مخارج الحروف الصحيحة لأغنية "طلعت يا محلا نورها" لسيد درويش , تعريف العرب في الغناء , التفاوت باستخدام العرب بين الأشخاص.
ريبال خضري:
"طبعاً هلأ أنا بدي أدقق كيف أنا بدي غني، كيف بدي إفتح تمي كيف بدي خلي الحروف تكون كتير واضحه (يقرأ الأستاذ ريبال التمرين قراءة ايقاعية).
دائماً الهي لبره، بعدين (يقرأ الأستاذ ريبال التمرين قراءة ايقاعية)، مفتوح التم ياء (يقرأ الأستاذ ريبال التمرين قراءة ايقاعية)، الآ مفتوحه (يقرأ الأستاذ ريبال التمرين قراءة ايقاعية).
لما بنزل لتحت ما بخلي صوتي يصير (يقرأ الأستاذ ريبال التمرين قراءة ايقاعية)، بعدين (يقرأ الأستاذ ريبال التمرين قراءة ايقاعية)، مفتوح تمي، حقول بعدين المقطع اللي بعده (يقرأ الأستاذ ريبال التمرين قراءة ايقاعية)، لبره الإي بعدين (يقرأ الأستاذ ريبال التمرين قراءة ايقاعية).
ما بنسى إن نفسي دائماً بمعدتي (يقرأ الأستاذ ريبال التمرين قراءة ايقاعية)، دائماً فتحت التم كتير ضروريه لحتى الحروف تنرسم صح، هلأ بيصفى إني أقول إن لما أنا بعيد المقطع أو بيكون عندي نفس اللحن عم بينعاد، بإمكاني إني أنا إتصرف، بضيف شي بنسميه بالموسيقى عُربه، شو هي العربه؟ اللي هي حركه صغيره أي حركه بقدر إني أطبقها على اللّحن بس غالباً مش بأول مره لإن أول مره بيكون اللحن هلأ عم بيوصل للمستمع، بس ليوصل مره و تنين، يبلش في حالة ملل، أنا مباشرةً بحط عربه.
طبعاً العرب مختلفه من شخص لشخص، في ناس هي عباره عن لعبه بالنوتات، بالنوتات الموسيقيه اللي نحنا بنغنيها بتكون كتير صغيره و بتكون سريعه عادةً، أنا شخصياً بحس إن العرب مو بس دائماً هيك، ممكن تكون العربه بنَفَس بمكان مُختلف بمكان مو متوقع، بوقفه مختلفه بتغيير البوزيشن تبع الصوت، أيا شي نحنا بنقدمه خارج المألوف عن الأغنيه لحتى نكسر حالة الرتابه إذا كنا بنعيد اللحن، أنا شخصياً بعتبره عربه، هلأ راح إرجع أقولها من الأول و راح أطبق كل اللي حكيناه بدون وقفه (يقرأ الأستاذ ريبال التمرين قراءة ايقاعية)، بنعيد (يقرأ الأستاذ ريبال التمرين قراءة ايقاعية).
طبعاً أنا غلطت بين الغاموسه و الجاموسه لإن هي أساساً إلها لفظين ممكن تكون الجاموسه و ممكن تكون الجاموسه، ضروري بالنهايه إني أنا إعرف إختم لإن دائماً بالموسيقى العربيه الفرقه بتكون عم بتتابع المطرب كيف عم بيشتغل أكتر ما إن هي تكون عم بتقود الموضوع، هو اللي بيكون عم بيقود الموضوع، بتخيل هيك إحنا حكينا كتير عن مقام العجم، أخدنا أغاني عليه أخدنا اتدربنا على الإستماع عليه، شفنا كيف آلية النوتات بتكون بمقام العجم، أخدنا فوكاليز على مقام العجم حتى، أخدنا تمارين للإستماع على مقام العجم.
الدرس القادم راح ناخد مقام جديد، بشوفكم الدرس الجاي، باي"
