تعليمات و إرشادات متعلقة بمرفق التمرينات.
ريبال خضري:
"مرحبا، أنا ريبال من إعزف دوت كوم.
طبعاً نحنا بعد ما خلصنا هادا الكورس صار كتير ضروري إن إنتوا إتطبقوا الأشياء اللي إحنا تعلمناها. مع هادا الكورس راح نلاقي مرفق معنا عباره عن تلات أغاني، كل أغنيه مأخوده من واحد من المقامات التلاته ياللي نحنا أخدناها سواءً العجم أو الرست أو النهاوند، و كل أغنيه راح نلاقيها موجوده بأكتر من طبقه.
بتمنى عليكم إن كل واحد منكم يفتش عالطبقة المناسبه لإله، الطبقه اللي هو قادر يغني عليها تماماً، اللي مريحه كتير إله، لاسيما طبعاً هادا الإشي دائماً عم بحكي عن الإناث أكتر من الذكور لإن الإناث ممكن يستعملوا الصوت المستعار ممكن يستعملوا الصوت الطبيعي، فيفتشوا على الصوت الأريح بالنسبه إلهن.
بعض المغنيات بيغنوا بصوتهن المستعار عربي و لكن بينجحوا نجاح كتير حلوا، و بعضهن الآخر ما بينجحوا غير بصوتهن الطبيعي ياللي هو صوت الصدر صوت الحنجره بشكل كامل، بتمنى منكن إن تحاولوا فيهن إن تغنوهن، و راح نكون كتير سعيدين إذا إنتوا بعتوا أي شي من الأشيا اللي غنتوا غنيتوها.
طبعاً هي حتكون على شكل كاريوكي عربي حتسمعوه حتغنوا معه، بإمكانكم إن إنتوا تسجلوا صوتكن على أي مايكروفون عادي أو حتى على الموبايل و إنتوا عم بتغنوها و تبعتولنا إياها على إيميل موقع إعزف.
و أكيد نحنا حنكون عتواصل معكم مشان الكورس القادم، باي."
