الدروس
01:40:62 ساعة
21 الدروس
الناي
استخدام اليد اليمنى و اليسرى في سد الثقوب
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبين الاستاذ رضا كيفية استخدام اصابع اليد اليمنى و اليد اليسرى في سد ثقوب الناي صعودًا و هبوطًا و يعطي تمارين على ذلك.


رضا بدير:


اهلا بيكم ، رضا بدير عازف الناي المصري ، من اسرة اعزف دوت كوم.


النهاردة ان شاء الله بالحلقة الرابعه حنبدأ نعزف ، الايد الشمال مع الايد اليمين ، يعني حنعزف الست ثقوب دول مع بعض في مرة وحده فاحنا حنشوف بقى ، الطريقة حتبقى كده اهو (يعزف الاستاذ رضا التمرين).


حنبدأ ناخد بقى التلات ثقوب الي بعديهم مع الي فاتو( يعزف الاستاذ رضا التمرين ) كدا خدنا الحروف مع بعضيها من اسفل لاعلى ، حناخدهم عكس ، حناخد بقى من اعلى لاسفل (يعزف الاستاذ رضا التمرين ) وبرضو زي مقلنا حنبدأ نحرك الاصبع بطريقة اسرع شوية ( يعزف الاستاذ رضا التمرين ) واللي بعدي ( يعزف الاستاذ رضا التمرين ) واللي بعدي ( يعزف الاستاذ رضا التمرين ) واللي بعدي ( يعزف الاستاذ رضا التمرين ) واللي بعدي ( يعزف الاستاذ رضا التمرين ) واللي بعدي ( يعزف الاستاذ رضا التمرين ).


احنا بنعمل ايه ؟ مرونة عزف للاصابع يعني كنا بنعمل اصوات متصلة صوت طويل ، دالوقتي بدأنا نعمل اصوات تا را را رارا را ، فاذن الاصبع كده بيتحرك اهو اهو ، طالع نازل ، طالع نازل ،اهو ، نعملها كمان مرة ، (يعزف الاستاذ رضا التمرين ) دا الطالع ، النازل بقى ( يعزف الاستاذ رضا التمرين ).


ده التمرين مع بعضو , احنا قلنا انو الناي من اول ثقب لحد اخر ثقب ومن فوق تاني من اخر ثقب لحد اول ثقب ، كده احنا حنبدأ نتمرن فيهم ونطول النفس ، بكل حرف زي مقلنا بالاصوات الطويلة من اول نفس وبنخلي الاصبع ، بطن الاصبع على الثقب مينفسش ، وبرضو نفس الحكاية بالنسبة للثقب التاني والثقب التالت والثقب الرابع ، تبدأ كمان كل ما تاخد نفس قبل (تارارارارارا) (بتاخد نفس).


مشان تقدر تكمل ،لو مخدتش النفس مش حتقدر تكمل ، الطريقة بقى زي محنا قلنا اهو اهو ، شفتو البوزيشن ازاي ، اهو من غير صوت ، لازم احس انو الصوت معلم باصباعي يعني في علامة هنا ، ولازم احس انو الناي معلم في شفتي عامل خط ، يعني من كتر التحكم اهو تلاقي هنا في الشفة تلاقي علامة باينة هنا خط مطرح مكنت بعزف مع الممارسة والعزف على طول انت حتتعب شوية حتلاقي كتفك واجعاك شوية ، تلاقي ايدك زي مقلنا كده ، فتعمل حركات رياضية بالشكل ده مثلا ، وتعمل كده وتعمل كده ، كل دي حركات لفك العضل وال سترتش وده مهم جدا اهو لفك العضل.


بعد كده تروح عازف تاني نفس الي كنا بنعزفه وتروح عامل نفس السترتش تاني لحد متلاقي الصوت طالع مزبوط ومرتاح حتلاقي بعد كده مفيش لا كتف متأثر وانت بتبقى قاعد قعده مهتم اوي ، يعني خليك عادي، عايز العازف وهو بيعزف يبقى عادي ومش متشنج وعامل كده ، لاء ريلاكس خالص ، يطلع الصوت تمام.


كده خلصنا الحلقة الرابعه وان شاء الله نشوفكو بالحلقة الجاية وباذن الله والى لقاء اخر.

عن المدرب
رضا بدير
رضا بدير
عازف الناى نشأته كانت فنية فوالده كان يعمل خبيرا كيميائيا ولكنه كان يعشق الموسيقى ويحب سماع الموسيقى ، ورضا بدير منذ طفولته كان موهوبا بالفن والموسيقى فطلب من والده آلة موسيقية يعزف عليها وكانت البداية آلة الفلوت ، وبدأ رضا بدير العزف على هذه الآلة منذ أن كان عمره ثمانية سنوات بمفرده وبدون معلم لأنه كان موهوبا وبعد فترة من الزمن اكتشف رضا من عزفه على آلة الفلوت أن هذه الآلة لاتستطيع أن يخرج منها النغمات الشرقية فهى مقتصرة على خروج النغمات الغربية فقط، فوجد رضا بدير أن الاله المناظرة لاله الفلوت هى آلة الناى فبدأ العزف على آلة الناى مع آلة الفلوت فى وقت واحد ، وأخيرا وجد رضا بدير آلة الناى تكفيه جدا وبدأ مشواره الفنى معها. وقد تأثر رضا بدير بعزف سيد سالم، وحسين فاضل، وسيد أبو شفة ، كما تأثر على وجه الخصوص بالفنان محمود عفت ، وبعد ذلك رأى أخيه محمد بدير أنه لابد وأن يتعلم أصول وقواعد الموسيقى وهذه الآلة فإتجه أخيه الى أساتذة كبار فى مدينة الاسكندرية .

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!