ريبال خضري:

"هلأ بيصفى عندي الشفتين اللي بكون اللهن مخرجين عادة أما بطن الشفة السفلى , بطن الشفة السفلى مع أطراف الثنايا بطلع عندي فاء فاء تمام بالأضافة لهيك بكون عندي الشفتين لما بسكرن مع بعض بكون عندي طرقتين أما يطلع عندي حرف باء بأ بأ أو حرف ميم هلأ عادة طبعا بالقران الكريم في مخرج خامس اللي هوه مخرج حرف الغنة يلي هوه لما بدي رن الحروف بالأنف وعادة هاي الحروف بتكون حروف المد الجوف اللي هيه الاّه (A)والاّي (E)والاّوه(O) بالأضافة لحرفي الميم () والنون () والام () و الراء() كلياتهن قابلين انهن يلفظوا عن طريق الأنف أو الخيشوم بسموه.

هلأ ضروري ننتبه أنه نحنا لما عم نغني غناء عربي نحنا ممكن كتير نستفيد من القران الكريم طبعا اللفظ ومخارج الحروف تعود اصلا للغناء البيزنطي الغناء البيزنطي كتير بدقق على انه الحروف تكون حدة و واضحة فيما بعد اجا القران الكريم وهذب هاي الطريقة بحيث أنه في حروف الها مخرج من هون في حروف الها مخرج من هون لحتى يكون في تنوع مخرجي للحروف الصوتية خاصة باللغة العربية ولاكن المختلف بالموضوع أنه بالغناء العربي أنو نحنا ما بجوز انه أحنا نعتمد عليه بشكل كامل زكي نصيف اله جملة كتير معروفة بقول الغناء العربي هو غناء مقرأن يعني برجع للقران الكريم , ولاكن نحنا اكيد ما بنقدر نطبق أحكام الميم الساكنة و النون الساكنة و القلقة واحكام المد ما فينا انه دائما نطبقهن بالغناء العربي.

بس كتير ضروري مخارج الحروف تكون كتير نظيفة كتير واضحة ومخرجها لقدام كيف ممكن انه نحنا نشتغل على هادا الموضوع أول شي في عنا ترانيم النمط أنه أنا أخد كل حرف لحاله واشتغل عليه بشكل فردي يعني () ليه لحتى حاول ضمن دماغي ركز كل حرف مكانه سليم هلأ في عندي اشياء تانية مثلا أنا بدي غني أغنية على سبيل المثال أنا رح قول بدي غني أغنية يا عاشقة الورد لو أنا بدي غني يا عاشقة الورد اذا بدي غنيها بشكل لحالي(يعزف الاستاذ الريبال التمرين) هلأ أنا لحتى نظف الحروف كوني أنا بتعامل مع قصيدة بكتب الكلام قدامي باخد يا عاشقة الورد باخد كل حرف لحالة في عندي حل دائما كتير ممكن يسهل علي لما بدي غني يلي هوه أول شغلة أني أنا جيب قلم اّخد قلم حط هادا القلم بين أسناني حطه بهاد الشكل هلأ بس أنا حطيته بين أسناني رح عض عليه ورح حاول أني أنا قول كل كلمة كل حرف بلفظه أكتر هلأ وجود عملية تعذيب وأنا عم بغني أو عملية تعب رح يخلي الدماغ يستنفر أكتر ليوضح الحروف بشكل واضح اكتر مثلا رح قول أو شي ايقاعيا (يقرأ الاستاذ الريبال التمرين قراءة ايقاعية) لو غلطت لازم ارجع عيد الحرف اللي غلطت فيه وثبته أكتر (يقرأ الاستاذ الريبال التمرين قراءة ايقاعية).الموضوع ممكن يكون مضحك شوي بالأول بس بعدين رح ناخد عليه وحيكون حالة كتير سليمة لأنه بنظف مكان كل حرف لحاله ويعود الدماغ أكتر على أنه يضغط لما بدك ترسل اشارة للغناء بضغط اكتر على مكان الغناء . حنجرب أنه أحنا نغني يا عاشقة الورد من أولها لأخرها بس بصوت بنغنيها على البطيئ شوي شوي لحتى نحاول نخلي كل حرف يكون اخد مكانه الطبيعي اثناء الغناء حنجرب سوا أنا هغنيها بطبقتي أنا اللي هيه طبقة مغني طبقة مرتفعة شوي اللي منطقة التنور (يعزف الاستاذ الريبال التمرين) حاولت وضح كل حرف لحاله حكفي (يعزف الاستاذ الريبال التمرين)."