يتابع الأستاذ سرور و يركز على العزف بكلتا اليدين سوية و يعزف السلم كامل صعوداً و هبوطاً و يعزف كل وتر اربع مرات تا فا تي في.

ماجد سرور:

"تعالو نسمع الكلام ده (يعزف الاستاذ ماجد التمرين).

وهكذا بنستمر في الصعود عايزكو تبقو شايفين كويس حركة الإيد وهي بتتنقل (يعزف الاستاذ ماجد التمرين) إيدينا ي ما ثابتة والحركة وهي بتتنقل ماغيرتش شكل إيدينا والصوباع بيترفع وبينزل بمنتهى القوة والصوباع التحتاني بردو واخد شكل القوس ماتفتحش لإن دي بردو حاجات من الخطيرة جدا إن أنا أنسى واعزف كده ده لما بيتفتح بيعملنا إعاقة في العزف بعد كده ألاقي نفسي مش عارف أقول الحاجات السريعة عايزين نعمل نفس الموضوع بس يعني بسلم هابط يعني إحنا كنا الأول بنطلع تصاعدي من الري مي فا صول لا وهكذا دلوقتي هنبتدي ننزلهم هنبتدي من اللا (يعزف الاستاذ ماجد التمرين) عايزكو تاخدو بالكو تاني من شكل الإيد وهي بتنقل (يعزف الاستاذ ماجد التمرين) لما أنا لما باعزف الري بيبقى صوباعي ده مريح على الوتر اللي قبليه اللي هو الدو يعني الري قبليها دو كده يعني آدي الري هعزف الري دلوقتي (يعزف الاستاذ ماجد التمرين) يبقى ده لامس حرف الدو (يعزف الاستاذ ماجد التمرين). هنعد نزاكر بالشكل ده لحد ما نتقابل في الحلقة الجاية إن شاء الله في الدرس التالت>"