يشرح الأستاذ ماجد سرور أبعاد مقام البياتي و يعزف هذا المقام على القانون , ثم يعزف الأستاذ ماجد دولاب البياتي.

ماجد سرور:

"أهلا سهلا بيكم في اعزف دوت كوم.

إحنا دلوقتي وصلنا للحلقة الخماستاشر النهاردة هنتعرف على مقام جديد وهو مقام البياتي مقام البياتي يقرب شوية لمقام الراست بس بيختلف معاه في البداية في السلم نفسه احنا مقام الراست بنبتدي من الدو للدو مقام البياتي بيبتدي من الري للري و بيختلف اختلاف آخر إن في الراست المي والسي الاتنين مخفوضين ربع تون يعني المي نص بيمول والسي نص بيمول هنا في البياتي بس المي هي اللي بتبقى متفقة مع الراست المي نص بيمول لكن عند السي بتبقى السي بيمول كامل يعني بتنزل عربتين يعني بيبقى شكل القانون المي بس هي اللي بتنزل عربة واحدة ربع تون السي بتنزل عربتين يعني العربة بربع تون يعني بتنزل نص تون بتبقى السي اسمها سي بيمول والمي نص بيمول والسلم زي ما هعزفهولكو دلوقتي (يعزف الاستاذ ماجد التمرين).

ده السلم البياتي ودي تقسيمة كده بردو بنحضر المقام زي ما احنا اتعودنا في الموسيقى الشرقية بتاعتنا بنقول المقام يحضر عشان نبقى متسلطنين بياتي احنا كده عملنا سلم البياتي من الري للري وعملت تقسيمة كده بسيطة خالص عشان نحضر المقام دلوقتي هعزفلكو دولاب بياتي وهنتعلمه ده موضع درسنا النهاردة (يعزف الاستاذ ماجد التمرين) طبعا الدولاب واضح إنه فيه يعني جمل تكنيكية وفيه فرداش وفيه قوة واستعاض إحنا دلوقتي بنرتقي في مراحل أكتر في العزف ف هنشوف إن هو ابتدا بدرجة اللا خامسة المقام (يعزف الاستاذ ماجد التمرين) (يقرأ الاستاذ ماجد النوتة) (يعزف الاستاذ ماجد التمرين).

ف هنا استعرضنا قفزات واستعرضنا فرداش واستعرضنا قوة العزف ف هي جملة اللي ابتديناها من الخامسة عيدناها تاني شبهها بالظبط السيكوانس بتاعها على الرابعة يعني لما قولناها من اللا (يقرأ الاستاذ ماجد النوتة) رجعنا نقولها تاني (يقرأ الاستاذ ماجد النوتة) نفس السيكوانس التتابع اللحني بتاعها يعني وبعد كده عملنا القفلة بتاعتها وبعد كده عملنا القفلة بتاعتها (يعزف الاستاذ ماجد التمرين) وبعد كده استعرضنا بقى شكل جديد محتاج تقنية ومحتاج مذاكرة ممكن نعمله تمرين هو أشبه بالتمرين شوية (يقرأ الاستاذ ماجد النوتة) .ه

و ده يعني ممكن نعمله تمرين لما نلاقي نفسنا يعني كقاعدة عموما لما بلاقي نفسي فيه جملة صعبة عليا باعملها تمرين بكل بطول وعرض القانون يعني ف هي دي جملة لحنية جميلة فيها تتابع وفيها اللي هو بنسميه السيكوانس اللي هو التتابعات اللحنية شكل وبنعيده وبنعيده وبنعيده ف هو ده الجملة هنا اللحنية فيها شكا التمرين وفيها الجملة اللحنية الكويسة (يعزف الاستاذ ماجد التمرين) وبعد كداهو القفلة بتاعت الجملة اللحنية أشبه بردو بقفلة تقسيمة أنا عايز أعزفلكو الجملة اللي هي اللي قبليها بشكل بطيء شوية عشان نشوفها وناخد بالنا نعزفها إزاي (يعزف الاستاذ ماجد التمرين) بكده وصلنا لنهاية درسنا النهاردة تابعونا ونتقابل على خير إن شاء الله."