يكمل في هذا الدرس الأستاذ ريبال تمارين مهمة على الفوكاليز مع تركيز على الأخطاء الشائعة التي قد يقع فيها البعض. يتحدث ريبال أيضا عن استخدام الصوت الأنثوي لتركيز اللحن.  

ريبال خضري:

"هلأ الفوكاليز دائما بيشتغل على المؤدي أنه يحاول يحوله لمغني.

في كتار من اللي عم يحضرونا هلأ بفكروا أنه هنن اذا ما قدروا يغنوا اللحن بالشكل اللي أنا عم غني فمعناته هنن مش مغنيين وهنن غلط أو هنن مش صحيح لأ أنا بحب قلكن انه أي حدا بالحياة ممكن انه هوه يغني ولكن دائما الموضوع هوه تدريب وممارسة.

أنا بدي ابتيدي اول شي بدي اتاكد أنه أنا عم قول لحن بشكل صحيح مثلا شو يعني شو يعني اللي أنا عم قوله نشاز أو عم اوت اوف تيون كيف مثلا بكون أنا عم قول (يعزف الاستاذ ريبال التمرين) هوه بكون عم يقوله (يعزف الاستاذ ريبال التمرين) بكون هوه برات اللحن اساسا هلأ كيف بنصلح هاد الموضوع بنصلحه بأنه أنا مثلا حقول لكل شخص بحس حاله بهاد النمط معي حقول له حقول مثلا هاي العلامة (يعزف الاستاذ ريبال التمرين).

حثبت شوي على هاي العلامة حخليها كتير مرتاحة حخليها باوطى صوت عندي ما رح قولها بصوت (يعزف الاستاذ ريبال التمرين) لأ صوت كتير مرتاح (يعزف الاستاذ ريبال التمرين) لازم أنه صوتك يطبق على صوتي تماما ما بصير يكون في(يعزف الاستاذ ريبال التمرين) يكون في صوتين لأ يكون في(يعزف الاستاذ ريبال التمرين) بعدين (يعزف الاستاذ ريبال التمرين).

هلأ ضروري يكون في حدا قدامك وأنا عم غني معك يكون عم يسمع وانتا عم تغني معي يكون عم يقارن صوتك مع صوتي هل صوتك كان معي أم لأ في بعض الأشخاص ما بيقدروا كتير يعني ممكن انته تكون مفكر حالك أنو أنته عم بتغني صح وأنا ما بلومك ابدا لأنه عادة المغني بسمع حاله أكتر ما بيسمع الشخص الأخر لهل شي ضروري يكون في شخص قدامك مومن بضرورة يكون موسيقي بس بيكفي أنه هوه يكون عم يسمع ويقدر يقلك أنو اه صوتين تقريبا متطابقين عم تقدروا تقولوا اللحن مع بعض أو لأ هاي العملية كتير ضرورية لحتى اتاكد أنه أنته عم بتأدي اللحن بشكل سليم أو أنته برات اللحن تماما هلأ في بعض طلاب واأنا عم علمن هاد الأشي ما بيتجاوبوا معي حتى بهاد التمرين فبتطر أنه شو قلن طبعا هاد التمرين بحاجة لأنه يكون في حدا بهاد التمرين تحديدا يكون في معك بس خبير موسيقي يقدر يشتغل معك, شو بقول هاد التمرين هادا التمرين بكل بساطة أنا رح اجي أعطيك قلك أعطيني أية اّه بتيجي بتقلي هاي الاّه (يعزف الاستاذ ريبال التمرين).

بيجي انا شو بعمل أنا ببلش من اّه تانية (يعزف الاستاذ ريبال التمرين)حتكون أنته عم تعطيني. شو الغاية من هاي العملية الغاية من هاي العملية أنه أنته لما بتسمع صوتك مع صوتي وأنته ما عم تقدر تحرك رح تشوفني وأنا عم حرك صوتي حتحس علي أنه صوتي عم يطلع باتجاهك انته صوتك هون فصوتي بس عم يطلع باتجاهك حيلامس صوتك أول ما يلامس صوتك حتصير تحس أنه أنته بدك تلحق صوتي وين ما راح فبصير أنا بعمل (يعزف الاستاذ ريبال التمرين) حاول خليك أنك أنته تلحق صوتي طبعا ورح اكرر هاد التمرين لأكثر من مره هلأ في تمارين تانيه اللي هيه بتقوي عملية استماعي للحن بشكل سليم أكتر هاي التمارين رح تقولها هلأ وممكن أنه تمارسها باوقات تانية هاد اللي بنسميه فوكاليز السمعي شو الفوكاليز السمعي على سبيل المثال رح قلك اللحن اللي أنا رح أعزفه رح اطلب منك أنك أنته تقوله كيف مثلا (يعزف الاستاذ ريبال التمرين) هاي أنا هلأ قلته هلا دورك أنته قوله (يعزف الاستاذ ريبال التمرين) مباشرة أول ما اخلص اللحن رح بتباشر أنته بشكلك بصوتك الطبيعي حجرب جملة تانية بعدين رح اتركلك مجال أكتر (يعزف الاستاذ ريبال التمرين).

هلأ أنا رح اعمل الجملة ورح اتركك أنته تعيدها لحالك بدون ما أنا غنيها وحاول يكون في شخص يسمع أكتر ويقلك أنه براقو هاد صح وهادا مش صح ماله معتاز الموضوع لأي شخص موسيقي ممكن أي شخص قدامك يقدر يعطيك هاد التقيم أكتر مني حتي أنا (يعزف الاستاذ ريبال التمرين) طيب أنا هلأ رح عيد التمرين هأعزفه مرة ورح اترك تاني مرة رح اعزفه بصوت كتير واطي اللي هيه الوقت اللي رح تغني فيه (يعزف الاستاذ ريبال التمرين).

طبعا هاد الفيديو أنته فيك تكرر هاد المقطع مرة تنين تلاتة لتحس حالك أنه أنته عم تقدر تسمع لحن وعم تقدر تعيده بشكل مباشر بدون أي أخطاء هلأ بيصفى أني نبه أنه دائما الصوت الأنثوي مختلف عن الصوت الذكري يعني أنا هلأ عم غني بصوتي الذكري الأنثى ممكن تغني بصوتها المستعار أكتر من صوتها الطبيعي مثلا التمرين اللي قلته أنا أول مره (يعزف الاستاذ ريبال التمرين).

كتير مهم أنه نحاول نخزن اللحن بذاكرتنا ونرجع نقوله مثل ما هوه بدون أية اضافات أخر شي رح قوله اليوم بالدرس أنه الأطفال دائما بكون طبيعة الصوت عندن هيه أنثوية وليست طبيعة ذكرية فكتير يفضل أنا لما بدي علم الطفل كيف يغني بشكل السليم لاسيما بالبدايات لحديت ما يوصل لعمر البلوغ أو عمر المراهقة اللي ببلش صوته يأخد صوت الرجولي أكتر أني حاول رسخ اللحن بأدنه أكتر من أني أنا اشتغل على أنه صوته بشكله الطبيعي يعني كتير ضروري أني أنا غني قدامه بصوتي الأنثوي أو بصوتي المستعار أكتر لأنه هوه رح يغني بهاد الصوت انشافني أنا عم غني بصوت الذكري فحيعتقد انه الغلط عنده ورح يحاول يقلدني ورح يغني بطريقة مش صحيحة رح يغني برات اللحن اساس أو بنسميها اوت اوف تيون."