ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
12 - مقام الرست

نتعرف في هذا الدرس على مقام الرست أو ما يسمى بسيد المقامات , حيث نتعلم أبعاد هذا المقام المهم في الموسيقى الشرقية و من ثم يقوم الأستاذ بشرح و عزف دولاب الرست.


ماجد سرور:


"أهلا وسهلا بيكم في اعزف دوت كوم معاكم ماجد سرور وإحنا وصلنا للدرس الإتناشر.


إن شاء الله النهاردة هنتعرف على مقام الراست مقام الراست هو المقام الأساسي في الموسيقى العربية وهو كما يقال باللغة الفارسية إن هو سيد المقامات راست اللي هو السيد ف هنتعرف ع المقام ونحاول نعزف منه مقطوعة معروفة في الودن يعني هعزفلكو دلوقتي مقام الراست (يعزف الاستاذ ماجد التمرين).


هو مقام الراست سلم من الدو للدو يعني بيفرق عن الأساسي دو ماجير في حرفين بس هما اللي بيختلفو المي والسي تالتة السلم اللي هو دو ري مي المي دي يعني مخفوضة ربع تون يعني إحنا اتفقنا قبل كده إن الخفض بيبقى بعلامة اسمها علامة البيمول ف احنا هنا بنحط على المي علامة نص بيمول عشان ننزلها الربع تون لكن هي كان أصلها في الموسيقى الغربية دو ري مي ف لكن هنا في الراست دو ري مي اللي هي مخفوضة ربع تون وكذلك حرف السي هيبقى دو ري مي فا صول لا سي هي دي السي المخفوضة ربع تون زيها زي المي بالظبط إحنا اتفقنا في الدو ماجير بيبقى المي والسي مرفوعين كلهم العربة مرفوعة لحد الآخر ف هنا بقى هننزل عربة واحدة بس في المي والسي هيبقى فيه عربة واحدة بس هي اللي نزلت عشان احنا كده إحنا قولنا اتفقنا إن إحنا لما بننزل عربة يبقى إحنا بنخفض ولما بنرفع عربة يبقى إحنا بنزوده ف احنا هنا هنخفض عربة واحدة بس بقيمة ربع تون اللي احنا قولنا عليها هيبقى المي نازلة عربة واحدة والسي عربة واحدة هو ده ظبط عرب مقام راست على آلة القانون (يعزف الاستاذ ماجد التمرين).


دي جملة كده عشان المقام زي ما بيقولو بالشرقي المقام يحضر يبقى سامعين ومتسلطنين بمقام الراست دلوقتي هنعزف دولاب راست قالب اسمه دولاب هي موسيقى صغيرة خالص جملة صغيرة عشان نتعلمها ونبتدي بيها العزف من مقام الراست (يعزف الاستاذ ماجد التمرين).


طبعا اللحن ده مشهور ومحبوب ومعروف يعني ده اللي احنا هنتعلمه النهاردة ده مقام الراست بالمي والسي نص بيمول أولنا نقول دو دو صول صول يعني دو وهننزل رابعة ف هيبقى فيه قفزة رابعة هابطة دو دو صول صول هنسيب السي واللا ونقول ونقفز وبعدين نقفز قفزة تانية تالتة مي فا مي ري دو (يعزف الاستاذ ماجد التمرين) وطبعا حنشوف الأصات الطويلة زي ما اتفقنا واتعلمنا إزاي نقول الفرداش وخدنا التمارين (يعزف الاستاذ ماجد التمرين) الأصوات الطويلة نقولها فرداش (يعزف الاستاذ ماجد التمرين).


ده إحنا نهاية المقطوعة كده ننهي الدرس النهاردة تابعونا ونلقاكم على خير إن شاء الله."


فيديوهات دروس الدورة - تعلم القانون مع ماجد سرور
1 تعريف عام بآلة القانون Opened 07:11
2.1 استخدام اليد اليمنى و اليسرى Opened 04:23
2.2 تمرين العزف باليد اليمنى و اليسرى Opened 04:58
3.1 العزف بالقفزات Opened 05:59
3.2 تمرينات مهمة Opened 02:16
4.1 عزف السلم الموسيقي مع قفزات Opened 04:46
4.2 عزف السلم الموسيقي مع قفزات | متابعة Opened 04:09
5.1 تعريف عام بآلة القانون Opened 04:15
5.2 تمارين لعزف السلم الموسيقي | متابعة Opened 04:38
6.1 مكونات آلة القانون و العرب الموسيقية Opened 05:38
6.2 مكونات آلة القانون و العرب الموسيقية | متابعة Opened 03:28
7 عزف مقطوعة صوت الموسيقى Opened 05:31
8 مقام النهاوند Opened 06:28
9 الأصوات المتصلة Opened 05:40
10 عزف أغنية نسم علينا الهوا للسيدة فيروز Opened 04:13
11 تغيير العرب اثناء العزف Opened 06:56
12 مقام الرست Opened 05:45
13 تمرين على مقام الرست Opened 04:30
14 عزف أغنية يا مال الشام Opened 03:19
15 مقام البياتي Opened 06:23
16 عزف أغنية جانا الهوا Opened 05:27
17 مقام الكرد و عزف اهو ده اللي صار Opened 04:46
18 عزف أهو ده اللي صار Opened 04:38
19 عزف صولو أغنية انت عمري لكوكب الشرق Opened 05:02
20 عزف أغنية انت عمري لكوكب الشرق أم كلثوم Opened 05:57