يتناول هذا الدرس موضوع مخارج الحروف عند الغناء و الفرق بين المخارج العربية و غيرها و علاقة ذلك بالتنفس و .الجسم. يذكر الأستاذ الحروف المختلفة و الطرق السليمة لخروجها في الغناء العربي.

ريبال خضري:

""مرحبا أنا ريبال من إعزف دوت كم.

 حنكفي اليوم دروس الغناء العربي حنتزكر سوا شو حكينا الدرس الماضي عن الفوكاليز و حنتزكر سوا التمارين اللي اخدناهم .

الدرس الماضي قلنا أنه نحنا لما بدنا نبلش فوكاليز بدنا نباشر بفوكاليز كتير بسيطة تكون عبارة عن علامتين أو تلاته فقط مثلا دو ري مي فقط انترفاليه ما يكونوا أوسع من هيك اليوم بعد ما نحنا نطبق أو بعد ما نحنا من حالنا نطبق تمرين القديم حناخد تمرين جديد حنتوسع أكتر حناخد الأنترفال لما بكون عنا مثلا أربع درجات وطبعا نحنا لحديت الأن الفوكاليز اللي عم بنطبقها عم بنحاول انه هيه تكون فقط على حرف واحد اللي هوه حرف الاّه A فيما بعد حيكون عنا بالدروس القادمة حروف الاّي Eحروف الاّوهO نشوف هدول حروف ثلاثه كيف بنطبقن.

طبعا ملاحظة كتير اساسية أنو أكتر الفوكاليز بتكون على حرف A,O,E لأنه هاي الحروف هيه الحروف جوفية يلي غالبا أكتر الحروف بحتاجها لحتى تقدر تغنى يعني صعب أنو نحنا نلاقي أي كلمة باللغة العربية ما فيها الف أو ما فيها اّي Eوما فيها اّوه O فغالبا اذا نحنا شتغلنا فوكاليز سواءا بالعربي أو بغيره على هاي الحروف الثلاثه رح يكون كتير سهل علينا انه نحنا نطبق باقي الحروف عليها تعو نجرب سوا طبعا يفترض أنه نحنا نطبق تمرين اللي اخدناه بالدرس سابق قبل ما نبتدي بالتمرين اللي رح ناخده هون التمرين اللي رح ناخده هلأ هو تمرين أربع درجات اللي هوه مثلا (يعزف الاستاذ الريبال التمرين).

تمام هو عباره عن لحن عم بينعاد تلات مرات بس دائما عم دير بالي أنه أنا بالأعلى و بالأسفل عم بخلي دائما الصوت لقدام , حجربه مره تانيه حاخد من طبقة اللي أنا حكيت عنها أنه هيه مبيمول اللي هيه كل المغنيين بتكون سهلة عليهن (يعزف الاستاذ الريبال التمرين) ضروري وأنا عم أخد الفوكاليز أني حاول قد ما اقدر ما اقطع الصوت مش مثل الأوبرا ما حاول خلي (يعزف الاستاذ الريبال التمرين) ابدا لازم حاول خلي صوتي دائما بنسميها بالميوزك بنسميها ليغاتوا اللي هيه بكون صوت دائما متصل ببعضه ما بكون () ما كتير عم بكون حس بهادا التقطيع بين العلامات يلا حنبتدي سوا دائما لازم اتزكر انه دائما تمي مفتوح الخدود لفوق التم لتحت (يعزف الاستاذ الريبال التمرين)عم انتبه لتنفسي انتبه أنه الصوت ما يكون حاد فوق لقدام صوتي أكتر. كتير بنتبه أنه صوتي دائما لقدام وكتير بنتبه أنو ما خلي الصوت يفوت ويطلع ما يكون (يعزف الاستاذ الريبال التمرين) لأ دائما لقدام وفتحته تمي ثابتة طبعا مش الغاية ممكن تلاقوا صوتكن غريب بس ضروري هادا الأشي لحتى يحاول يخلي صوت دائما لقدام أكتر.""