بداية بتمرين فوكاليز بسيط من ثلاث نوتات , تذكير بنصائح عن التنفس الصحيح من المعدة عند الغناء , الطريقة السليمة لفتح الفك لخروج الصوت من الفم بالشكل الصحيح , فوكاليز على ثلاث نوتات.
ريبال :
"مرحبا، أنا ريبال من إعزف دوت كوم، اليوم بدرس الغناء إحنا راح نتعلم أشياء جديده كتير.
أول شي راح نباشر فيه بدرس الغناء إنو إحنا راح نشتغل على شوية فوكاليز ضروريه لصوتنا، إحنا أخدنا سابقاً بدرس سابق كل تفاصيل الفوكاليز، هلأ بدنا نبلش نتمرن عليها كل درس بدرسه، إضافةً لهيك، بدءاً من هلاء راح نبلش نفوت و نخوض بتفاصيل المقامات العربيه.
حنتناول اليوم مقام العجم بشكل مبسط لحتى نقدر قدر الإمكان نقدر نستوعبه ضمن عقولنا، أول درس دائماً أول درس مع أي مغني أو مع أي إستاز فوكاليز لازم يبتدي بالفوكاليز (يعزف الأستاذ ريبال التمرين).
أول تمرين هو دائماً بيكون تمرين فوكاليز بسيط ما بيتعدى التلات نوتات يعني بيكون المسافات بين العلامات، مثلاً عم بقول (يقرأ الأستاذ ريبال التمرين قراءة ايقاعية)، دو راي مي، دو راي مي راي دو، ما بنكون عم بنطلع أكتر من هيك، بعدين بنبلش نوسع شوي شوي لإن الحنجره بتكون مرتخيه بالبدايه، فنحن بحاجه إن نخلي الحنجره شوي شوي تاخد مرونه (يعزف الأستاذ ريبال التمرين)، مش مباشرةً نطلع لفوق، حنقول (يقرأ الأستاذ ريبال التمرين قراءة ايقاعية)، لااااااااااا، طبعاً كتير ضروري إني أنا أخدت نفسي من معدتي، ما أخدته من صدري، إحنا حكينا سابقاً كيف أنا بدي أتنفس صح، ضروري إن هادا التنفس صار غشي جواتي، ماني مضطر أبداً إني أنا أقعد أفكر فيه، فأنا باخد مُباشرةً معدتي صارت لبرا (يقرأ الأستاذ ريبال التمرين قراءة ايقاعية)، لااااااااااا.
كتير ضروري إن الصوت ما يهز و أنا عم بغني، ما يكون (يقرأ الأستاذ ريبال التمرين قراءة ايقاعية)، لااااااااااا، لأ (يقرأ الأستاذ ريبال التمرين قراءة ايقاعية)، لااااااااااا، كمان كتير ضروري إن الفك يكون مفتوح خاصةً بحرف الآ، الحروف اللي إحنا دائماً بنعتمد عليها بكل لغات العالم هي الآ الإي الأو، طبعاً بيختلف الإي و الأو ببعض اللّغات لإن بيكون إلهم أكتر من لفظ.
بس بالغناء العربي هن إي اللي هو متل التفاحه و الأو اللي هو بيكون قدر الإمكان حاولنا نفتحه إلا إزا بدنا نعمله أوو، ساعتها بنسكر التم شوي صغيره أكتر، هلأ فتح التم بحد زاتها، فتح الفك، لازم يكون لفوق لفوق و لتحت، يعني ما بيجوز إني أنا أفتح هيك، و لا بيجوز إني أنا أفتح هيك، لأ، فتح الفك هو بشكل كامل هيك، من هون شوي و من هون شوي لحتى يطلع الصوت بشكل مباشر، يصفى آخر معلومه لازم أقولها دائماً قبل ما نبلش فوكاليز، إن ما لازم فتحة الفك تأثر علي و أنا عم بغني، يعني ما لازم إن و الله فتحت تمي معناتها أنا بدي أعلي صوتي، لأ، أنا فتحت تمي لإن صوتي بشكل تلقائي راح يكون عالي، بدون ما أنا أقرب صوتي لإدام أو أخليه يصير (يقرأ الأستاذ ريبال التمرين قراءة ايقاعية)، آآآآآآآآآ، لأ أنا بس متل ما عم بغني (يقرأ الأستاذ ريبال التمرين قراءة ايقاعية)، آآآآآآآآآآآآآآآآآ، بس بفتح فكي بصير (يقرأ الأستاذ ريبال التمرين قراءة ايقاعية)، آآآآآآآآآآآآآآآآ، (يعزف الأستاذ ريبال التمرين).
طبعا نحنا دائماً بنطلع من تحت لفوق عأقصى علامه بنقدر عليها بعدين لما بنوقف، بنرجع ننزل باتجاه الأسفل، حنبتدي (يقرأ الأستاذ ريبال التمرين قراءة ايقاعية)، لااااااااااااا، لاااااااااااااا، لااااااااااااااا، بعدين (يقرأ الأستاذ ريبال التمرين قراءة ايقاعية)، لااااااااااااااااااااااا، أخدت نفس (يقرأ الأستاذ ريبال التمرين قراءة ايقاعية)، لااااااااااااا، لااااااااااااا، نفسي من أنفي (يقرأ الأستاذ ريبال التمرين قراءة ايقاعية)، لااااااااااااا، لااااااااااااااا، الصوت متحرر (يقرأ الأستاذ ريبال التمرين قراءة ايقاعية)، لااااااااااااا، لااااااااااااااااا، لاااااااااااااا، هلأ بدي أنزل (يقرأ الأستاذ ريبال التمرين قراءة ايقاعية)، لااااااااااااا، لاااااااااااااااااا، لاااااااااااا، نفس (يقرأ الأستاذ ريبال التمرين قراءة ايقاعية)، لااااااااااااا، لااااااااااااا، لاااااااااااا، لاااااااااااااا، لاااااااااااا، لااااااااااااااا، تمي فتحته أكتر و قرب الصوت لعند سناني أكتر لما بنزل للقرار (يقرأ الأستاذ ريبال التمرين قراءة ايقاعية)، لااااااااااااا، لاااااااااااااا، لاااااااااااااا، لاااااااااااااا، لااااااااااااااا، لاااااااااااا.
طبعاً نحنا مره على مره دائماً بنحاول كل تمرين عم بناخده بنحاول نضيف دائماً نصف بعد فوق نصف بعد تحت كل مره أو مرتين أو تلاته حسب نحنا شو بنحس حالنا مرتاحين، ضروري لما إحنا نعمل الفوكاليز نتوجه باتجاه يكون قدامي مرايه، لإن أحياناً أنا بيجي بقول أنا عم بتنفس صح أنا حاس إن تنفسي على معدتي، بس دائماً الممرايه هي اللي بتكون الحكم، هي اللي بتخليني شوف أنا عم بيتحركوا شي كتافي أو هني سابتين، عم بتنفس من معدتي ولا ما عم بتنفس من معدتي، تمام."
