ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
1.3 - تمارين استماعية على مقام العجم

بداية بتمارين استماعية على مقام العجم , مقام العجم من درجات مختلفة , تمارين لتمييز مقام العجم من نقاط ركوز مختلفة , تعريف الأكورد أو الكورد و هو عزف النوتة الأولى و الثالثة و الخامسة من السلم , مثال من أغنية "ليه خليتني أحبك" للفنانة ليلى مراد , قواعد متعلقة بالتأليف , إعطاء واجب أو وظيفة على تمييز مقام العجم , تعلم أغاني معروفة على مقام العجم , أغنية "أحب من الأسماء" للسيدة فيروز , أغنية "إن راح منك يا عين " شادية , أغنية "أنا قلبي دليلي" ليلى مراد, "لسا فاكر" أم كلثوم ,"يا مسافر وحدك" عبدالوهاب , مقام العجم من درجات مختلفة.


ريبال الخضري:


"هلأ راح ناخد شوية تمارين إلها علاقة بمقام العجم، هي تمارين إستماعيه، كيف يعني؟ يعني أنا راح أحاول إني أنا أعزف شوية ألحان من عدة مقامات عجم مختلفه.


طبعاً إحنا بنعرف إن المقام بيكون إله أكتر من مكان ركوز، يعني ممكن يكون المقام على درجة الراي، ممكن يكون على درجة المي، اللي هو مسلاً هاي راي (يعزف الأستاذ ريبال التمرين)، ممكن يكون على درجة المي (يعزف الأستاذ ريبال التمرين)، ممكن يكون على درجة السي بي مول (يعزف الأستاذ ريبال التمرين)، هو بالنهايه ممكن يتاخد من أي علامة بدنا اياها، فيفترض إن إحنا شوي شوي ندرب دماغنا على إن إحنا نقدر نميز هادا المقام بأي مكان حيكون موجود فيه، مشان هيك حيكون في عنا تمارين من هادا النمط، حنسمع (يعزف الأستاذ ريبال التمرين)، هادا عجم، (يعزف الأستاذ ريبال التمرين)، هادا كمان عجم، (يعزف الأستاذ ريبال التمرين)، كمان عجم، (يعزف الأستاذ ريبال التمرين)، كمان عجم.


لو سمعنا هاد (يعزف الأستاذ ريبال التمرين)، حنحسه إشي مختلف، حنحس بإشي من الحزن يمكن، أنا بحسه حزن، ممكن أشخاص تانين يحسوا شي تاني، هلأ هادا المقام هو مختلف عن مقام العجم، أنا كل اللي بدي أطلبه ضمن هادا الدرس إن نحنا نوصل إن نحنا نميز مقام العجم عن غيره، حناخد كمان إشي بنسميه الأكورد، شو هو الأكورد؟ 


الأكورد لما أنا بعزف الأولى مع التالته مع الخامسه من هادا المقام، نجرب كمان إن إحنا نميز أكورد العجم اللي هو طبعاً العجم، هو إزا بدنا نيجي إله كتصنيف غربي، المقامات الغربيه الأسايّه هي الماينر و الميجر، العجم هو المقام الموازي للميجر، مشان هيك دائماً طلابنا الأجانب لما بيجوا أكتر إشي بنهتم لما نبلشلهم بالعجم و النهاوند و بعدين نقارنلهم باقي المقامات لإن بيحسوه بالنسبه إلهم سهل لإن تقريباً نفس آلية عمل الميلودي بتكون، (يعزف الأستاذ ريبال التمرين).


هلأ الأكورد هو بيكون الأولى مع التالته مع الخامسه، هلأ لو تغير المقام ممكن يصير هيك، نحنا هلأ العجم هو هيك (يعزف الأستاذ ريبال التمرين)، ممكن يصير هيك (يعزف الأستاذ ريبال التمرين)، بيصير مختلف، مقام العجم كمان أكثر الأناشيد الوطنيه لو إجينا لنسمعها حنلاقيها تقريباً بتبتدي فيه، أكتر الأناشيد الحماسيّة بتكون موجوده عليه لإن مقام فرح مقام أحلام.


