في هذا الدرس يرّكز الأستاذ ريبال على طريقة التنفس السليمة و كيفية التحكم بالنفس. يعطي أيضا ريبال تمرينات مختلفة للسيطرة على النفس , و من ثم ينتقل الى تمرينات أخرى للنفس برفقة البيانو. يتحدث الدرس أيضا .عن وضع المعدة السليم للغناء , توضح الكاميرات ذلك مع الشرح.

ريبال خضري:

 "مرحبا, أنا ريبال من أعزف دوت كوم, نرجع لدروس الغناء اللي بلشنا فيها الدرس الماضي.

الدرس الماضي كنا حكينا عن أول شغلة حكينا عن أنه الجسم البشري بتألف أو الصوت البشري بيطلع من الحنجرة أولا و بيضخم بمناطق الرنين اللي هيه الرئتين الرقبة بالأضافة الى مناطق الرنين الرأسي.

هلأ اليوم بدنا نحكي عن اشي كتير مهم للأسف أكنر من تسعة وتسعين من المغنين العرب ما بيغنوا صح لسبب كتير أساسي أول شي حكينا عنه المره الماضية اللي هوه فتحة التم تاني شي اللي هيه للأسف التنفس, دائما نحنا بنتنفس بطريقة غلط, طيب كيف بدي أتنفس صح تخيلو معي أنو أنا عم باخد نفسي هيك ما رح أقدر اضبطه ما رح أقدر اضبط الاّه اللي بتطلع مني لو حاولت رح كون بعد شوي هيتعب الحنجرة أكتر بأكتر, ليش تعو نشوف هاد الموضوع علميا أكتر هلأ لو طلعنا حنلاقي أنو انا لما بدي أتنفس الرئتين هنه عبارة عن متل بالونين هلأ البالونات الموجودين بالسوق هنه نوعين ما بعرف ازا نزل نوع تالت نوع اللي هوه نوع طولاني بنفخه بصير ينفخ بالطول متل النقانق والنوع التاني اللي هوه بكون نوع عرضي بنفخ بالعرض أكتر , الرئتين فيهن هاي الميزة بس انه هنن مش يعني ما الأيدين بنفخوا بالعرض أو بينفخوا الطول أنا حر بالطريقة اللي بدي أنفخن فيها.

هلأ أنا لحتى طلع اّه سليمة لازم الاّه تبعي تكون مرتاحة لازم يكون في متل كيس البالون عندي أنا عم بضغط عليه فبالتالي الهوا لازم يطلع منتظم ما بصير يطلع متل البالون لما بتركه لحاله لأ لازم يطلع كتير منتظم متل لما أنا بحط المروحة بشغلها على واحد أو بشغلها على تنين حركات الهواء عم تطلع منتظمة طب أنا كيف بدي أحصل على هاي العملية انا اذا أخدت نفسي هيك حيكون عندي بده يسكر الرئتين بده يطلع الهواء من الرئتين هوه عبارة عن عضلات الصدر هلأعضلات الصدر مالها عضلات فليكسابل مالها كتير قادر أني حركها فبالتالي كيف ممكن أنا اتنفس لازم لاقي أنو معدتي عم تطلع لبره أكتر يعني شوفوا كيف رح حط أيدي هيك لحتى تبين أكتر حركة التنفس ما بصير ابدا أيا شي من فوق الحجاب الحاجز يتحرك ابدا ابدا.

