يبدأ الأستاذ سرور بالعزف بالقفزات اي العزف على الاوتار بدون ترتيب باستخدام اليد اليمنى و اليسرى معًا و مع تطبيق نفس التمرين السابق تا فا تي في.

ماجد سرور:

"أهلا وسهلا بيكم في إعزف دوت كوم.

النهاردة هنلتقي في الدرس التالت أنا ماجد سرور وماتنسوش إن إحنا هنتعلم يعني هنتعلم هنعزف يعني هنعزف هنستعرض في الدرس التالت إحنا خلاص حاطينا إيدينا الإتنين هنعمل أشكال بالقفزات يعني زي ما إحنا قولنا كده التا فا تي في اللي هي أربع خبطات وبنعملها أربع مرات دي عشان إيدينا تثبت كتير بالشكل اللي إحنا عايزينه وهنعملها بالقفزات كده (يعزف الاستاذ ماجد التمرين).

هنشرح التمرين ده إحنا ابتدينا من درجة الري بعديها المي وبعدين رجعنا للري وعملنا قفزة للفا دي اسمها قفزة التالتة يعني واحد اتنين تلاتة وبعد كده رجعنا للري بعد كده رجعنا روحنا قفزنا قفزة رابعة للصول ري مي فا صول وبعدين رجعنا للري ف بقى فيه قفزة هابطة للري ورجعنا روحنا عملنا قفزة خامسة للا ري مي فا صول لا قفزة صاعدة وهكذا واللا رجعنا عملنا قفزة هابطة للري وبعد كده الري بعديها السي وبعد كده رجعنا للري وبعديها الدو و بعد كده رجعنا للري وبعد كده الري اللي فوق ف هو ده التمرين ده بيخلينا بنعزف أكبر حروف بالشكل اللي احنا اتعلمناه وبنتعلم معاه كمان من خلاله القفزات إن إحنا القفزات إن أنا أقفز من درجة يعني أنا دلوقتي عملت من الري للمي دي إحنا نقلة لكن الري للفا دي قفزة عديت درجة وروحت عملت اللي بعديها وطبعا أهم حاجة في التمرين ده إن إزاي اظبط إيديا الاتنين في أول حرف باقفز فيه سواء القفزة كانت تالتة أو رابعة أو خامسة يعني بعمل (يعزف الاستاذ ماجد التمرين) كذلك (يعزف الاستاذ ماجد التمرين) أول حرف باقفز ليه لو سليم يبقى كده القفزة ناجحة لكن لو طلعت باليمين صول والشمال قالت فا مثلا أو قالت لا لأ يبقى كده القفزة مش مظبوطة أركز أكتر كويس وأنا ماقفش أفضل مكمل لحد يعني أتعلم إن أنا اركز أكتر هيبقى بعد كداهو عندي من الري للصول آدي قفزة رابعة صاعدة هقفزها هابطة من الصول للري لازم أركز أكتر يعني كده مثلا أنا دلوقتي هعملها قفزة هابطة (يعزف الاستاذ ماجد التمرين) أول حرف في القفزة طالما جم اليمين والشمال مع بعضيهم يبقى أنا كده نجحت وعملت القفزة مظبوط أبص للقفزة اللي بعديها اللي الخامسة (يعزف الاستاذ ماجد التمرين) أول حرف مظبوط الإيدين مع بعضيهم يبقى أنا كده نجحت وهكذا ف نعمل التمرين ده يعني متواصل على الأوكتافين يعني زي ما إحنا إحنا دلوقتي عملنا من الري دي للري اللي بعديها وده اسمه أوكتاف ف من الري دي (يعزف الاستاذ ماجد التمرين) للري اللي بعديها (يعزف الاستاذ ماجد التمرين) ده الأوكتاف اللي بعده كويس ف إحنا بنعملها على أوكتافين يعني إحنا لما وصلنا من الري دي للأوكتاف الأولاني (يعزف الاستاذ ماجد التمرين) بنعيده هو هو بس على الأوكتاف الأعلى اللي فيه الصوت الرفيع الأعلى صوتا ف بنعمل نفس التمرين بس أنا دلوقتي عملتهولكو على إيقاع التا فا تي في الواحد لكن إحنا ماشين من الأول على أربعة تا فا تي في تا فا تي في تا فا تي في تا فا تي في وبنقلب."