كيفية الإنتقال بين المقامات في الغناء بين العجم و النهاوند بدون وجود آلة موسيقية مساعدة من نفس نقطة الركوز , كيفية الإنتقال بين المقامات في الغناء بين العجم و الرست بدون وجود آلة موسيقية مساعدة من نفس نقطة الركوز تطبيق تمرينات اللإنتقال و الصعود المستمر في الطبقة أو السلم الموسيقي , تعلم الإنتقال بين العجم و النهاوند و الرست , تعلم الشيفرة المقامية , الرقم 3 في شيفرة المقامات الشرقية.

ريبال خضري:

"مرحبا، أنا ريبال من إعزف دوت كوم.

اليوم بعد ىما انتهينا من المقامات التلاته اللي حكينا عنها اللي هنّ العجم، النهاوند، الرست، راح ننتقل لفكره جديده و لموضوع جديد، الموضوع الجديد منه بعيد كتير عن المواضيع ياللي أخدناها.

حنحكي عن كيف أنا لما بدي أكون بالنهاوند للعجم للرست، كيف بدي أنتقل بين هاي المقامات إذا كانت على نفس البوزيشن عم بتبلش، إذا كنا عم بنقول إن من الدو بدي أعمل رست بدي أعمل نهاوند بدي أعمل عجم، طيب أنا كأذن مش كآله يعني بدون آله تساعدني، كيف ممكن إني أنتقل من هاي المقامات، حعمل تمرين كتير صغير حقول، أول شي حعمل تمرين صغير اللي هو بين النهاوند و العجم فقط، حقول (يقرأ الأستاذ ريبال التمرين قراءة ايقاعية)، هاي نهاوند هلأ راح أنقلها للعجم (يقرأ الأستاذ ريبال التمرين قراءة ايقاعية).

كل ياللي عملته إني أنا خليت المي بدل ما تكون فلات أو بي مول خليتها بيكار بالعجم، هاي بالنسبه لفرق جنس النهاوند عن العجم، فإذاً نحنا عنا جنس النهاوند من الدو، حيكون عندي دو راي مي بي مول فا، أما جنس العجم من الدو فحيكون دو راي مي فا، ما في عنا أي مي بي مول، فإذاً المشكل الوحيد أو الإختلاف بيكون بالمي، فلهالشي أنا فيني أعمل تمرين يقوي إدني أنا كيف بدي أنتقل من مقام من جنس لجنس بشكل كتير بسيط بين هدول المقامين، حقول (يقرأ الأستاذ ريبال التمرين قراءة ايقاعية)، كانت (يقرأ الأستاذ ريبال التمرين قراءة ايقاعية)، بعدين (يقرأ الأستاذ ريبال التمرين قراءة ايقاعية)، نفس العمليه راح إطلع فيها بالنوتات وحده وحده، حقول (يقرأ الأستاذ ريبال التمرين قراءة ايقاعية)، حاخد كمان (يقرأ الأستاذ ريبال التمرين قراءة ايقاعية)، حاخد أعلى كمان (يقرأ الأستاذ ريبال التمرين قراءة ايقاعية).

