واحد من أهم الصولوهات المعزوفة على آلة القانون و تم عزفه في أغنية انت عمري لكوكب الشرق السيدة أم .كلثوم حيث قام بعزفه الفنان عبده صالح.

ماجد سرور:

"أهلا وسهلا بيكم في اعزف دوت كوم احنا دلوقتي وصلنا للحلقة التسعتاشر أو الدرس التسعتاشر ف وكنا في مقام الكرد.

ف طبعا أي عازف قانون بيتطرق لمقام الكرد ده ف أول حاجة بتيجي في دماغة نفسه يعزفها صولو القانون بتاع أغنية انت عمري هو يعني ماينفعش عازف قانون يبقى عازف كده محترم وكويس مايكونش حافظ الصولو ده ف النهاردة هنتعلم الصولو ده بيتعزف إزاي وهو عزفهزي ما عزفه الاستاذ الكبير محمد عبده صالح تعالو هنستعرض المقام وبعد كده نقول الصولو (يعزف الاستاذ ماجد التمرين).

الصولو ده طبعا بيبقى هو حوار ما بين آلة القانون وآلة الكونترباص طبعا إحنا عشان عارفين واتكلمنا إن مساحة القانون الصوتية بتعطيه الإمكانية إنه يعمل أصوات آلات كتيرة ومساحات كتيرة ف عشان كده استغلينا الموضوع ده في القانون وعزفنا الكونتارباص مع القانون في آلة القانون بس طبعا إحنا هنا مقام الكرد على درجة الري بنستهل أول حرف ري (يعزف الاستاذ ماجد التمرين) هنا ري دو ري (يعزف الاستاذ ماجد التمرين) مرتين (يعزف الاستاذ ماجد التمرين) هو طبعا الكونتارباص مابيغيرش الحروف هو الحروف كلها اللي بيقولها اللي بيغيرها القانون لكن هو الكونتارباص ماسك الأساس طول الوقت ري ري ري والجملة موجودة في آلة القانون ف القانون قاله مرتين يعني بيرد عليه بيقوله دو ري دو ري بيأكد المقام وبعد كده قاله ري راح قايله مي دو (يعزف الاستاذ ماجد التمرين) مي دو (يعزف الاستاذ ماجد التمرين) سي دو ري (يعزف الاستاذ ماجد التمرين) مي فا صول (يعزف الاستاذ ماجد التمرين) فا صول لا (يعزف الاستاذ ماجد التمرين) سي صول لا فا مي ري (يعزف الاستاذ ماجد التمرين) بيعيدها مرة تانية (يعزف الاستاذ ماجد التمرين) فا ري دو سي دو ري فا ري دو سي دو ري (يعزف الاستاذ ماجد التمرين) بيعيدها تاني (يعزف الاستاذ ماجد التمرين).

بيرجع تاني للجملة اللي قالها قبل كده سي صول لا فا مي ري بيعيدها تاني (يعزف الاستاذ ماجد التمرين) القفلة دي كذا أكتر من عازف حاول يلعب فيها لكن هو الأصل بتاع الاستاذ محمد عبده صالح يعني كان سليم خالص معملش فيه حاجة أنا عملتلكو كده شكل كده من عندي يعني (يعزف الاستاذ ماجد التمرين).

ده الأصل زي ما عزفه الاستاذ محمد عبده صالح طبعا ده الصولو ده لازم يتذاكر كويس ونسمعه كويس ونذاكره كويس وإن شاء الله تابعونا في الدرس القادم إن شاء الله."