ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
8 - مقام النهاوند

في هذا الدرس نتعلم مع الأستاذ ماجد عزف مقام النهاوند من درجة الدو , حيث نتعلم أبعاد هذا المقام من خلال تعلم المقطوعة العالمية مونامور.


ماجد سرور:


"أهلا وسهلا بيكو في اعزف دوت كوم معاكم ماجد سرور.

إحنا النهاردة الدرس التامن والنهاردة هنعزف من مقام المانير أو النهاوند المانير في النطق العالمي هو ما يعادله في النطق العربي الشرقي نهاوند هو هو نفس المقام بالظبط هسمعهلكو على القانون (يعزف الاستاذ ماجد التمرين) هو طبعا إننتو سامعينه وهو مختلف عن الدو ماجير اللي هو كله صوابع بيضا زي ع البيانو صوابع بيضا العرب هنا هيبقى فيه اختلاف عن الدو ماجير في التالتة والساتة والسابعة التالتة اللي هي المي يعني الدو والري مي في الماجير احنا قولنا اللي هي المي السليمة خالص زي في البيانو الصوابع البيضا لأ هنا بقى هيبقى الدو والري صوابع بيضا زي البيانو والمي الصوباع الأسود اللي هي المي مخفوضة نص تون احنا مخفوضة دي بنسميها علامة البيمول الخفض علامة اسمها بيمول والزيادة عايزين نزود حرف بنقول نعمله علامة الدييز تزوده ف هنا هتبقى المي اسمها المي بيمول يعني المي مخفوضة نص تون هيبقى زي ما احنا سامعين كداهو (يعزف الاستاذ ماجد التمرين) دو ري مي كانت في الدو ماجير دو ري مي دي اللي كانت المي الطبيعية لما خليناها مخفوضة مي بيمول دو ري مي وبعدين بقية السلم (يعزف الاستاذ ماجد التمرين) عندنا كمان درجتين مخفوضين اللا والسي سادس نغمة وسابع نغمة ف احنا عندنا هيبقى (يقرأ الاستاذ طارق النوتة) بقيت مخفوضة أهي الأول كانت لا الأول كانت في الماجير بقيت لا مخفوضة لا بيمول مخفوضة مسافة نص تون و لا سي بردو السي مخفوضة بردو ف هتبقى لا سي دو (يعزف الاستاذ ماجد التمرين) ويبقى في العرب بالنسبة للقانون هيبقى المي العرب كلها نازلة واللا العرب كلهات نازلة ع الآخر والسي كذلك ف عشان يبقى احنا بقيت المي بيمول واللا بيمول والسي بيمول بنلاحظ اختلاف الطابع ما بين المقام الدو ماجير اللي احنا اتكلمنا عليه مسبقا ومقام الدو مانير اللي هو النهاوند الدو ماجير بيبان كده إنه فرحان شوية يعني لما نيجي فيه ملحن عايز يغني أغنية كلامها فرحان أو في مناسبة سعيدة أو كده بيختار الدو ماجير كأول اقتراحات يلحن منها الأغنية اللي عايز يغنيها الفرحانة دي لمن لو عنده أغنية فيها دراما شوية أو شجن شوية بيبتدي يروح بقى إيه للمانير اللي احنا بنتكلم عليه النهاردة وطبعا لسه في المقامات الشرقية في حاجات أحزن من كده يعني مش ده أكتر حاجة حزينة ده بس بيعملنا شوية شجن كده جميل ف ده الفرق الملاحظ اللي أنا باشرحهلكو ما بين الدو ماجير والدو مانير اعزفلكو بقى المقطوعة اللي اتفقنا عليها مونامور (يعزف الاستاذ ماجد التمرين) طبعا التمارين اللي احنا اتمرناها وكل مرة بافكركو بالتمارين اللي احنا خدناها بنذاكرها علطول هي مش مرحلة وتنتهي هي مستمرة معانا علطول هي بتصلح لياقتنا وبتخلينا نعزف كل حاجة هتخلينا نعزف النغمات في الموسيقى دي نقول القفزات بتاعتها وهتخلينا قادرين نقولها ولسه بعد كده لسه هندرس في التمارين القادمة إن شاء الله إزاي نعمل الأصوات المتصلة اللي هي بيسموها الفرداش إزاي هنتعلمها الدروس القادمة إن شاء الله ونلقاكم على خير إن شاء الله."


فيديوهات دروس الدورة - تعلم القانون مع ماجد سرور
1 تعريف عام بآلة القانون Opened 07:11
2.1 استخدام اليد اليمنى و اليسرى Opened 04:23
2.2 تمرين العزف باليد اليمنى و اليسرى Opened 04:58
3.1 العزف بالقفزات Opened 05:59
3.2 تمرينات مهمة Opened 02:16
4.1 عزف السلم الموسيقي مع قفزات Opened 04:46
4.2 عزف السلم الموسيقي مع قفزات | متابعة Opened 04:09
5.1 تعريف عام بآلة القانون Opened 04:15
5.2 تمارين لعزف السلم الموسيقي | متابعة Opened 04:38
6.1 مكونات آلة القانون و العرب الموسيقية Opened 05:38
6.2 مكونات آلة القانون و العرب الموسيقية | متابعة Opened 03:28
7 عزف مقطوعة صوت الموسيقى Opened 05:31
8 مقام النهاوند Opened 06:28
9 الأصوات المتصلة Opened 05:40
10 عزف أغنية نسم علينا الهوا للسيدة فيروز Opened 04:13
11 تغيير العرب اثناء العزف Opened 06:56
12 مقام الرست Opened 05:45
13 تمرين على مقام الرست Opened 04:30
14 عزف أغنية يا مال الشام Opened 03:19
15 مقام البياتي Opened 06:23
16 عزف أغنية جانا الهوا Opened 05:27
17 مقام الكرد و عزف اهو ده اللي صار Opened 04:46
18 عزف أهو ده اللي صار Opened 04:38
19 عزف صولو أغنية انت عمري لكوكب الشرق Opened 05:02
20 عزف أغنية انت عمري لكوكب الشرق أم كلثوم Opened 05:57