فوكاليز على مقام الرست , تعلم أغنية "أنساك" أم كلثوم من رست "الفا" , مقام الرست من "ري" و نقاط أخرى , وظيفة لتمييز الرست و النهاوند و العجم , تعلم أغاني على مقام الرست , تعليم أغنية "يا مسهرني" أم كلثوم , تعليم أغنية " جفنه علم الغزل " محمد عبد الوهاب , تعليم أغنية " يا مال الشام" صباح فخري , تعليم أغنية "أنا بعشقك" ميادة الحناوي , تعليم أغنية "الحب كله" أم كلثوم.
ريبال خضري:
"حنجرب ناخد الرست من غير مكان أو من غير توضع.
نحنا أخدناه قبل شوي من توضع الدو، هلأ حنجرب ناخده م الراي (يقرأ الأستاذ ريبال التمرين قراءة ايقاعية)، حنجرب ناخده من المي (يقرأ الأستاذ ريبال التمرين قراءة ايقاعية).
طبعاً لاحظتوا إن عزفه على العود مش كتير هين، حإرجع أقوله مره تانيه (يقرأ الأستاذ ريبال التمرين قراءة ايقاعية)، ممكن كمان أجرب آخده أعلى كمان، بس طبعاً أنا هون مش عم بقدر كتير إني آخد المقام رست من فا دييز أو من صول دييز أو من سي بي مول لإن بيكون دائماً العلامات بتصير عندي كلها مثلاً إذا أخدناه من السي بي مول حيكون عندي سي بي مول دو غير نص بي مول، مي نص بي مول، حيكون عندي كتير تغييرات بالسلم، حيكون صعبه على العازف، حاخد الفا (يقرأ الأستاذ ريبال التمرين قراءة ايقاعية)، تمام، كمان بإمكاني كمان إني أنا إنزل بالمقام هبوط أكتر و لكن دائماً انا مقيّد بإني أطلع بالعلامات اللي سهل إن العازف يطبقها ضمن العزف، هلأ حنجرب نغني أغنيه من أغاني مقام الرست اللي هي أغنية أنساك للسيده أم كلثوم.
حنجرب نغني الغنيه حغنيها بطبيقتي، طبعاً أنا بدي أذكر إن أنا كمغني أنا طبقتي تينور، تينور اللي هو صوت الشباب العالي ياللي بيكون أرفع شوي من صوت الشباب اللي البيز اللي بيكون صوت عريض صوت مختلف، فأنا حاخد الأغنيه هلأ من رست الفا (يقرأ الأستاذ ريبال التمرين قراءة ايقاعية)، طبعاً بدي أدقق كتير على فكرة اللفظ إن أنا عم بطلع (يقرأ الأستاذ ريبال التمرين قراءة ايقاعية)، دائماً الياء مفتوحه، مش (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية)، لهون و لهون دائماً، طبعاً هادا الإشي حتى للمغنيين اللي بيعطي شكل وجه كتير أجمل إني أنا أقول (يقرأ الأستاذ ريبال التمرين قراءة ايقاعية)، من إني أنا أقول (يقرأ الأستاذ ريبال التمرين قراءة ايقاعية).
دائماً بيكون التم المغلق الفم المغلق دائماً بيعذب حتى مهندسين الصوت و هم بيشتغلوا بهندسة صوت الأغنيه، بدي أذكر إن الأغنيه متل أنساك دائماً فتح تم، دائماً صوتي لقدام، ما اختلف أي شي من قواعد الفوكاليز اللي أنا أخدتها لما أنا حكيت عن مقام الرست، طبعاً هادا كان مجرد تطبيق بسيط نحنا بنحكي عنه، هلأ بالنسبه لوظيفة الدرس القادم، نحنا راح نشتغل على خمس أغاني، حطلب منكم إن نحنا نجرب نعرف شو مقام هاي الأغاني، هل هي رست هل هي عجم هل هي نهاوند، أو هل هي منها من هدول التلاته أساساً.
الأغاني اللي نحنا راح نحكي عنها هي أغنية يا مسهرني للسيده أم كلثوم، حنقول أغنية غفنه علم العزل لمحمد عبد الوهاب، حنقول يا مال الشام تراث سوري غناه صباح فخري، حنقول أنا بعشقك للسيده مياده الحناوي، و حنقول الحب كله كمان للسيده أم كلثوم، برجع بذكر دائماً لما أنا بدي أكتشف مقام الأغنيه كتير بيعنيلي إني أنا أغني المقطع الأول من الأغنيه، يعني حإرجع أذكر إذا أنا بدي أغني على سبيل المثال أنساك، بدي أعرف كافي إني أنا أقول أول مقطع اللي هو (يقرأ الأستاذ ريبال التمرين قراءة ايقاعية).
كتير ضروري إني أنا لما بدي أعرف هاي الأغنيه إني أغني فقط المقطع الأول، ياللي تابع أغنية أنساك أكيد انتبه إن حتى بالمقطع الأول صار بعض التغييرات لما قلت (يقرأ الأستاذ ريبال التمرين قراءة ايقاعية)، هاي مش من جنس المقام الأساسي، جنس المقام هو (يقرأ الأستاذ ريبال التمرين قراءة ايقاعية)، مش (يقرأ الأستاذ ريبال التمرين قراءة ايقاعية)، ما كان في عندي جنس حجاز ياللي راح يمرق معنا فيما بعد.
بعدين بس في النهايه رغم هيك أنا رجعت آخر شي (يقرأ الأستاذ ريبال التمرين قراءة ايقاعية)، رجعت على نفس مقام الأغنيه، هاي بالنسبه لوظيفة الدرس القادم، في الدرس القادم راح نشتغل أكيد على هاي الوظيفه بالإضافه لهيك راح نحكي كيف يتكون هادا المقام كعلامات، كأجناس، كإذا أنا بدي فرّد عليه، و راح ناخد جمله موسيقيه نجررب نقولها آهات على مقام الرست، باي."
