في هذا الدرس يقدم ريبال الصولفيج على العود و ذلك لأن الدرس يعطي مقدمة عن المقام العربي في الموسيقى و الغناء تحديدا. و يتكلم ريبال أيضا عن ما يسمى بالطبع الموسيقي وتعريفه و تعريف الجنس بالموسيقى العربية.  

ريبال خضري:

"(يعزف الاستاذ ريبال) مرحبا أنا ريبال من أعزف دوت كم اليوم رح يكون درسنا مختلف عن دروسنا الماضية.

اليوم ما رح نقدم فوكاليز على البيانو رح نقدم الفوكاليز أولا على العود.

ما رح كتير نفوت بفكرة الفوكاليز اليوم لأنه في عنا فكرة كتير جديدة اعتقد أنه كتار منكم بفكروا فيها وبسئلوا عنها في علم دائما يحكى عنه اللي هوه علم المقام العربي شو هوه علم المقام العربي وشو هوه علم المقام بحد ذاته يمكن نحنا الدرس الماضي حكينا عن الصولفيج حكينا عن كيف النوتات الموسيقية من دو الى دو جواب كيف بتكون دو الري المي الفا وين اماكنن بالصولفيج.

هلأ اليوم بدنا نحكي شو يعني مقام هلأ قبل ما نحكي عن علم المقام لازم نحكي شوية تعاريف صغيرة ناخد فكرة عنها أول شي نحنا بنيجي نحكي عنه يلي هوه علم بنسميه علم الطبع أو الطبوع شو هوه الطبع الطبع اللي هوه عبارة عن ثلاث درجات موسيقية متتالية متل دو ري مي متل ري مي فا متل صول لا سي المهم أنه يكون عنا موجود ثلاث درجات موسيقية ورا بعضن هلأ هدول الثلاث الدرجات موسيقية ورا بعضن بيختلف اسمائن بالمقام العربي يعني مثلا أنا طبع راست بكون مثلا دو ري المي بتكون نازلة شوي صغيرة فبتكون المسافة أقل بكتير هلأ أقل بكتير عن العجم هلأ لو رحنا لنشوف شو يعني كلمة جنس الجنس بالموسيقى العربية اللي هوه عبارة عن أربع درجات متتالية يعني مثلا دو ري مي فا مي فا صول لا لا سي دو ري المهم انن يكونوا أربع درجات متتالية.

هلأ قبل ما نحكي كمان عن الأجناس تعو نشوف مثلا العلامات بينات بعضها كيف بتكون كيف بتكون المسافة صوتيا بيناتها مثلا أنا لما بكون بالدو لما أنا بدي قدم علامة الدو الدو بتكون بين الدو والري دائما خلينا نفترض أنه نحنا عنا مسافة صوتية أنا عم بطلع من الدو الى الري متل كأني عم بطلع درجة (يقرأ الاستاذ ريبال التمرين قراءة ايقاعية) فبكون عنا مسافة اصطلح بتسميتها تيون أو تون واحد بنسميها بالهجة دارجة بنقول تون فانا بكون عندي من الدو للري (يقرأ الاستاذ ريبال التمرين قراءة ايقاعية).

بكون عندي تون واحد هلأ من الري للمي متل ما شايفين قدامكن رح يكون عنا تون واحد تاني هلأ من المي للفا لو أنا بدي اطلع تون أو بدي اطلع نفس المسافة رح يطلع عندي (يقرأ الاستاذ ريبال التمرين قراءة ايقاعية) حيكون عندي مسافة اعلى فالأفضل لحتى نحنا نتوازن مع الأشي اللي احنا بنفكر فيه لازم تكون هاي الفا اقل من هيك فتفقوا انه تكون بين الري والمي والفا بدل ما يكون عندي تيون كامل حيكون عندي نص تون فحيكون عندي (يقرأ الاستاذ ريبال التمرين قراءة ايقاعية).

