يشرح الأستاذ ريبال الفوكاليز ما هو و كيفية تطبيق تمارين الفوكاليز بالشكل الصحيح عند الغناء و يركز كثيرا على التنفس السليم.

ريبال خضري:

"مرحبا أنا ريبال من أعزف دوت كوم رجعنا لدروس الغناء العربي و رجعنا لحتى ناخد دروس الفوكاليز.

اليوم بدنا نحكي عن الفوكاليز بشكل عام شو هيه الفوكاليز.

الفوكاليز هيه عبارة عن كل التمارين اللي أنا ممكن قدمها لصوتي لحتى تكون مساحة الصوت هيك تصير مساحة الصوت هيك هلأ في خطئ شائع دائما الفوكاليز بقلك أنه أنا اذا عملت دروس فوكاليز فأنا صوتي رح يصير كتير كبير ورح صير غني كتير منيح ورح صير اقدر اطلع على الطبقات العالية والطبقات اللي تحت.

هلأ عموما هاي النظرية غلط لسبب كتير اساسي انه الصوت الأساسي البشري هوه عبارة عن علامات محددة ربما يكونوا تمانة تسعة مثلا من دو الى دو من دو الى ري من دو الى مي هوه مقياس معين ،هلأ الفوكاليز شو بتعمل بتخليني أنا جيب علامات أكتر بشوي فوق واكتر بشوي تحت بالمران , الوكاليز بمرن عضلات الحنجرة نفسها اللي بتحرك الحبلين الصوتيين بالأضافة للتنفس بس شو الغية منها أنو هيه بتخلقلي مرونة أكتر بالعلامات اللي أنا عم غنيها , تعو نجرب سوا أو شي نعمل فوكاليز طبعا دائما الفوكاليز لما بنباشر فيه بنباشر بتمارين الفوكاليز الأبسط فالأبسط يعني ما بنبلش أول شغلة ما بنبلش تمارين الفوكاليز بالعلامات العالية ولا بنبلش بالعلامات اللي كتير داون, تعد مقياس للفوكاليز هيه علامة مي بيمول أو الأي فلات دائما بنبلش فيها عند أكتر الطبقات مثلا اذا بدي ابلش ببساطة دائما باخد انترفالات كتير بسيطة مثلا (يعزف الاستاذ الريبال التمرين).

اول شي لازم ركز عليه بالفوكاليز انه أنا دائما تمي مفتوح ما بصير انه أنا غني غير هيك ما بصير أنه انا غني بأسلوب أنه أنا بس بدي قول تمارين اللي قدامي وبس لأ الفوكاليز اله اساليب اول شي تمي لازم دائما مفتوح تاني شي ما بصير اني أنا اعمل فبراتو على صوت ما بصير اني اعمل (يعزف الاستاذ الريبال التمرين).

تمي مفتوح و تمي مفتوح مو بس من تحت لأ هيك مع اشي بنسميه كراسي الخدود اللي بعمللوه كتير عمليات تجميل هو نحنا مالنا بعازته اذا نحنا عرفنا نغني صح اللي هوه كل اللي أنا بعازته هوه اني دير بالي اني افتح خدودي أكتر ليش لانه هادا شي بخلي صوت يطلع أكتر على جيوبي الأنفية وجيوب العينيه أكتر تعو نجرب سوا (يعزف الاستاذ الريبال التمرين) هناخد تمرين اّه (يعزف الاستاذ الريبال التمرين) بالعلامات العالية أنا كتير بحتاج للاتاك بمعدتي لأني أنا اضغط معدتي أكتر شوي لقدام عند علامة عالية (يعزف الاستاذ الريبال التمرين) دائما صوت عند الأسنان كل ما نزلت أكتر و فتحت تمي أكتر وخليت الصوت عند أسناني أكتر قد ما بقدر بحاول دائما خلي صوتي لقدام أكتر وبنفس الوقت كتير ضروري أني أنا ابدأ الفوكاليز بالمنطقة المتوسطة بالصوت واختمها بالمنطقة اللي تحت غالبا ليه لانه دائما القرار منطقة مريحة للصوت و بنفس الوقت بتكون ارتكاز قوي لأي صوت بده يطلع أو فوق أو تحت أكيد في تمارين كتير تانية من الفوكاليز رح نحاول اليوم أنه نركز ناخد اكتر من تمرين وبنفس الوقت رح نحاول انه نستعرض كيف ممكن البنت كمان تعمل فوكاليز لأنه اكيد صوت الشب مختلف عن صوت البنت انا لو بدي ارجع عيد هاد التمرين نفسه بطريقة البنت نفسها رح يكون (يعزف الاستاذ الريبال التمرين).

كتلة صوتي أكبر , عند أسناني بتأكد من تنفسي يكون دائما في خطأ شائع لما اطلع لفوق بصير الصوت بفوت لتمي بطريقة أكتر يعني بصيرو يقولو أنا بدي (يعزف الاستاذ الريبال التمرين) لأقدام أكتر مش تمام كل ما نزلت كل ما خليت تمي مفتوح اكتر كل ما متل ما حكيت دائما صوت لعند اسناني اكتر."