ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
استخراج الاصوات من اليد اليمنى

استخراج الاصوات باليد اليمنى و الثقوب السفلية هو موضوع هذا الدرس , حيث ينبه الاستاذ رضا على أهمية الانتباه لترتيب الاصابع ليتمكن الطالب من استخراج الاصوات بشكل صحيح. يعطي الاستاذ رضا بدير تمارين مهمة عن كيفية .استخدام اليد اليمنى.


رضا بدير:


"اهلا بيكم ، رضا بدير عازف الناي المصري ، من اسرة اعزف دوت كوم.


النهارده حناخد الدرس الثالث ، وهو استخراج الاصوات من اليد اليمنو وهو الي هو الثلاث ثقوب الاخرنيين في الناي فحنبدأ ، حنكون سادين الي فوق يعني الثلاث ثقوب الي فوق والثقب الخلفي مسدودين ونبدأ بالثقوب اهم ( يعزف الاستاذ رضا التمرين) مع ملاحظة الترتيب بالاصابع كده ، واحد اتنين تلاتة ، واحد اتنين تلاتة ، وانت نازل واحد اتنين تلاتة ، واحد اتنين تلاتة ،وانت طالع ، واحد اتنين تلاتة ، واحد اتنين تلاتة ، نازل واحد اتنين تلاتة ، كويس فحيبقى كده و(يعزف الاستاذ رضا التمرين) اهو (يكمل العزف).


ولازم تكون محضر الرئتين مشان النفس وتكون مفرود كده عشان الناي بقى طويل في الايد ، (يعزف الاستاذ رضا التمرين ) كده الدرس الثالث له صوت تاني كمان بيطلع اذا صادفك ، متتخضش يعني اذا جالك الصوت ده (يعزف الاستاذ رضا التمرين ) هو هو دا ( يعزف الاستاذ رضا الصوت الاول ).


بس هنا في شدة نفس قوي شوية .وده في نفس قليل يطلع الصوت قرار يعني غليظ ودي متخضكش ، افرض جيت بين التنين ، متتدايقش اهو ( يعزف الاستاذ رضا التمرين ) حلو ده برضو (يكمل العزف) فاي صوت حيطلع ممتاز ومع التمرين حتقدر تحدد الصوت الي انت عايزو ده ولا ده ، اهو ( يعزف الاستاذ رضا التمرين ) اهم حاجة التمارين تبقى بالمقفول اهو ( يعزف الاستاذ رضا التمرين ) والنفس برضو (نفس عميق).


تاخدو شهيق وزفير عشان تبقى مرتاح وانت بتعزف ( يعزف الاستاذ رضا التمرين) ودايما عشان تدرب النفس وتقوي نفسك لما تيجي تبتدي يا ريت تبتدي بقفل الثقوب كلها وتاخد اصوات زي كده ( يعزف الاستاذ رضا التمرين ) يعني تبقى مقوي النفس وتتحكم في الاصابع ، متنفسش ، والصوت يبقى طالع بنفس الشكل ده ، بعد كده لو حبينا نعمل شكل تاني مثلا ، افرض صباعك او الاصبع عمل كده اهو ، (يعزف الاستاذ رضا التمرين ).


الدرس التالت ده هوة عبارة عن تكملة للدرس الثاني ، ان شاء الله حنكملكم الدرس الرابع في حلقة قادمة باذن الله والى اللقاء باذن الله."


فيديوهات دروس الدورة - تعلم الناي مع رضا بدير
1.1 مقدمة عن آلة الناي Opened 02:52
1.2 كيفية استخراج الصوت من الناي Opened 06:23
2.1 سد ثقوب الناي بعد استخراج الصوت بشكل صحيح من الناي Opened 05:14
2.2 سد ثقوب الناي | متابعة Opened 04:53
3 استخراج الاصوات من اليد اليمنى Opened 05:23
4 استخدام اليد اليمنى و اليسرى في سد الثقوب Opened 06:17
5.1 الثقب الخلفي للناي Opened 05:04
5.2 الثقب الخلفي للناي | متابعة Opened 03:48
6.1 تمارين على آلة الناي Opened 05:16
6.2 تمارين على آلة الناي متابعة Opened 03:21
7.1 مقام الصبا Opened 04:14
7.2 مقام الصبا متابعة Opened 04:10
8.1 مقام البياتي على درجة الري Opened 04:19
8.2 مقام البياتي على درجة الري متابعة Opened 03:34
9 مقام رست الدو Opened 06:09
10 مقام الكرد Opened 05:11
11 مقام الحجاز Opened 06:06
12 مقام نهاوند Opened 05:19
13 تقنية تريل Opened 07:31
14.1 تقنية ستاكاتو Opened 04:15
14.2 متابعة تقنية ستاكاتو Opened 04:23