في الدرس العاشر نتعلم تقنية محبوبة في آلة الطبلة و هي تقنية الكتم بمختلف أنواعها و كيفية استخدامها أثناء العزف.
ناصر سلامة:
"مرحبا أنا ناصر سلامة من إعزف دوت كوم واليوم رح أقدم لكم الدرس رقم عشرة. زي ما وعدتكم الحصة الماضية أنه أنا رح أعلمكم تكنيك بستخدموه بعض العازفين في الميوت.
إحنا تعلمنا أنه الميوت هو كتم صوت التك بالإيد اليمين (يعزف الأستاذ ناصر التمرين على الطبلة) أو بالإيد الشمال. طب إيش بصير إذا حطينا رجلنا على الطبلة قديش هي المساحة اللي بتصير مسموحة إلنا وقديش الصوت بصير حاد.
بستخدموه العازفين (يعزف الأستاذ ناصر التمرين على الطبلة) هذا التمرين بتقدروا تستخدموه مش صعب بس بحرك الطبلة ورجلي الحركة جاي من الرجل ومن الطبلة بهدا الاتجاه بصير (يعزف الأستاذ ناصر التمرين على الطبلة) زي ما بحرك إيدي هون (يعزف الأستاذ ناصر التمرين على الطبلة) اوكي.
هذا التمرين بفيدكم في (يعزف الأستاذ ناصر التمرين على الطبلة) بتنوع بالأصوات وبتنوع بأشكال الأصوات اللي بتطلع من آلة الطبلة. تعوا نحكي عن كمان إيقاع موجود كتير في حياتنا بنعزفه كلنا تقريبا بغض النظر أو بنعرفه كلنا بغض النظر إحنا موسيقيين أو إحنا مش موسيقيين هدا الإيقاع اسمه إيقاع اللّف أو الملفوف في بلاد الشام.
هدا الإيقاع عدُّه اتنين دُم تك تك دُم تك تك واحد اتنين (يعزف الأستاذ ناصر التمرين على الطبلة ويقرؤه قراءة إيقاعية) تعوا نضيف أصوات (يعزف الأستاذ ناصر التمرين على الطبلة) أوكي فاللف (يعزف الأستاذ ناصر التمرين على الطبلة) أسرع (يُكمل الأستاذ ناصر العزف على الطبلة).
منشوفكم بالحلقة الجاي من إعزف دوت كوم."
