ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
4.1 - عزف السلم الموسيقي مع قفزات

في هذا الدرس يشرح الاستاذ ماجد سرور معنى كلمة أوكتاف و شرح معنى السلم الموسيقي و كيفية عزفه مع القفزات على آلة القانون.


ماجد سرور:


"أهلا وسهلا بيكم في اعزف دوت كوم إن شاء الله إحنا الدرس الرابع أنا ماجد سرور معاكم وماتنسوش هنعزف يعني هنعزف.


إحنا يعني في الدروس السابقة كنا اتكلمنا على الري والدو والمي وكده لكن يعني عايزين نقولكو إن بداية أوتار القانون أول وتر في القانون اسمه صول وآخر وتر في القانون اسمه ري احنا أولا لازم نزاكر كويس جدا السلم الموسيقي وترتيبه يعني احنا لو السلم أوله دو يبقى بعديه ري بعديه مي بعديه فا بعديه صول لا سي وعند دو بيتعاد تاني وهكذا دو ري مي بيتعاد تاني للأرفع للصوت الرفيع إحنا لازم جوانا نحفظ إن مثلا إن الدو بعديها ري إن الري بعديها مي إن المي بعديها فا إن الفا بعديها صول إن الصول بعديها لا هكذا ف إحنا يعني من هذا المنطلق أول حرف في القانون اسمه صول ف طبعا تاني حرف اسمه لا تالت حرف اسمه سي الرابع دو ري مي فا وصول يعني بيتعاد تاني من الصول دي للصول دي حاجة احنا إحنا بنسميها في الموسيقى أوكتاف أوكتاف ده اللي هو سبع درجات والتامنة بتاعتهم يعني التامنة بتاعتهم هي بتبقى إعادة للدرجة الأولانية ف لو ابتديناها بالصول هيبقى نهاية الأوكتاف صول لو ابتديناها من اللا يبقى نهاية الأوكتاف لا اللي فوقيها ف لما آجي أقولك حط إيدك ع الري ف انت لو مش عارف عد بقى صول لا سي دو ري آدي الري أهي(يعزف الاستاذ ماجد التمرين).


 إحنا أهو جبنا الري كويس لو عايزين الري اللي بعدها يبقى ري مي فا صول لا سي دو ري (يعزف الاستاذ ماجد التمرين) كويس يعني هيبقى ده يعني خلاص إحنا عرفنا مكان الري فين في القانون دلوقتي إحنا عايزين نتعلم إزاي نلعب السلم الموسيقى ومعاه قفزات (يعزف الاستاذ ماجد التمرين) وهكذا السلم بيتكرر لحد ما نوصل للري ونبتدي نرجع إحنا هنا بنتعلم إزاي نقول السلم والقفزات بتاعته وهنبتدي نقول مثلا عكس التمرين ده إزاي (يعزف الاستاذ ماجد التمرين) وهكذا بنكمل لحد ما بنوصل لآخر ري في القانون ده طبعا التمارين دي يعني كل شوية إحنا بنتعلم الأشكال في العزف أشكال السلم والسلم السريع والقفزات والأوكتافات يعني كل ده بنتعلمه عشان نبتدي بقى نحضر نفسنا نكون عازفين أي حاجة هتقابلنا هنقدر نعزفها إحنا بنتمرن على كل شكل هيقابلنا يبقى احنا جاهزينله يعني"


فيديوهات دروس الدورة - تعلم القانون مع ماجد سرور
1 تعريف عام بآلة القانون Opened 07:11
2.1 استخدام اليد اليمنى و اليسرى Opened 04:23
2.2 تمرين العزف باليد اليمنى و اليسرى Opened 04:58
3.1 العزف بالقفزات Opened 05:59
3.2 تمرينات مهمة Opened 02:16
4.1 عزف السلم الموسيقي مع قفزات Opened 04:46
4.2 عزف السلم الموسيقي مع قفزات | متابعة Opened 04:09
5.1 تعريف عام بآلة القانون Opened 04:15
5.2 تمارين لعزف السلم الموسيقي | متابعة Opened 04:38
6.1 مكونات آلة القانون و العرب الموسيقية Opened 05:38
6.2 مكونات آلة القانون و العرب الموسيقية | متابعة Opened 03:28
7 عزف مقطوعة صوت الموسيقى Opened 05:31
8 مقام النهاوند Opened 06:28
9 الأصوات المتصلة Opened 05:40
10 عزف أغنية نسم علينا الهوا للسيدة فيروز Opened 04:13
11 تغيير العرب اثناء العزف Opened 06:56
12 مقام الرست Opened 05:45
13 تمرين على مقام الرست Opened 04:30
14 عزف أغنية يا مال الشام Opened 03:19
15 مقام البياتي Opened 06:23
16 عزف أغنية جانا الهوا Opened 05:27
17 مقام الكرد و عزف اهو ده اللي صار Opened 04:46
18 عزف أهو ده اللي صار Opened 04:38
19 عزف صولو أغنية انت عمري لكوكب الشرق Opened 05:02
20 عزف أغنية انت عمري لكوكب الشرق أم كلثوم Opened 05:57