يعزف الاستاذ ماجد مقطوعة مشهورة عالميًا على القانون حيث يوضح طريقة عزفها و تطبيقها.

ماجد سرور:

"أهلا وسهلا بيكم في اعزف دوت كوم إحنا النهاردة في الدرس السابع أنا ماجد سرور معاكم وماتنسوش إن احنا هنعزف يعني هنعزف.

النهاردة هعملكو مقطوعة المقطوعة دي عالمية من حاجة كانت بتتعمل في الكرتون واحنا صغيرين كان اسمها ساوند أوف ميوزيك أو صوت الموسيقى وبردو الفنانة صفاء أبو السعود عملت منها شكل كده ف هو في ودنلا الأطفال عموما في العالم اعتقد يعني هنتعلم نعزفها واسمحولي أعزفهلكم دلوقتي (يعزف الاستاذ ماجد التمرين).

ده لحن جميل وبنعزفه بإدينا الاتنين اليمين و الشمال كله ع الأوكتاف عشان خاطر نبتدي بقى نعزف ونشوف المقطوعات اللي في ودننا السهلة طبعا بعد كده هنتعلم حاجات و هنتعلم حاجات بالنوتة لكن احنا دلوقتي بنبتدي بالألحان السهلة اللي في ودننا الجميلة عشان نبتدي بقى نخش في موضوع العزف التمارين اللي ذكرناها هي اللي بتسهلنا نعزف مقطوعة زي كده يعني هنا قولنا يعني السلم الموسيقى الدرجات المتتابعة (يقرأ الاستاذ ماجد النوتة) وفي قفزة من الدو (يقرأ الاستاذ ماجد النوتة) آدي هنا قفزة بعدين (يقرأ الاستاذ ماجد النوتة) ده بردو السلم التتابع طبيعي بعدين (يقرأ الاستاذ ماجد النوتة) آدي هنا فيه قفزة (يقرأ الاستاذ ماجد النوتة) وبعدين (يقرأ الاستاذ ماجد النوتة) يعني هنا عملنا قفزة من الصول للدو قفزة خامسة هابطة (يقرأ الاستاذ ماجد النوتة) آدي من اللا نزلنا للري في قفزة خامسة كل ده احنا درسناه قبل كده واتمرنا عليه إن احنا نعمل قفزات الرابعة والخامسة والساتة في التمرينات ف عشان كده هتلاقينا بعد ما ذاكرنا تمرينات كويس جدا هنقدر نعزف المزيكا دي الموسيقى دي بمنتهى السهولة فيه شكل تاني للمقطوعة (يعزف الاستاذ ماجد التمرين). هنا طعمنا ببعض الحروف عملنا فيها تالتة المقام مع بعضيها يعني عملنا النغمة ومعاها التالتة بتاعتها ف كان عندنا (يقرأ الاستاذ ماجد النوتة) هنا مي فا فا دي عملناها معاها دو ري ري يعني زي كده الظبط (يعزف الاستاذ ماجد التمرين) هنا عملنا الصوت الأصلي ومعاه النغمة التالتة الهابطة بتاعتها (يقرأ الاستاذ ماجد النوتة) عملنا يعني (يقرأ الاستاذ ماجد النوتة) اللي هي النغمة التالتة بتاعتها ماشية مع بعضيها ف اديتلنا طعم جميل بذوق حلو طبعا إحنا هندرس ده في الدروس اللي جاية إن شاء الله طعم الهارموني في العزف إن احنا نعمل في مرة تالتة ونعمل في مرة رابعة ونعمل في مرة خامسة حسب ما بنحسها بودننا وبإحساسنا الجميل النغمة دي محتاجة إن أنا احط معاها تالتة احط معاها خامسة احط معاها كورد كامل ده لسه حندرسه قدام بس أنا حبيت أسمعهالكو يعني بشكل مبسط عشان نعزفه ويعجبنا."