في هذا الدرس يتناول ناصر تقنية عالية تستلزم التمرين المستمر، وهو إدخال إيقاع على الرش. ينصح ناصر الطالب/الطالبة أن لا يتقدم للدرس التالي إلا بعد إتقان تدريبات هذا الدرس و الأخذ بالنصائح الواردة فيه
ناصر سلامة:
مرحبا أنا ناصر سلامة من معكم في إعزف دوت كوم واليوم إحنا عم نحكي عن الحصة رقم أربعة وعشرين لآلة الطبلة.
اليوم هي حصة تتعلق بتقنية كتير عالية بدها تركيز بدها قوة في الأعصاب، بدها تدريب وبدها تمرين. التمرين هدا لازم يتم بشكل مستمر ومتواصل فقط على هدا التمرين لفترة لا تقل عن أسبوعين لأربع أسابيع لمدة تلت ساعة باليوم.
التمرين إحنا تمرنا على الرش وقلنا أنه الرش بنبلشه بالطرقة التالية (يعزف الأستاذ ناصر التمرين على الطبلة) اليوم بدنا ندخل بالرش إيقاع اطلعوا (يعزف الأستاذ ناصر التمرين على الطبلة) كيف ببلش أبدا بالإيقاع ببدأ بالإيقاع (يعزف الأستاذ ناصر التمرين على الطبلة)
أوكي هلأ في ناس رح يلاقوا صعوبة في ناس رح يلاقوا أنه بصير في خربطة ركز على الإيقاع ركز على الإيقاع رُش (يعزف الأستاذ ناصر التمرين على الطبلة) التمرين ببلش (يعزف الأستاذ ناصر التمرين على الطبلة مع العد) هدا التمرين زي ما حكينا تمرين كتير مهم تمرين لازم.