أنا عم برفع الدو تبعي لحتى إقدر أتعود عليها (يقرأ الأستاذ ريبال التمرين قراءة ايقاعية)، حاخد أعلى كمان (يقرأ الأستاذ ريبال التمرين قراءة ايقاعية)، حاخد أعلى (يقرأ الأستاذ ريبال التمرين قراءة ايقاعية)، حنط كمان أعلى (يقرأ الأستاذ ريبال التمرين قراءة ايقاعية)، بهاي الطريقه أنا راح أتعود إني كيف أنقل هدول المقامات أو يضلوا موجودين بذاكرتي على الأقل بدايتهم، المقام دائماً إذا قدرت أتذكر بدايته لا سيما المقامات الأساسيّه حيكون سهل علي إني أنا أنتقل للمقامات ياللي بعدها، طيب شو اللي بيفرق عندي بقا عن الرست، أما بالنسبه للرست فأنا عندي كمان المشكل بالمي، بس أنا كان عندي بين الدو و الراي بعد بكل هدول المقامات، هلأ بين بالعجم كان عندي بين الراي و المي بعد، بالنهاوند كان بين الراي و المي نصف بعد، بالرست بيكون عندي النص بيناتهن بالضبط اللي هو تلات أرباع البعد، يعني بدل ما كان بالعجم (يقرأ الأستاذ ريبال التمرين قراءة ايقاعية)، صار (يقرأ الأستاذ ريبال التمرين قراءة ايقاعية)، هو مش (يقرأ الأستاذ ريبال التمرين قراءة ايقاعية)، ولا (يقرأ الأستاذ ريبال التمرين قراءة ايقاعية)، لأ هو (يقرأ الأستاذ ريبال التمرين قراءة ايقاعية)، هاي العجم، هلأ (يقرأ الأستاذ ريبال التمرين قراءة ايقاعية)، نهاوند (يقرأ الأستاذ ريبال التمرين قراءة ايقاعية).

مسافه جدّاً قليله، بناخد وقت عليها لنقدر نتدرب عليها أكتر من هيك، عنمين قدرنا نعرف إن جنس العجم هو بعد بعد صف، النهاوند هو بعد نصف بعد، أما الرست فهو بعد تلات أرباع تلات أرباع، طبعاً هادا الشي بنقدر نعمله تصوير بأي مكان نحنا حابين يعني سواءً من الدو سواءً من الراي أو من أي علامه نحنا حابين نصور من عليها هادا المقام، هلأ حناخد مقطع موجود عنا، حنقول طبعاً النوته بتبلش على علامة على سكيل عادي أربعه على أربعه، عندي السلم عجم دو، عم بيبتدي بالدو و لازم يختم بالدو بس اللس راح يصير إن هادا تمرين مش أغنيه، فبالتالي ما راح نرجع نختم بنفس المقام، حنقول (يقرأ الأستاذ ريبال التمرين قراءة ايقاعية)، بهاي الجمله أنا نقلت لنهاوند، هلأ (يقرأ الأستاذ ريبال التمرين قراءة ايقاعية)، أنا بالنسبه إلي هادا التمرين تعرضت من خلاله للتلات مقامات اللي هن العجم اللي هو الرست اللي هو النهاوند، هلأ بيصفى بنهاية الحديث هاد إني أقول في إشي يُحكى عن المقامات أو شيفره بنسميها الشيفره المقاميّه، ياللي هي إن أنا مثلاً عندي العجم شو ممكن نلاقيله رقم يصير مميز إله مثل ما أنا بقول فلان رقم موبايله كزا، فلان رقم موبايله كزا، شو ممكن إني أعطيه رمز كود، فآلوا أنا مشان أوفر علي فكرة الأرباع الموجوده حأضرب الأرقام بالأبعاد، حأضربها بأربعه، فحيكون عندي مثلاً بالعجم دو راي كانت بعد حخليها أربعه راي مي كانت بعد حخليها أربعه ضربتها بأربعه، المي فا كانت نصف ضربتها بأربعه صارت تنين، فإذاً أنا شيفرة المقام أو شيفرة الشيفره المقاميه للعجم هي أربعه أربعه تنين.

نفس الطريقه راح نلاقي إن النهاوند أربعه تنين أربعه، بينما الرست هو أربعه تلاته أربعه، معناها كل المقامات الشرقيه - الشرقيه يعني اللي فيها كار بي مول أو كار دييز اللي فيها تلات أرباع، لما أنا بضربها بأربعه لازم يطلع عندي ضمن هاي الشيفره لازم يكون عندي تلاته، بهاي الطّريقه أنا حكيت عن فكرة المقامات التلاته مع بعض، كيف بقدر أقارن بيناتها مع بعض، كيف بقدر أسمعها مع بعض، كيف بقدر أنقل إلها مع بعض.

الدرس القادم راح نبتدي بحديثنا عن المقامات الفرعيه عن مقام العجم و عن مقام النهاوند و عن مقام الرست، باي."