متابعة لعزف ما تبقى من أغنية أنت عمري لكوكب الشرق أم كلثوم.

ماجد سرور:

"أهلا وسهلا بيكم في اعزف دوت كوم.

احنا وصلنا للدرس العشرين وبقينا شطار وحلوين وهنعزف يعني هنعزف وأكيد احنا دلوقتي حققنا الكلام ده النهاردة هنتعرف على باقي صولو القانون والموسيقى بتاعت إنت عمري عشان طبعا احنا هنعزف الصولو وهنعزف الأغنية مش عايز الصولو بس يعني ف هنتعرف عليها وده موضوع درسنا النهاردة (يعزف الاستاذ ماجد التمرين) تكلمة الصولو اللي لعبناه في الأول اللي كان ما بين الكونتارباص والقانون هو بيدخل الرتم وبيعزف القانون بيكول بقية جملته (يعزف الاستاذ ماجد التمرين).

هي دي بقية الجملة وبعد كداهو بيخش الجيتار يدخل الجيتار بيقول الجملة بتاعته (يعزف الاستاذ ماجد التمرين) هنا بعد ما الجيتار ما عمل جملته الفرقة بترد عليه وقابلتنا هنا علامة عارضة أو حاجة مش موجودة في المقام اللي هو السي ناتوريل يعني احنا في المقام مقام الكرد إحنا عارفين إن دليله أو العلامات اللي فيه السي بيمول والمي بيمول هنا المؤلف الاستاذ عبدالوهاب لقى إن الجملة دي محتاجة تتعمل بعلامة السي ناتوريل عمل لا دو سي (يعزف الاستاذ ماجد التمرين) صول سي لا (يعزف الاستاذ ماجد التمرين) يعني هو بس في لا دو سي هو غير التحويلة ف طبعا رفعنا السي كاملة رجعناها سي ناتوريل زي اللي كانت معانا في السلم دو ماجير وروحنا نزلناها تاني في اللي بعديها لا دو سي ناتوريل صول سي لا هنا السي التانية دي بقيت سي بيمول وبعدين فيه تقنية تانية اتعلمناها إن احنا نعمل (يعزف الاستاذ ماجد التمرين) دي بتبقى سهلة شوية لكن اللي بيحدها الحرف اليمين بتقول السلم (يعزف الاستاذ ماجد التمرين) والشمال بتقول الحرف اللي احنا مقصود يعني لو الجملة بتقول لا سي دو ري مي ري دو دو ري لا سي دو ري مي ري دو دو ري (يعزف الاستاذ ماجد التمرين) ف دي تقنية بردو عملها الاستاذ عبده صالح في الأغنية ف أنا حبيت أعلمهالكو وأوريهالكو بتتعمل إزاي هي حتة الصوت الإيد الشمال واليمين بتقول سلم سلم سلم سلم (يعزف الاستاذ ماجد التمرين).

بعد كداهو دخل بقى صول كمانجة بتاع الاستاذ الحفناوي (يعزف الاستاذ ماجد التمرين) طبعا إحنا كده استعرضنا الموسيقى مقدمة انت عمري ومادخلناش لسه في الغناء لكن أنا عايز منكو إن احنا نسبق وإن احنا نبتدي نعزف الغنا زي ما اتعلمنا فبل كده بالتفصيل الممل طالما بنعزفها بالآلة وآدي المقطوعة اللي احنا عزفناها النهاردة. 

اتمني إن انتو تذاكروها كويس جدا لإن هي صعبة شوية ونلتقى خير إن شاء الله نشوفكو على خير."