عزف الاصوات المتصلة أو كما تسمى على آلة القانون الفرداش حيث يبدأ الأستاذ ماجد بعزف مثال و من ثم ينتقل الى طريقة عزفها و التدرج في التمرين لإتقان هذه التقنية المهمة في العزف.

ماجد سرور:

"أهلا وسهلا بيكم في اعزف دوت كوم احنا النهاردة في الدرس التاسع وصلنا للدرس التاسع أهو ما شاء الله أنا ماجد سرور معاكم النهاردة بقى عايزين نتعلم حاجة بقى من الحاجات القانونجية اللي هو الأصوات المتصلة اللي بيسموها في القانون الفرداش الصوت متصل ف هسمعكو مثال ونشوف هنعمل ده نوصله ازاي (يعزف الاستاذ ماجد التمرين).

هو ده اللي احنا الشكل اللي عاوزين نوصل نعزفه نوصله إزاي طبعا كل حاجة بناخد بأصلها وبالتدريج عشان نوصلها هناخد في التمرين اللي كنا بنقوله زمان اللي هو (يقرأ الاستاذ طارق النوتة) بس هنعمله بقى بالشكل ده (يعزف الاستاذ ماجد التمرين) (يقرأ الاستاذ طارق النوتة) كده (يعزف الاستاذ ماجد التمرين) وهكذا كلهم قد بعضيهم زي الماشين اليمين قد الشمال يعني دي مابتعملش أسرع و دي بتعمل أقل لأ كلنا اتعلمنا بالبطيء كداهو عشان يبقى اليمين والشمال قد بعضيهم بالظبط سواء عزفنا على الأوكتاف نفسه زي كده (يعزف الاستاذ ماجد التمرين) أو عزفنا على مسافة أوكتاف هابط اللي هو كده (يعزف الاستاذ ماجد التمرين) ف تعالى نشوف هنعمل نفس التمارين تقريبا اللي احنا عزفناها مسبقا اللي عملناها في الأول خالص بس بنفس الشكل ده (يعزف الاستاذ ماجد التمرين) وهكذا نفس الشكل اللي احنا خدناه اللي هو هنطلع وننزل باربعة تا فا تي في وبعدين هنطلع تاني يبقى تلاتة تا فا تي في ونطلع وننزل وبعدين نبتدي اتنين تا فا تي في وبعد كداهو نطلع وننزل يبقى واحد تا فا تي في وبعد كداهو تريولي وبعد كده تا تي إزاي بقى آخر حاجة اللي هو التا فا تي في الواحدة (يعزف الاستاذ ماجد التمرين).

احنا كده بدلنا من التا فا تي في الشكل بتاع الفرداش للتريولي يعني (يقرأ الاستاذ طارق تريولي) (يعزف الاستاذ ماجد التمرين) كده احنا حولنا من التريولي للتا تي (يقرأ الاستاذ طارق تريولي) لحد (يقرأ الاستاذ طارق النوتة) بردو بشكل الفرداش احنا هنحافظ ع التمارين دي وهنزاكرها نموت نفسنا فيها ونزاكر بقى ساعات طويلة أوي عشان كتر التكرار والمزاكرة هنلاقي الفرداش بقى سهل في إيدينا وإننا بنعزف بقى زي أي عازف قانون كده مخضرم كده تمام واثق في نفسه جدا. 

وإن شاء الله في الدرس الجاي هنقول حاجة أحسن وأحسن تابعونا نلقاكم على خير."