أنا بالنسبه إلي هيك بحس، دائماً برجع بأكد على هالنقطه، كل حدى يفتش على صيغه يربط مقام العجم فيها، هلأ أنا حكيت عن هلاليا راح أحكي على أغنيه تانيه موجوده على مقام العجم اللي هي مسلاً أغنية ليلى مراد اللي هي، ليه خليتني أحبك، (يقرأ الأستاذ ريبال التمرين قراءة ايقاعية)، هي بتضيعنا شوي، بتروح على جنب بعدين بتحسسنا بإحساس تاني إن راحت عالكورد بعدين بترجع على العجم، بس أنا دائماً كيف بدي أعرف إن هادا المقام مسلاً عنا كتير أغاني، أكيد الأغنيه ما بتضل ماشيه من الأول للآخر على نفس المقام، يعني لو سمعنا مثلاً أغنية غداً ألقاك لأم كلثوم حنقول (يقرأ الأستاذ ريبال التمرين قراءة ايقاعية).


هلأ بعدين (يقرأ الأستاذ ريبال التمرين قراءة ايقاعية)، أعطاني مقام مختلف كلياً، طيب أنا كيف بدي أقول إن أغنية غدأ ألقاك شو المقام الأساسي تبعها، دائماً الأغنيه تسمى على المقام اللي ابتدا فيها المذهب، يعني أنا لما بقول غدأ ألقاك، أول مقطع هو اللي بيحددلي إذا كان أعجم فالأغنيه كلياتها أعجم، و دائماً أنا حتى كمؤلف لما بدي أعمل أغنيه ببتدي الأغنيه بمقام العجم، بروح عمقامات تانيه ممكن أنتقل لمقامات غريبه بس بالنهايه لازم من القواعد الأساسيّه إني أنا أرجع عنفس العجم اللي أنا ابتديت منه.


راح ناخد وظيفه لأول مره، حنقول في عنا عباره عن خمس قطع، خمس أغاني، راح أطلب منكم إنو تسمعوا لهاي الخمس أغاني بالبيت، بإمكانكم تفتحوا على اليوتوب إذا كان في منها ما بتعرفوها، من هدول الخمس أغاني في عدد من الأغاني فقط على مقام العجم بينما العدد التاني هو مش على مقام العجم، طبعاً بهادا التمرين نحنا شوي راح نبلش نفتش بدماغنا إحنا قدرنا نلقط مقام العجم، قدرنا نوصل للإحساس تبعه، كمان بيسوى أقلكم إن تمارين الفوكاليز بأكتر العالم و التمارين اللي إحنا اشتغلناها للآن هي كلياتها من مقام العجم، فمشان هيك ما بتخيل إن مش راح يكون كتير صعب عليكم، الأغاني اللي راح أطلب منكم تسمعوها هي (أحب من الأسماء للسيده فيروز - اللي راح منك يا عين لشاديا - أنا قلبي دليلي لليلى مراد - حنقول لسا فاكر لأم كلثوم - و اللي مسافر وحدك لمحمد عبد الوهاب).


راح أطلب منكن إن إحنا نسمعهم للدرس القادم نفكر دائماً قلتلكم نحنا بنبتدي بالمقطع الأول هو اللي بيحددلي وين رسا المقطع الأول وين استقر (يقرأ الأستاذ ريبال التمرين قراءة ايقاعية)، هون رسا (يقرأ الأستاذ ريبال التمرين قراءة ايقاعية)، بحاول بإدني أحس إن هادا أعجم أو لأ، ما راح أطلب أبداً غير هاد الإشي، بيصفى بالنهايه إني أنا أجرب أعطي شوية أكوردات و نحاول إن إحنا نميزها، هل هي عجم أو مش عجم، حنقول هاد الأكورد (يعزف الأستاذ ريبال التمرين)، هاد الأكورد هو أكورد أعجم، حنقول هاد الأكورد (يقرأ الأستاذ ريبال التمرين قراءة ايقاعية)، هادا مش عجم، حنقول هون (يقرأ الأستاذ ريبال التمرين قراءة ايقاعية)، إحساس الحلم أو الفرح كتير واضح (يقرأ الأستاذ ريبال التمرين قراءة ايقاعية)، أعجم، بنروح بنقول مسلاً هادا المقام (يقرأ الأستاذ ريبال التمرين قراءة ايقاعية)، في إحساس حزن في إحساس مختلف عن الإحساس اللي إحنا تعودنا عليه (يقرأ الأستاذ ريبال التمرين قراءة ايقاعية).


