ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
11 - تغيير العرب اثناء العزف

تغيير العرب أثناء العزف على القانون هو موضوع هذا الدرس مع الأستاذ ماجد , حيث يتم تطبيقه من خلال عزف .المقطع الثاني من أغنية السيدة فيروز نسم علينا الهوا.


ماجد سرور:


"أهلا وسهلا بيكو في اعزف دوت كوم معاكم ماجد سرور واحنا دلوقتي وصلنا للدرس الحداشر ف تمام. 


وماتنسوش إن احنا هنعزف يعني هنعزف هنبقى شطار يعني هنبقى شطار مش اختياري يعني إحنا النهاردة هنكمل بردو في الفرداش اللي احنا بدأناه من درسين وهنزود كمان حاجة بقى النهاردة إزاي في النص ممكن نتعامل مع العرب في وسط اللحن زي إيه يجيلنا تحويلة مقامية نحولها واللحن ماشي مظبوط هنكمل النهاردة اللحن اللي ابتديناه في الدرس السابق نيسم علينا الهوى وهنقول الجزء اللي فيه ممكن نتعامل مع العرب تعالو نسمع مع بعض (يعزف الاستاذ ماجد التمرين).


طبعا لاحظتو إن احنا هنا عملنا تحويلات تحويلتين بالتحديد غيرنا المي بيمول بقيت مي نص بيمول اللي هو بقيت مي نص بيمول اللي هو بيسموها السيكاه وبردو اللا يعني عملنا نفس الموضوع بدل ما هي لا بيمول خليناها لا نص بيمول يعني رفعناها ربع تون ف بقيت بردو لا بيسموها سيكاه بردو هنقولها هي لوحدها (يعزف الاستاذ ماجد التمرين) دي أول تحويلة قابلتنا التانية (يعزف الاستاذ ماجد التمرين) دي التحويلة التانية إحنا حولنا المي والفا ف ده إحنا كده عشان نتعود إن إحنا وإحنا بنعزف جاتلنا التحويلة في الأغنية يعني أكيد كل اللحن مابيبقاش مقام واحد بيبقى فيه تحويلات وكده ف دي .. مننا نتعلم إزاي نرفع العرب واحنا بنعزف عايز أعملهالكو هي لوحدها على بعضها عشان تشوف إزاي بنرفع العرب وإحنا بنعزف (يعزف الاستاذ ماجد التمرين) خدو بالكو وإحنا فين منطقة إن احنا بنحول العرب بتكون الإيد اليموين بتقول لحن وبعيد عن الحرف اللي هنرفعه يعني كده بالظبط (يعزف الاستاذ ماجد التمرين) لما بعدنا عن المي فا مي ري دو سي لا صول من أول الري ابتدينا إيه نتعامل بقى مع المي نرفعها واليمين بتقول ري دو سي لا صول فا كويس ري دو سي لا صول كويس من هنا خلاص بقيت الشمال فاضية وتقدر ترفع العربة وكذلك (يعزف الاستاذ ماجد التمرين) صول مي ري دو وإحنا اليمين بتقول صول مي ري دو روحنا رافعين اللا نص بيمول ده عشان أنا ماقدرش يعني أرفع العربة وأنا بقول السلم بقول مثلا فا مي ف لو رفعت العربة بدري بقيت النغمة نشاز وقولت العربة في غير مكانها ف هنا بستنى لحد ما السلم يبعد عن حرف المي واروح رافع المي (يعزف الاستاذ ماجد التمرين) بتتعزف كده بالظبط (يعزف الاستاذ ماجد التمرين) صول مي ري دو وأنا بقول صول مي ري دو بالشمال بارفع العربة (يعزف الاستاذ ماجد التمرين).


ده أول درس في تحويل العرب أتمنى يكون واضح وخليكو معانا وتابعونا في الدرس القادم إن شاء الله."


فيديوهات دروس الدورة - تعلم القانون مع ماجد سرور
1 تعريف عام بآلة القانون Opened 07:11
2.1 استخدام اليد اليمنى و اليسرى Opened 04:23
2.2 تمرين العزف باليد اليمنى و اليسرى Opened 04:58
3.1 العزف بالقفزات Opened 05:59
3.2 تمرينات مهمة Opened 02:16
4.1 عزف السلم الموسيقي مع قفزات Opened 04:46
4.2 عزف السلم الموسيقي مع قفزات | متابعة Opened 04:09
5.1 تعريف عام بآلة القانون Opened 04:15
5.2 تمارين لعزف السلم الموسيقي | متابعة Opened 04:38
6.1 مكونات آلة القانون و العرب الموسيقية Opened 05:38
6.2 مكونات آلة القانون و العرب الموسيقية | متابعة Opened 03:28
7 عزف مقطوعة صوت الموسيقى Opened 05:31
8 مقام النهاوند Opened 06:28
9 الأصوات المتصلة Opened 05:40
10 عزف أغنية نسم علينا الهوا للسيدة فيروز Opened 04:13
11 تغيير العرب اثناء العزف Opened 06:56
12 مقام الرست Opened 05:45
13 تمرين على مقام الرست Opened 04:30
14 عزف أغنية يا مال الشام Opened 03:19
15 مقام البياتي Opened 06:23
16 عزف أغنية جانا الهوا Opened 05:27
17 مقام الكرد و عزف اهو ده اللي صار Opened 04:46
18 عزف أهو ده اللي صار Opened 04:38
19 عزف صولو أغنية انت عمري لكوكب الشرق Opened 05:02
20 عزف أغنية انت عمري لكوكب الشرق أم كلثوم Opened 05:57