يعطي في هذا الدرس الأستاذ ريبال تمارين صولفيج مهمة تقوي قراءة النوتة و الغناء , و تبدأ هذه التمرينات بقراءة النوتة زمنيا و من ثم قراءة النوتات بشكلها الصحيح.

ريبال خضري:

"هلأ من التمارين يلي نحنا ممكن نتمرن عليها هوه تمرين الصولفيج يلي رح نشوفه تحت (يعزف الاستاذ ريبال التمرين).

هلأ هاد التمرين مثل مالنا شايفين نحنا عم بيبلش بصول بعدين مي بعدين بكون عندي أول شي تعو نجرب نقرأه ايقاعيا هاد التمرين (يقرأ الاستاذ ريبال التمرين قراءة ايقاعية) عندي تو سوداء بعدين وحدة بيضاء بعدين بكون عندي برجع تنين سوداء وحده بيضاء (يقرأ الاستاذ ريبال التمرين قراءة ايقاعية) برجع تحت (يقرأ الاستاذ ريبال التمرين قراءة ايقاعية) كل ما قراته ايقاعيا أكتر كل ما تقويت فيه أكتر , هلأ بيجي بجرب أني أنا غني أول شي كنوتات (يقرأ الاستاذ ريبال التمرين قراءة ايقاعية) هلأ نجرب نغنيه مع موسيقى (يعزف الاستاذ ريبال التمرين).

طبعا هاد مثال بسيط رح يمرق معنا كتير منه طبعا هاي المقطوعة هيه مقطوعة ليتيل بيرد حيمرق معنا كتير مقطوعات مثلا رح يمرق معنا كمان مقطوعة طبعا أنا عم انتقي المقطوعات اللي كتير بسيطة حشوف هاي المقطوعة مثلا (يعزف الاستاذ ريبال التمرين) حارجع كمان اقرائها ايقاعيا ما رح جرب اقرائها بالعلامات (يقرأ الاستاذ ريبال التمرين قراءة ايقاعية) تمام هلأ هاي المقطوعة رح تفرق أنه أنا أول شي رح قولها كعلامات حجرب كمان نقولها أول شي نوتات (يقرأ الاستاذ ريبال التمرين قراءة ايقاعية)) هلأ لو جربنا نغنيها مع موسيقى حتكون أول شي غنيتها صولفيج بدون كلام اللي رح يطلع عندي هلأ (يعزف الاستاذ ريبال التمرين).

طيب هلأ لو جربت أني أنا غني مع الكلام ملاحظين كل علامة مكتوب تحتها الأسم اللي أنا لازم غنيه بعد ما قلتها صولفيج وصرت قادر غنيها حقول (يعزف الاستاذ ريبال التمرين) طيب الغناء دائما بكون بهاد الشكل بكون عندي نوته في زمن في لحن بس اتمرس اكتر شوي صغيرة باللحن بنصير بنشوف أنه تحت منه عم ينكتب العلامات هلأ أنا رح اتركن أنه أنته تابعوا كتاب اّي بي سي ورح اتركن تابعوا كتاب السولفيج دو سولفيج الكتابين كتير سهلين فينا بكل سهولة أنه نوصل لأخر مستوى من كتاب السولفيج دو سولفيج وهاد الشي رح يساعدنا كتير لما نحنا بدنا ناخد أية أغنية أية قطعة أي موشح نشوف كيف لازم نغنيه بشكله سليم."