كتير واضح الإحساس، الفرح أو الإحساس اللي أنا بسميه دائماً إحساس الأحلام، بيصفى أقلكم إنّ الوظيفه الدرس الجاي أكيد راح نشوف لشو توصلتوا، بتمنى إنكم تحاولوا يعني في النهايه هادا الإشي إنتوا حتستفيدوا منو لما نحنا بنجرب نحاول نسمع، نحنا نسمع و نسمع مره و تنين و تلاته و ما ناخد قرارنا إعتباطي، إن لأهي عجم أو مش عجم، كل المطلوب حدد شو هن الأغاني العجم بهاي القائمه."


فيديوهات دروس الدورة - تعلم الغناء العربي 2 - المقامات
1.1 مقام العجم في الغناء Opened 05:33
1.2 غناء مقام العجم Opened 05:24
1.3 تمارين استماعية على مقام العجم Opened 07:34
2.1 تمارين فوكاليز قبل متابعة مقام العجم Opened 05:24
2.2 تفصيلات مقام العجم Opened 08:38
2.3 تطبيق عربي على مقام العجم سماعي Opened 06:44
3.1 أكثر تمارين الفوكاليزهي على العجم Opened 04:35
3.2 تمرين فوكاليز على أوكتاف كامل Opened 03:30
3.3 مراجعة وظيفة الدرس السابق على العجم Opened 05:28
3.4 تعلم غناء أغنية طلعت يا محلا نورها Opened 04:47
4.1 مقام النهاوند Opened 06:44
4.2 الإستماع لمقام النهاوند Opened 06:44
5.1 تفصيلات مقام النهاوند Opened 07:01
5.2 تمرين على العجم و النهاوند Opened 06:51
6.1 فوكاليز سماعي نهاوند Opened 05:18
6.2 تعلم غناء "البنت الشلبية" لسيد درويش Opened 04:57
7.1 مقام الرست سيّد المقامات Opened 05:31
7.2 مقام الرست من نقاط ركوز مختلفة Opened 06:42
8.1 إتقان الغناء على مقام الرست Opened 04:15
8.2 تعلم غناء أغنية يا طيرة طيري Opened 06:57
9.1 الدرس الأخير على مقام الرست Opened 05:37
9.2 رنين االأنف غناء الغنّة Opened 05:51
10 الإنتقال بين مقامات عجم , نهاوند , رست Opened 06:50
11.1 المقامات الفرعية Opened 05:28
11.2 تعريف المقامات الفرعية Opened 04:46
12.1 فوكاليز على المقياس الثلاثي Opened 03:53
12.2 المقامات الفرعية لمقام العجم Opened 05:18
13.1 فوكاليز طويل على مقامي عجم ونهاوند Opened 04:32
13.2 المقامات الفرعية لمقام النهاوند Opened 05:47
14 المقامات الفرعية لمقام الرست Opened 06:26
15.1 تعلم غناء موشح " يا غزالا قد جفاني" Opened 05:24
15.2 تعلم غناء موشح " من ليصب في الهوى" على مقام العجم Opened 04:50
15.3 تعلم غناء موشح "يا شادي الألحان" على مقام الرست Opened 03:26
16 تطبيقات الدورة على عجم و نهاوند و رست Opened 01:23