06
5 تجنب الضغوط النفسية قبل الغناء Opened 09:26
6 تدريبات التنفس السليم للغناء Opened 07:08
7 تدريبات لمخارج الحروف أثناء الغناء Opened 13:22
8 تدريبات مقاطع مختلفة Opened 09:01
9 تمرين على الغناء الشرفي من خلال دارت الأيام لأم كلثوم Opened 06:29
10 تمرين على الغناء الغربي من خلال اعطني الناي و غني Opened 11:10