أول ما تبلشوا تتمرنوا على هاد التمرين كتير رح تعانوا من هاد الموضوع حتشوفوا انو أنا بدي أتنفس عم حرك هون بنفس الوقت عم حرك هون بدنا نحاول تماما أنو نحنا نفصل ازا بدي انتفس باخد نفسي من أنفي بتخيل أنو انا عم معبي خزان هون تمام هيك طلع نفسي لبره طبعا فيما بعد بس تصيروا متمرسين أكتر ما بتطروا أنو أنتو يطلع كرشكن لبره وانما كل اللي بتطروا أنو بصير بمنطقة عضلات المعدة بصير عم بضغط هون عم هادا و بصير قادر أني العضلات بتنضغط بدل ما تطلع لبره وتفوت لجوا بشكل مرتاح أكتر, تعو نجرب ناخد أكتر من تمرين على هاي العملية برجع بزكركن ضروري هاي التمارين لما بدكن تعملوها يفضل أنو تكونوا واقفين قدام مراية تكونوا عم بتراقبوا لانو في ناس بتفكر حالها أنه هيه عم بتغني صح و عم تتنفس صح بس هيه ما بتكون شايفة أنه كتافها عم يتحركوا من دون ما تحس بتكون عم تعمل بكون حاطط أيدوا على معدته وعم يتأكد من كل شي بس هوه مو شايف أنو كتافه طلعوا أو أنه صدره طلع لفوق لأ مره تانيه أنا و ياكن برجع طلع الهوا من أنفي بشكل متوازي عفوا من تمي بشكل ثابت بطلع الهوا لأخر حد هلأ طبعا في عنا كتير تمارين على هاد الموضوع هلأ ضروري أول فترة أنو نحنا نضل مثلا خمس ست أيام عم نشتغل فقط على التنفس الصبح بعد الظهر المسا قبل النوم بعد النوم بل سرفيس بالميكرو بالتكسي وين ما بدكن لانه هوه كله عبارة عن خمس مرات برجع بعيدها برجع بريح برجع بعد شوي بعيدها برجع ما بتاخد مني أكتر من عشر ثواني بس ضروري كتير أنه أنا أنتقي طريقة التنفس لانه هاي الطريقة الوحيدة اللي بتخلي صوتي يوصل لمرحلة ثبات كتير صحيحة.

اذا لاحظتو اذا أي حدا منكن عنده طفل صغير الطفل الصغير وقت بتنفس غالبا بكون وهوه نايم بكون بطنه هوه اللي عم يطلع مش رئتينه فخلينا كتير ندقق على هاي النقطة تعو نجرب نعمل تمارين تنفس على هاد الموضوع أول تمرين ممكن أني أعمله اللي هوه تمرين اللي هلأ شرحته اللي هوه أني عيد هاي العملية لخمس مرات انتبه أنو تنفسي عم يطلع من أنفي عفوا عم يفوت من أنفي بيتعبى بمعدتي برجع بضغط عن طريق معدتي يعني معدتي لحالها بتفوت حتى طلع التنفس بأخر حد وبحاول أني طلع بأقل كمية هلأ الحل التاني لأني أنا اتنفس بشكل كتير سليم أتاكد من أنه كمية الهوا اللي عم تطلع وحده واضحة كتير ضروري أنو أنا رح أوقف هلأ بهاد الشكل رح حط أمسك الورقة من فوق ورح أخد تنفس السليم وأنفخ على هوا ضروري كتير هلأ الهوا بضغط الورقة بضغط الهوا حتميل ضروري كتير أنو أنا حاول حافظ على زاوية الميالان تبعها لحتى كون ثابت بالتفس تبعي لحتى كون ثابت كمية التنفس تكون ثابتة شوفوا كيف بضل لأخر حد عم بعملها هلأ ضروري كتير أني أعمل هاد التمرين مثلا مرتين تلاته الصبح مرتين الظهر أربع مرات المسا قد ما قدرت أني أنا اتمرس بهاد التمرين رح كون كتير استفدت هلأ نيجي للتمارين اللي ممكن أنا مارسها مع البيانو وبشكل كتير صحيح شو هيه التمارين اللي أنا ممكن مارسها مثلا رح أخد خمس نوتات و هي خمس نوتات رح اقولن بطريقة الاّس (يعزف الاستاذ ريبال التمرين) هلأ كيف طلعت الاّس الاّس أنا هيه ليش اخترت الاّس الاّس لانو هيه عبارة عن حرف بالأصل هوه ما بده اّه هوه اس اس اس هوه بده اّه صغيرة مع الاّس لا أكتر ولا أقل فأنا بده الاّس تحديدا هوه حرف تنفسي أكتر من أنه يكون حرف صوتي فأنا لما بدي أخد لما بدي طلع الأس لازم أخد تنفسي (يعزف الاستاذ ريبال التمرين) كأني عم طلع معدتي لبره وأنا عم غني هاي العلامات كمان مره طلعوا عليه كيف (يعزف الاستاذ ريبال التمرين) طبعا هاد التنفس بكون كتير سليم لما أنا بدي غني برجع (يعزف الاستاذ ريبال التمرين) ما حاول أني طلع العلامات عن طريق صوتي وانما عن طريق كيف عم طلع الهواء (يعزف الاستاذ ريبال التمرين) طبعا ضروري نبه أنو نحنا مو ضروري يكون معنا عازف بيانو أو موضروري أنو انا كون بغزف بيانو فيكن طبقوا هاي الدروس بشكل مباشر معي واحنا عم بنغنيها طبعا بالنسبة للبنات ممكن يقولوها بهاد الشكل (يعزف الاستاذ ريبال التمرين) طبعا بالنسبة الهن بتكون اريح لاسيما البنات المتعودين يغنوا أوبرا أكتر أو متعودين يستخدموا الصوت الرأسي أكتر تمام هلأ طبعا حتى هاد التمرين اللي تمرنته اللي هوه تمرين الأس أنا ممكن قوله بشكل طبيعي بدون العلامات (يقرأ الاستاذ الريبال التمرين قراءة ايقاعية) المهم كتير أنو معدتي تكون عم تتحرك مع العلامات ((يقرأ الاستاذ الريبال التمرين قراءة ايقاعية)) كل مالها هاي بتسبت أكتر كيفية عم بضغط على الحرف بشكل سليم أكتر هلأ في عندي كمان تمارين تانيه من نمط هاي التمارين بتكون تمارين غنائية أكتر (يعزف الاستاذ ريبال التمرين) عندي تلات ضغطاط () عند أول وحدة بعدين بعدين المعدة عم بتفوت لجوا لحالها بشكل طبيعي طبعا المعدة لما انا بكون عم بغني بتكون عم تفوت دائما الا لما أنا كون بدي أضغط على العلامات او مثلا بدي أوصل للعلامات العالية () هاي بنسبة للبنات ().