هلأ بنرجع من فا للصول بيكون عندي مسافة صوتية كاملة اللي هية فا صول اللي هيه تون(يقرأ الاستاذ ريبال التمرين قراءة ايقاعية) بنرجع من صول للا تون تاني (يقرأ الاستاذ ريبال التمرين قراءة ايقاعية) بنرجع من لا للسي بكون عنا تون تالت (يقرأ الاستاذ ريبال التمرين قراءة ايقاعية) بعدين بيجي عندي من سي للدو كمان مرة بيرجع عندي نص تون بالتالي أنا عندي (يقرأ الاستاذ ريبال التمرين قراءة ايقاعية).

لو حسبنا حيكون عندي من دو للري حيكون عندي تون واحد من الري للمي تون تاني من مي للفا نص تون من فا للصول تون كامل من صول للا تون من اللا للسي تون ومن سي للدو حيكون عندي نص تون هلأ معناتها أنا عندي من دو لتكرار الدو الفوقانية حيكون عندي ست أبعاد موسيقية اذا جمعنا واحد وواحد ونص صارو اتنين ونص واحد واحد واحد ونص صار حيكون عندي ست ابعاد موسيقية فاذا هلأ المقام هوه عبارة عن اجتماع تمن درجات موسيقية هدول التمن درجات موسيقية بيجمعوا بيناتن حيكون عندي ست ابعاد موسيقية هلأ البعد هو اشي مابيبن عندي على المدرج يعني لما بقول دو ري مابكون باين عندي اعلى ولا اوطى هو اشي بكون حافظه بصوتي من المي للفا نص تون ومن سي للدو نص تون هاد الأشي حتى بكون جواتي أنا وأنا عم غني بدون ما فكر فيه هلأ لما بيجي بدي قول المقام علم المقام المقام العربي يختلف بأنه انه انا بتتغيرعندي هاي المسافات يعني مثلا مقام العجم يلي نحنا بنعرفه اللي هوه عليه أغنية اللي نحنا بلشنا عليها اللي هيه طلعت يا محلى نورها يلي عليه أغاني كتير متل أغنية قصيدة اغدا القاك للسيدة أم كلثوم مثل أغنية مثلا قصائد و أغاني موجودين على مقام العجم هنن كلياتن بيبتدو بنفس هل الأبعاد تون تون نص تون تون تون تون نص تون اوك هلأ لو اجينا لنشوف شو عنا مقامات عربية تانية المقامات العربية التانية تختلف باختلاف هاي الأبعاد يعني أنا بالنهاية المهم يكون عندي من دو الى دو ست ابعاد موسيقية مع وجود تمن درجات تامن وحدة هيه نفسها الأولى هلأ مثلا مقام نهاوند مختلف عن مقام العجم بانتقلاته حيكون عندي من الدو للري حيكون عندي (يعزف الاستاذ ريبال التمرين).

صاروا عندي مجموعن بعد نص بعد بعد نص بعدين بعد بعد مجموعن كلياتن طلع عندي ستة ابعاد من أول وجديد يعني المقام هوه تغير هاي الأبعاد بينات بعضها ولكن بالنهاية لازم يحافظوا على ستة نسمع الفرق بين العجم والنهاوند العجم (يعزف الاستاذ ريبال التمرين) نهاوند (يعزف الاستاذ ريبال التمرين).

فاذا موضوع مختلف هلأ أنا حيكون عندي عدد مختلف من المقامات كلياتها بتختلف عن بعضها بهاد الأسلوب بتغير مكان العلامات أنا بهمني نبه شغلة كون أنه نحنا بنمشي على الصولفيج كمان بالصولفيج أنا لما بدي نزل نص بعد بحط الأشارة يلي هيه موجودة عنا يلي هيه اشارة بيمول يلي هيه بتكون متل b متل البي بالأنجليش تمام وبحط لما أنا بدي أرفع نصف بعد رح احط أشارة يلي هيه متل اشارة المربع بالموبايل يلي هيه بتكون بنسميها باللغة الموسيقية بنسميها دييز أو بالأميركي بسموها شارب والبيمول بسموها فلات."