.يعزف الأستاذ ماجد أغنية جانا الهوى للعندليب عبد الحليم حافظ و هي على مقام البياتي.

ماجد سرور:

"أهلا وسهلا بيكم في اعزف دوت كوم أنا ماجد سرور وإن شاء الله احنا وصلنا أهو للدرس الستاشر ف يعني ماتنسوش شعارنا هنعزف يعني هنعزف.

النهاردة اختارتلكو من مقام البياتي أغنية جميلة للعندليب أغنية جانا الهوا من مقام البياتي ف هعزفلكو المقام وبعد كداهو هعزف الأغنية عشان نتعلمها ده موضوع درسنا النهاردة إن شاء الله (يعزف الاستاذ ماجد التمرين).

أنا اختارتلكم اللحن ده أنا عارف إن هو لحن محبوب ومعروف وبردو من خلاله نتعلم تقنية الغناء على الآلة يعني مش بردو هنعزف بس ده احنا هنعزف ونغني على الآلة ف إحنا ابتدينا باللازمة الموسيقية اللي هي قبل الغناء بالظبط (يعزف الاستاذ ماجد التمرين).

ده تمهيد للغناء يبتدي الغناء من أول كلمة جانا الهوا جانا الهوى أو جانا الهوى جانا (يعزف الاستاذ ماجد التمرين) وبالبطيء بردو عشان تاخدو بالكو (يعزف الاستاذ ماجد التمرين) ملاحظين إن أنا بحاول أوضح تفاصيل الغنا بالحرف عشان لما بنعيد تاني لما باعزف بالآلة الآلة دي مابتقولش كلام ف ابقى كده لما باقول بالحرف الغناء بالتفصيل الممل يعني بيقولك بقى إيه المستمع بيحس إن كده الكلام ظهر يعني أو نطق يعني (يعزف الاستاذ ماجد التمرين) ورمشه بالأسمراني شبكنا بالهوا (يقرأ الاستاذ ماجد النوتة) هنا المي مش المي بتاعت البياتي هنا المي هنا بتاعت مقام الكرد اللي هو المي بيمول يعني اللي فوق بس هو الملحن لحنها كده ف (يقرأ الاستاذ ماجد النوتة) المي دي هنا مختلفة عن المي اللي تحت المي هنا مي بيمول ف وبعدين بننزل تاني (يعزف الاستاذ ماجد التمرين).

بنزل تاني لمقام البياتي لكن هو الجملة دي بالذات الملحن شافها إن كده هتبقى أحسن ف هنا التحويلة اللي في المقام المي اللي في الأوكتاف الأعلى هتبقى مي بيمول (يعزف الاستاذ ماجد التمرين) بتلاحظو إن أنا عند حتة الأسمراني (يقرأ الاستاذ ماجد النوتة) باعزفها بإيد واحدة لإن العربة اللي تحت هنا المي سيكا والعربة الي فوق هتبقى مي بيمول ماقدرش اعزفهم الاتنين مع بعضيهم كويس هو ممكن طبعا أحول عربة بس أنا باعملكو الفرق ده عشان تبقو عارفين اللي فوق غير اللي تحت زي ما الملحن ملحنها (يعزف الاستاذ ماجد التمرين).

وبردو هنا باقي الأغنية أنا سايبها لاجتهادكو ونشوف مين اللي استفاد من الدروس القادمة اللي فاتت قصدي وعرف يطلع الجزء الباقي لوحده تابعونا ونلتقي على خير إن شاء الله."