تطبيق فوكاليز لمقام العجم من خلال سماعي لجورج فرح (جهاركا) , فرع من فروع مقام العجم من "فا" , إعطاء وظيفة جديدة على مقام العجم , تمييز مقام العجم عند وجوده في أغاني لا تبدأ بالعجم , مثال من أغنية السيدة فيروز "سائليني يا شام" , تعلم أغنية "كان يا ما كان" ميادة الحناوي , تعلم أغنية "ليلي و نهاري" أم كلثوم , تعلم أغنية "في يوم و ليلة" وردة الجزائرية , تعلم أغنية "عيون القلب " نجاة الصغيرة , تعلم أغنية "أنا لك على طول" عبد الحليم حافظ.

ريبال

هلأ راح ننتقل لإن نجرب نطبق تمرين فوكاليز على مقام العجم بأسلوب عربي، حنقول سماعي، اللي هو سماعي لجورج فرح، سماعي أعجم هلأ هو سماعي بالضبط هو سماعي إسمه سماعي إجهاركا، ليش جهاركا، جهاركا هو أحد فروع مقام العجم، الفرق بينه و بين العجم إن هو بيبتدي من الفا مع اختلافات بسيطه أنا وين بدي إرتكز، بس عملياً نحنا ضمن أحد فروع العجم، حنجرب ناخد منه بس أول تلات أول مقطعين على قالب السماعي، بذكركم إن إحنا قلنا إن السماعي قالب هو عباره عن قالب موسيقي ليس غنائي، بس إحنا حنحاول نقدمه فقط كآهات لحتى نتعود كيف نغني مقام العجم، نحاول ما نتخيل فكرة الدو و الراي و المي و الفا، نحاول نتخيل فكرة إن نحنا عم بنطلع درجات و عم بننزل درجات، لإن في النهايه الدو و الراي و المي هن مصطلحات بس لحتى نرسخ هادا التيون بإسم ضمن رأسنا، بس الأهم إن أنا أعرف إن أنا هون عم بطلع هون عم بطلع أكتر هون عم بطلع أكتر بكتير هون عم بنزل، أحاول إني قدر الإمكان إقدر أحس بهادا الموضوع، طبعاً السماعي هو عشره على تمانيه، بنقول دائماً بنبلش بآخر عدتين، تسعه عشره (يقرأ الأستاذ ريبال التمرين قراءة ايقاعية)، حنرجع نعيد نفتح تمنا (يقرأ الأستاذ ريبال التمرين قراءة ايقاعية)، عم بكفي (يقرأ الأستاذ ريبال التمرين قراءة ايقاعية)، طبعاً ضروري كتير إن لما نكون بنغني هيك سماعي، فتح التم، حركة المعده، التركيز إن أنا عم بغني، مش إن أنا عم بعمل وظيفه جامده إن خلص بس (يقرأ الأستاذ ريبال التمرين قراءة ايقاعية)، لأ، لازم أكون أحس بإحساس إن أنا عم بغني بس مش أوفر كتير مش كإني أنا واقف على مسرح، لأ، لإني أنا هون بدي أكون عم بغني و عم براقب أنا شو عم بصير أسناء مالي عم بغني، اليوم راح ناخد وظيفه جديده بالنسبه لمقام العجم، حيكون عنا كمان خمس أغاني بس هالمره الوظيفه حتكون شوي مختلفه، حنقول إن نحنا عنا خمس أغاني، في منهم على العجم و إحنا عرفنا كيف ممكن نعرف إن هادا المقام على عجم أو غير عجم، هلأ الوظيفه اليوم حتكون أصعب شوي لإن حتى الأغاني اللي ما فيها عجم ربما يكون جواتها في مقام فيه مقطع فيه مقام عجم، كل الأغاني مش دائماً إحنا عم بنكون عم بنقول إن هاي الغنيه مثلاًهي عجم، إحنا قلنا إن أول مقام لازم يكون عجم، الباقين ممكن يتغيروا، طيب معناها إحنا إزا كانت هاي الأغنيه مو عجم ممكن إن يمرق فيها مقام عجم، شو المقصود بإن ممكن بإن أنا ممكن نغير المقام، المقصود إن على سبيل المثال مثلاً أغنية فيروز مثلاً هي أغنية سائلين يا شآم (يقرأ الأستاذ ريبال التمرين قراءة ايقاعية)، لو أنا تبعت لنهاية المقطع راح ألاقي إن بيخلص (يقرأ الأستاذ ريبال التمرين قراءة ايقاعية)، خلصت على مقام مختلف عن مقام العجم، بس بالمقطع الأخير حلاقي إن صار المقطع (يقرأ الأستاذ ريبال التمرين قراءة ايقاعية)، صار عندي عجم (يقرأ الأستاذ ريبال التمرين قراءة ايقاعية)، هلأ بعدين بروح (يقرأ الأستاذ ريبال التمرين قراءة ايقاعية)، تغير المقام كلياً فإذاً أنا ممكن تمرق عندي بعض الأغاني يمرق فيها مقام مره يمكن يمرق مرتين على حسب الملحن شو هو حابب، أنا هلأ بوظيفتي هون حيكون عندي أغاني مبنيه بالكامل على مقام العجم، يعني مقامها الأساسي اللي بتبتدي فيه هو العجم و أغاني ممكن تكون ما في أيا علاقه بالعجم، لا ببدايتها و لا بنهايتها و أغاني ممكن يكون ضمن المقاطع أحد المقاطع عجم، أنا راح أطلب منكم إن تكون الأغاني تبعنا للدرس القادم اللي راح نسمعهن هن، كان يا مكان لمياده حناوي، حنسمع كمان ليلي و نهاري لأم كلثوم، في بعض الأشخاص بيسموها لا يا حبيبي، في يوم و ليله للسيده ورده الجزائريه، راح نسمع عيون القلب لنجاة الصغيره، و حنسمع لعبد الحليم حافظ أنا لك على طول، عنا خمس أغاني، نتزكر كيف بدنا نسمعهن كيف دائماً أول مقطع هو اللي بيعنيلي بيحدد إذا هي الأغنيه أو لأ، و دايماً بقولكم يعني بيكفي نسمع المود تبع الأغنيه أكتر من إنو إحنا نقعد و نركز و نسمعها بالكامل، لإن بالنهايه إحنا المطلوب إن نقدر نميز الأغنيه مع الإستماع مش مع إن نقعد ندققها بالتفاصيل، باي