 بنسبة للشباب أنا لما بدي اضغط كتير بحاجة انو معدتي تكون دائما طالعة لبرا طيب رح نجرب هاد التمرين مع بعض بامكان أي بنت بتكون موجودة معنا انوهيه تستعمل صوتها المستعار (يعزف الاستاذ ريبال التمرين) كل ما طلعت صوتي لعند سناني أكتر كل ما صار الصوت للشخص اللي عم يسمعوا مريح أكتر بين الفرق بين() وأنا عم ببلع العلامة بلع وبين() مرتاحة أكتر حتى ضمن الكواير بتكون او ضمن الكولار و الجوقات بتكون كتير مرتاحة أكتر هلأ بيصفى أخر تمرين تنفس أنا ممكن أني نبه عليه اللي هوه في بعض التمارين بتساعدنا اكتر أنو يكون عندي مساحة تنفس أكتر هلأ بالنهاية الرئتين مكان تخزين التنفس هنن مكان ممكن يكون واسع أكتر من انا المكان اللي عم اتخيله يعني هنن كيس ممكن أنه يتوسع أكتر كيف ممكن وسعه كل حدا منا ممكن يكون عنده بموبايله ستوب وتش أو عنده ساعة ممكن يعير فيها وقت اذا جربتوا مثلا اليوم أنا بدي أخد تنفس أحبس نفسي عشر ثواني ون تو ثر فور فايف سكس سفن ايت ناين برجع مباشرة اول ما طلع نفسي برجع باخد اللي بعده وبرجع عد عشرة طبعا بعد عشرة على الستوب وتش برجع بطلع نفس برجع أخده يوميا ممكن أني أعمل هاد التمرين صباحا مساءا مره الصبح مره المسا برجع يومين هيك بعدين باليوم تالت ممكن زيد ثانيتين على الستوب وتش صير طناشر ثانية بالرابع أو الخامس برجع بزيد كل مره كل تلت أربع ايام ممكن أني زيد ثانيتين لحديت ما أوصل لمكان حس أنو الموضوع صار صعب علي بلش زيد ثانية ثانية و ما بنقل للثانية اللي بعدها الا لما حس أنو أنا صرت كتير مرتاح وأنا عم باخد هاد التنفس تبعي بحب قلكن اشياء كتير ضرورية عن التنفس أنه قد ما بنقدر نتمرن على تنفسنا و يصير سليم قد ما نقدر نغني ونعمل تمارين فوكاليز بشكل كتير سليم."