ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
2.1 - استخدام اليد اليمنى و اليسرى

يبدأ الأستاذ سرور بشرح وضع اليد اليسرى في العزف على القانون , و من ثم ينتقل للعزف باستخدام كلتا اليدين و .ينوه على العزف بقوة باستخدام اليد اليمنى و اليد اليسرى.


ماجد سرور:


"أهلا بيكم في اعزف دوت كوم أنا ماجد سرور إن شاء الله هنبتدي النهاردة الدرس التاني في تعليم آلة القانون وماتنسوش هتتعلم يعني هتتعلم.


حنبتدي النهاردة بوضع إيدينا الشمال هو زي ما قولنا بالظبط في إيدينا اليمين بس حنشوفو بعنينا عشان نتأكد من نفس الموضوع هو نفس الحركة هي إيدينا ي ما إحنا قولنا بنعلمها كداهو وبنرجعها بطبيعتها ونتخيل إن في كورة تنس هنا وعلى فكرة التعليم ده موجود في معظم الآلات يعني آلة البيانو بردو نفس الموضوع بتبقى نفس الإيد المكورة واخدة شكل الكورة دي أو القوس يعني والحركة من هنا والصوباع بيطلع فق وينزل بمنتهى القوة عشان هو في البداية عايزين يطلع وينزل مش عشان يعزف لأ يطلع وينزل عشان يقطع الوتر عشان يفرتكه بمنتهى القوة ف هنشوف بقى نعمل إزاي (يعزف الاستاذ ماجد التمرين) إحنا بنتعلم القوة عشان لما يبقى صوباعك قوي تقدر إنت تعزف الحاجات القوية و الحنينة والضعيفة والكلام ده كله اللي بيملك القوة يملك الضعف هنبتدي ندخل إيدينا اليمين مع إيدينا الشمال إحنا كنا بنعزف في الشمال في وتر ري (يعزف الاستاذ ماجد التمرين) اللي هو خامس وتر يعني إحنا بنبتدي من صول لا سي دو ري (يعزف الاستاذ ماجد التمرين)وندور على الري اللي زيها اللي هي أعلى أوكتاف كلمة إوكتاف دي يعني معناها نهاية السلم لو إبتدينا السلم من الري هيبقى ري مي فا صول لا سي دو ري (يعزف الاستاذ ماجد التمرين).


إنتو عارفين طبعا السلم الموسيقى هما سبع نغمات وبيتعادو وبيتعادو كل ما بيتعادو كل ما بيبقى الصوت بيتجه إلى الرفع يعني بيبقى الصوت الرفيع يعني ف إحنا كنا في الغليظ أوي ري (يعزف الاستاذ ماجد التمرين) هنجيب الري اللي زيها في الأوكتاف زي ما اتفقنا اللي هو اللي أعلى في الدرجة في ري التانية ري (يعزف الاستاذ ماجد التمرين) نبتدي نحط إيدينا ونعمل نفس التدريب اللي كنا بنعمله بإيد واحدة هنعمله بإيدينا الاتنين (يعزف الاستاذ ماجد التمرين) وبعدين بنقول التمرين اللي إحنا اتعرفنا على الشكل الإيقاعي اللي إحنا قولنا إسمه تا فا تي في يعني أربع خبطات تا فا تي في هنقولهم أربع مرات (يعزف الاستاذ ماجد التمرين).


زي ما قولنا بمنتهى القوة لحد ما نلاقي الحرفين دابو في بعضيهم يعني أنا مش عارف أميز اللي تحت من اللي فوق الاتنين صوت واحد من قوة الخبطة ده إحنا لما بنوصل للموضوع ده بنبتدي نفكر في اللي بعده اللي بعده إن إحنا ننقل بقى إحنا كنا على درجة الري نقول مي ونقول فا واللي بعديها بردو بنفس الشكل الإيقاع أربع نغمات اللي هو التا فا تي في أربع إيقاعات أربع مرات هنقول ري بعديها المي وبعد كده الفا وبعد كده الصول نطلع لحد الري اللي فوق تعالو نسمع الكلام ده>"


فيديوهات دروس الدورة - تعلم القانون مع ماجد سرور
1 تعريف عام بآلة القانون Opened 07:11
2.1 استخدام اليد اليمنى و اليسرى Opened 04:23
2.2 تمرين العزف باليد اليمنى و اليسرى Opened 04:58
3.1 العزف بالقفزات Opened 05:59
3.2 تمرينات مهمة Opened 02:16
4.1 عزف السلم الموسيقي مع قفزات Opened 04:46
4.2 عزف السلم الموسيقي مع قفزات | متابعة Opened 04:09
5.1 تعريف عام بآلة القانون Opened 04:15
5.2 تمارين لعزف السلم الموسيقي | متابعة Opened 04:38
6.1 مكونات آلة القانون و العرب الموسيقية Opened 05:38
6.2 مكونات آلة القانون و العرب الموسيقية | متابعة Opened 03:28
7 عزف مقطوعة صوت الموسيقى Opened 05:31
8 مقام النهاوند Opened 06:28
9 الأصوات المتصلة Opened 05:40
10 عزف أغنية نسم علينا الهوا للسيدة فيروز Opened 04:13
11 تغيير العرب اثناء العزف Opened 06:56
12 مقام الرست Opened 05:45
13 تمرين على مقام الرست Opened 04:30
14 عزف أغنية يا مال الشام Opened 03:19
15 مقام البياتي Opened 06:23
16 عزف أغنية جانا الهوا Opened 05:27
17 مقام الكرد و عزف اهو ده اللي صار Opened 04:46
18 عزف أهو ده اللي صار Opened 04:38
19 عزف صولو أغنية انت عمري لكوكب الشرق Opened 05:02
20 عزف أغنية انت عمري لكوكب الشرق أم كلثوم Opened 05:57