الدروس
01:40:62 ساعة
21 الدروس
الناي
متابعة تقنية ستاكاتو
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

متابعة للتعلم على التقنية و كيفية استخدام اللسان في استخدام هذه التقنية حيث يعطي الاستاذ رضا نصيحة للطلاب المبتدئين باختيار الناي الرفيع ذو السماكة القليلة كمبتدئين و ذلك لسهولة استخراج من الصوت من الناي .الرفيع. يعرفنا الاستاذ رضا بدير بالعازف احمد غانم و يعطينا نبذة عن حياته.


رضا بدير:


"الحلقة دي مخصصة ، للبستاكتو او التقطيع باللسان ، العازف يعمل ازاي اول ما بيبدأ او الطالب ، ده انا عملت السلم ده وانا طالع نازل في نفس واحد ، نفس واحد ده الي كنت بتكلم عليه من شوية بقول ، انه النفس لما تربي نفسك ، وتقوي الرئتين حيبقى عندك الطاقه بدل ما تعمل كده ، (يعزف الاستاذ رضا التمرين).


تفضل تاخد نفس ، لكن لو زي ما زي مانا عزفت كده ، تاخد نفس جامد تقدر تعزف قطعه طويلة جدا ، وعايز الفت نظر الطلبة في حاجه ، الناي ، الي هو رفيع ، ده المناسب للطالب ، في طلبة تقلك ناي تخين ، عارفين التخين ده ، او السميك في الغابة بيعمل ايه ، كل مالغابة تخنط بتاخد كمية هوا كبيرة ، زي البلونة الكتيرة ميبينش فيها ، اجيب بلونة صغيرة ، تتملي وتتعبى هوا بساعتها ، فالعازف على اختيارو للنايات ياخد الناي الرفيع الي مفهوش سماكه فده حيساعدو في العزف بدل ميعمل كده ( يعزف الاستاذ رضا التمرين ) يعمل كده ( يعزف الاستاذ رضا التمرين ).


الي هو يعني نقى ناي الرفيع ، فحيبدا النفس ياخد وقت طويل على ما يخلص لكن لو ناي سميك ، هات ماسوره هوا فاضية وانفخ فيها شوية ، وهات حاجه رفيعه وانفخ فيها تلاقي النفس هنا باين وجميل ، لو بنفخ هنا عشان اطير حاجه عفرة او تراب في حاجه رفيعه عشان بتشلهم ، لو حاجه تخينة مش حيبان ، حيروح النفس جوا ، فانا بنصح الطلبه يعزفو بناي رفيع ، يعني لو كان العقلة الدوكة مثلا ، متزيدش عن ست طعشر مللي يعني خمسطعشر ستطعشر مللي سمك التخانه الي هنا ده سمك ده ، ميزدش عن كده ، خمسطعشر ستطعشر مللي بس يعني متزدش اكتر من كده ، لكن لو زود عن كده حيبقى صعب عليه لانه نفسه كله حيستهلك ، ولما يجي يقول الجوابات بتاعت الناي من فوق ، مش حيحصلها ، مش حيقدر يجبها ليه ، لانه الناي التخين مبيطلعش صوت الجواب ، الحاجة العالية ، الي هو الاوكتاف الاعلى ، الي هو النفس السادس الي حناخدو بعد كده ، ان شاء الله في حلقات قادمة ان شاء الله ، وعايز اقلكم ، كان في عازف ناي ، شهير جدا ،اسمه احمد غانم ، من الاسكندرية والعازف ده كان ماسك مدير لشركة طيران كبيرة وكان الراجل ده مدني بالنايات لما كنت مش عارف اجيب نايات منين وعلمني على قد مهو يقدر يعلم ، فالراجل ده محنسهوش ، خالص خالص خالص خالص ، ولحد فترة قريبة كان بيكلمني ، وانا كنت فخور وسعيد لانه كان بيكلمني ، وطول مانا بتكلم مع الاستاذ ده بحس انه انا صغير ، سني صغير يعني ، فيكلمني يقلي ، فاكر لما كان مش عارف ايه ، وكأنها مبارح ، فبرجعني للماضي والشباب وللفترة السابقة ، ف تحية لاحمد غانم وربنا يخلي لينا كده. 


وانقابلكم في الحلقات القادمة ان شاء الله."

عن المدرب
رضا بدير
رضا بدير
عازف الناى نشأته كانت فنية فوالده كان يعمل خبيرا كيميائيا ولكنه كان يعشق الموسيقى ويحب سماع الموسيقى ، ورضا بدير منذ طفولته كان موهوبا بالفن والموسيقى فطلب من والده آلة موسيقية يعزف عليها وكانت البداية آلة الفلوت ، وبدأ رضا بدير العزف على هذه الآلة منذ أن كان عمره ثمانية سنوات بمفرده وبدون معلم لأنه كان موهوبا وبعد فترة من الزمن اكتشف رضا من عزفه على آلة الفلوت أن هذه الآلة لاتستطيع أن يخرج منها النغمات الشرقية فهى مقتصرة على خروج النغمات الغربية فقط، فوجد رضا بدير أن الاله المناظرة لاله الفلوت هى آلة الناى فبدأ العزف على آلة الناى مع آلة الفلوت فى وقت واحد ، وأخيرا وجد رضا بدير آلة الناى تكفيه جدا وبدأ مشواره الفنى معها. وقد تأثر رضا بدير بعزف سيد سالم، وحسين فاضل، وسيد أبو شفة ، كما تأثر على وجه الخصوص بالفنان محمود عفت ، وبعد ذلك رأى أخيه محمد بدير أنه لابد وأن يتعلم أصول وقواعد الموسيقى وهذه الآلة فإتجه أخيه الى أساتذة كبار فى مدينة الاسكندرية .

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!