مراجعة للوظيفة التي عينها الأستاذ في الدرس الأول على تمييز مقام العجم , أبعاد مقام العجم كعلامات و درجات , جنسي مقام العجم , صولفيج العجم , عجم دو.
ريبال خضري:
"بالنسبه لوظيفة الدرس الماضي اللي حكينا عنها، بتخيل إن قسم كبير منكم قدر يعرف إن أحب من الأسماء هي مقام عجم مش مقام مش أي مقام تاني واضح (يقرأ الأستاذ ريبال التمرين قراءة ايقاعية).
بعدين المذهب (يقرأ الأستاذ ريبال التمرين قراءة ايقاعية)، طبعاً أنا عم بمد شوي لحتى أوضح وين النهايات (يقرأ الأستاذ ريبال التمرين قراءة ايقاعية)، نفس أسلوب اللحن بالضبط، طبعاً ممكن يختلف عندي الطبقه، يعني إنتوا ما راح تقدر تزبط معكم كتير إذا حطينا هاي الغنيه مع هاي الغنيه و جربنا إن نسمع و نقول إن هاي نفسها، لأ، ممكن لإن فيروز طبقتها مختلفه عن الطبقة اللي راح يغني عليها مثلاًليلى مُراد بليه خليتني أحبك، كل أغنيه إلها طبقه بتناسبها و بتناسب المغني، اللي راح منك يا عين (يقرأ الأستاذ ريبال التمرين قراءة ايقاعية).
خلينا نشوف المغنى (يقرأ الأستاذ ريبال التمرين قراءة ايقاعية)، لو جربنا من نفس المكان نعزف هلاليا (يقرأ الأستاذ ريبال التمرين قراءة ايقاعية)، معناتها مش نفس المقام، مختلفه كلياً عنهم، أنا قلبي دليلي (يقرأ الأستاذ ريبال التمرين قراءة ايقاعية)، نشوف المغنى (يقرأ الأستاذ ريبال التمرين قراءة ايقاعية)، يعني نفس اللحن بالضبط تقريباً نفس الطبقه فنحنا عم بنقول إن قلبي دليلي هي أعجم، لسا فاكر (يقرأ الأستاذ ريبال التمرين قراءة ايقاعية)، نفس اللحن نفس المكان عجم، يا مسافر وحدك عبد الوهاب (يقرأ الأستاذ ريبال التمرين قراءة ايقاعية).
طبعاً أنا دائماً بدي فتش بأي أغنيه عالإستقرار اللي هو بداية اللي هو الدو تبعها، إحنا عنا سلم مسلاً دو راي مي فا صول لا سي دو، الدو هي بتكون غالباً أو الإستقرار هو آخر علامه بالمذهب، لما إحنا نقول قبل شوي (يقرأ الأستاذ ريبال التمرين قراءة ايقاعية)، عم بنخلص (يقرأ الأستاذ ريبال التمرين قراءة ايقاعية)، أكتر الأغاني أو تسعين بالميه منها لازم تخلص على بداية المقام، يا مسافر وحدك كما نجرب نشوف (يقرأ الأستاذ ريبال التمرين قراءة ايقاعية)، فينا نقول هلاليا من هون (يقرأ الأستاذ ريبال التمرين قراءة ايقاعية)، حتى المقام مو مقام اللي مو نفس الأحلام (يقرأ الأستاذ ريبال التمرين قراءة ايقاعية)، لأ إحنا عم بنسمع مقام فيه كم من الحزن، هاي بالنسبه لوظيفة الأسبوع الماضي.
اليوم بدنا نحكي عن تفصيلات مقام العجم كعلامات كيف بيكون، كدرجات موسيقيه على النوته، مقام العجم هو متل ما حكينا هو لا يختلف أبداً عن مقام الميجور، مشان هيك لو إحنا جربنا ندرس صول فيج، حنلاقي إن أكتر العلامات اللي نحنا أكتر التمارين اللي بنشتغلها خصوصي بالفتره الأوليه حتكون أكترها على مقام العجم و تحديداً عجم دو تحديداً، إذا كنا بنحكي عن عجم دو فنحنا ما بيكون عنا أي شي أي إشارات تحويل بالسلم، ما بيكون عنا شاربس ما بيكون عنا أي فلاتس، بيكون دو راي مي فا صول لا سي دو، اللي هو اللحن التقليدي اللي نحنا عارفينه (يقرأ الأستاذ ريبال التمرين قراءة ايقاعية)، دو راي مي فا صول لا سي دو سي لا صول فا مي راي دو، ما بيختلف عنه بي شي، بالإضافه لهيك مقام العجم إذا بدنا نيجي نشوفه كأجناس أو قبل أجناس خلينا نشوفه كمسافات بين العلامات، هي المسافات التقليديه اللي هي بين الدو و الراي حيكون عنا تيون، بين الراي و المي تيون، بين المي و الفا هاف تيون أو نص بعد، بين الفا و الصول بعد، بين الصول و اللا بعد، بين اللا و السي بعد، بين السي و الدو حيرجع عندي نصف بعد.
فإذاً أنا بهدول مجموعهن حققت أنا الست أبعاد تبعي، جنس العجم اللي هو مُصغر للمقام هو عباره عن أربع علامات (يقرأ الأستاذ ريبال التمرين قراءة ايقاعية)، هو أول أربع علامات فقط، هادا الجنس هو عباره عن بعد يعني تكوينته عباره عن بعد يعني تكوينته بعد ببعد بنص تمام، هلأ بيجي عندي الجنس التاني اللي بيكون مبني على علامة الصول (يقرأ الأستاذ ريبال التمرين قراءة ايقاعية)، و اللي حنلاحظ إنه لو اتطلعنا على الأبعاد تبعه كمان هي واحد واحد نص، يعني عملياً نحنا عنا مقام العجم هو مكون من جنسين عجم، واحد على الدو و واحد على الصول، هلأ بس نقول هو مكون من جنسين على الدو و الصول، فبديهياً إن أنا لما بدي أرتجل لازم كتير أحاول إن السنتر تبعي هو الدو و الصول، يعني مسلاً إذا بدي آخد عجم من هون (يقرأ الأستاذ ريبال التمرين قراءة ايقاعية).
هاي أول علامه، إذا بدي أطلع بنفس المقام (يقرأ الأستاذ ريبال التمرين قراءة ايقاعية)، عم برسى على نفس العلامه الخامسه إذا بدي، طبعاً فيني أحرك أكيد، بس اللي بده يحسه الشخص اللي عم بيسمع هو دائماً الأولى الخامسه هدول أكتر شي بنركز عليهم بمقام العجم."
